السلام عليكم ورحمه الله
اشلونكم كروشااااات
بادخل في الموضوع
انا ماشاء الله في الشهر التاسع
وفي اول الاسبوع الثالث من التاسع
لكن باموت من الخوووووووووف والرعب
انا بكريه يعني اول مره وماني عارفه شي عن الولاده
وخايفه منها بشكل مو طبيعي
لاني ما احس باي الم
اسمع البنات يقولون الم ومغص
انا مافي اي احساس عادي كاني في الشهور الي فاتت
الله يسعدكم خبروني
عادي ولا
والله العظيم خايفه موووووت
وخبروني عن اعراض الولاده ومتى اروح المستشفى
ادعولي اني اولد باسلامه وتكون ولادتي هينه
والله يختج انا مادري انا بعد بكريه
وتوني بالشهر السابع
بس اسمع يقولون لين نزل ماي وايد ودم يعني هذي اعراض ولادة
وان شاء الله يفيدونج اكثر البنات...
مو شرط ينزل ماااي او دم انا مانزل مني شي بس حسيت بألم الطلق خليته لمن زاااااد ورحت المستشفى انا جاني الطلق الصبح وولدت الساعه3 الفجر يوم ثاني
ولا تخافين ولا شيء سهاله انشاء الله
وانشاء الله تولدين بالسلامه وتقر عينج بشوفة ضناج
على فكره انا ولدت بأخر اسبوع من الشهر التاسع يعني كليته كله يم يم
البنات ماأصروش
ولاتخافين
اصلا انتي مالمفروض تخافين لأنك اصلا ماتدرين وش السالفة
بس انتي ادعي ربك
واذا حسيتي بألم منتظم
او شفتي دم او موية روحي
وان شاء الله تولدين بالسلامة وتقولين ليتني مابلشت مخي بالتفكير
عن اكثر من وحده عليكٍ بتدريب نفسك على التنفس وقت التقلصات اي تاخذي نفس عميق وزفير من الفم هذا يساعد الجسم على اخذ الاوكسجين الازم والذي يسهل الولاده ويساعد المولود على الاولاده جربي وادعي لي وتولدين بسلامه (f)
ما في داعي للخوف والتوتر
الولادة شي طبيعي من بعد الحمل وربنا خلق جسم المرأة بحيث يساعدها على ولادة بالسلامة
مب ازم تحسين بالألم والمغض ألحين ، يمكن تحسين به في يوم الولادة بس
انا نزل علي ماي ودم من غير ألم ورحت المستشفى على طول وولدت بالسلامة
وربي يسهل عليج
حبيبتي الله يكومج بالسلامة ويسهل عليج الطلق والولادة يارب (f)
البنات ما قصروا عليج بالرد..
وابد لا تخافين عيوني تره الموضوع طبيعي وكل حامل مرت بيه
والحمد لله التسهيل من رب العباد..
ومدام ما تحسين بشي معناه حملج سليم وبعده موعد ولادتج
بس اذا حسيتي بتقلصات وآلام تشبه الدورة
وتبدي تقوى كلش بحيث ما تكدرين تتحملين الألم ويستمر عندج ساعات
هاي معناها الولادة و مو شرط ينزل عليج ماي او دم
اني ما نزل عندي شي بولادتي الأولى بس مجرد آلام قوية استمرت كل عشر دقايق,,
طولت عليج حبيبتي :o
ربي يسهل عليج وتكومين بالسلامة انتي والبيبي يارب ,,
طمنينا عنج وردة (f)......
والله انا ماشعرت باي اوجاع في شهور حملي كله والصراحة كنت خايفة مرة من الولادة الطبيعية وروحت للدكتورة وقلت لها ابغى اولد قيصري عشان انا مرة خوافة ماقدر اتحمل الوجع وخدت موعد ودخلت العمليات والحمد لله القيصري كتير مريح وربنا يقومك بالسلامة وتكون ولادتك سهلة
شكرا حبايبي طمنتوني
الله يسعدكم
ب
بناتي ياكل حياتي
عروس متألقة
08-02-2009 | 06:33 PM
طبعا من حامل لحامل يختلف اني بنتي الاولى عكس بنتي الثانية
بنتي الاولى ماحسيت بشيء ابدا الا يوم الي بولد جاني الالم اما الثانية من الثامن
بدأ الالم
طبعا بالاولى مافي الم ولا شيء حتى اقول لزوجي الكل قبل الولادة يصير مو قادر
من الالم واني ما اشوف شيء الا يوم ثاني جاني الطلق وولدت
طبعا لا نزل عليي ماي ولا دم
حتى خواتي يقولون لي بعدك لاحقة يااختي
بس من رحت الحمد لله 3 ساعات تقريبا وولدت
الله يسهل عليك الولادة ان شاء الله