سؤال محيرني ياليت حد يفيدني

روووفي 07-02-2009 8 رد 1,075 مشاهدة
ر
السلام عليكم .....خواتي انا ولدي عمره شهر واسبوع الحين.....من فتره عنده امساك وكله يصيح بس من يومين صار احسن الحمد لله لاني عطيته يانسون وسكر نبات واحسه خف شوي .....

بس مشكلته انه لما ابا ارضعه يتم يصيح وما يطيع يمسك صدري نفس اول ......يعني يرضع شوي وخلاص ...........

ولما يخلص رضاعه يتم يوعان لاني لما احط صبعي عدال حلجه يبطل حلجه ويدور شي يمسكه ......يعني يوعان........ودوم احسه جيه .........

كله يبا يمص اصابع ايده واي شي يحس فيه ايي عدال حلجه يبطل حلجه على طول ويبا يمصه.....

عموتي تقول لازم نعطيه بسكوت مع حليب ونعطيه موز الغرش الي يبيعونه بالصيدليه حق اليهال.....بس كل هالسوالف حق الاطفال الي عمرهم 4 شهور وطالع

انا الصراحه خايفه اعطيه شي غير حليبي......ام ريلي تقول لازم نعطيه شي لين ياكله وان حليبي ما يكفيه وبيت دوم يوعان وتقول انها عطت كل عيالها لما طلعوا من الاربعين عطتهم اكل ....


.الي هو بسكوت ويا حليب وموز الغرش..


.........انا محتاره وابا اعرف اذا في حد منكم عطا عياله شي قبل الاربع الشهور ............

شو اسوي خواتي ؟؟؟؟؟؟؟؟؟

اعطيه ياكل ولا يكفيه حليبي ولا يمكن ما يكفيه حليبي؟؟؟؟؟؟؟؟؟


ر
لااااااااااااااااااااااااااا تجازفين وتعطينه اي شي قبل ال 6 شهور
بعدين بتتعذبين معاة اكثررررررر..
اعطيه بس الحليب الطبيعي وحاولي معاة ويوم ورا يوم وبيرضع طبيعي
اصبري عليه لساته شهر مسكين..
ويمكن تعطينه حليب الاطفال بالمرضعه لكن الطبيعي احسن ويقوي مناعته اكثرررر
ح
لا أختي شنو تعطينه موز وبسكوت توه ما طلع من الأربعين حتى !!! مستحييييل معدته ما تتحمل ،، والله غريبة نصيحة عمتش!!

وعلى فكرة كل الأطفال اللي في سنه جذي على طول يبغون يمصمصون وتحسينهم ما يشبعون .. أنا بنتي كانت نفس الشي لما كملت الشهر بديت اعطيها صناعي والحين قريب بتكمل الثلاث شهور صرت أعطيها مرتين صناعي في اليومم والباقي طبيعي والحمدلله ماشي الحال .. جربي عطيها صناعي بس أي شي غير الحليب لا تفكرين فيه قبل ما تكمل الأربع شهور والأفضل ست شهور
ش
أنصحج بالحليب المساعد الصناعي يعني ...
و
لا لا لا مستحيـــــــــــــــــــــــــــــل
حراااااااااااااااااااااام توه صغير لا تعطيه وحاول معاه الرضاعه طبيعه صعبه بالبدايه انا بعد عانيت واجد بس اصبري ولاتستسلمي وخلي اعصابك هادئه
ادا مارضع قعدي بغرفه لوحدك انوار هادئه ورضعيه
وادا حسيته مررره جوعان ومره يبكي عطي صناعي عشان يهدا ومن يهدا حطي صدرك او سوي الطريقه هده باللهايه لما يهدا شيليها وحطي صدرك
وبالتووووووووووووووووفيق
s
ورود ناعمه;8725095:
لا لا لا مستحيـــــــــــــــــــــــــــــل
حراااااااااااااااااااااام توه صغير لا تعطيه وحاول معاه الرضاعه طبيعه صعبه بالبدايه انا بعد عانيت واجد بس اصبري ولاتستسلمي وخلي اعصابك هادئه
ادا مارضع قعدي بغرفه لوحدك انوار هادئه ورضعيه
وادا حسيته مررره جوعان ومره يبكي عطي صناعي عشان يهدا ومن يهدا حطي صدرك او سوي الطريقه هده باللهايه لما يهدا شيليها وحطي صدرك
وبالتووووووووووووووووفيق


نفس كلام الاخت
ر
حبيبتي روووفي لاتعطينه لاموز ولا بسكوت هوه بعده اصغير معدته ماتتحمل انا ولدي
توه طالع من الاربعين ونفس الشي اتحسينه دوووم يوعان ومبطل ثمه بس عطيته مرضاعه باليوم
حليب صناعي عشان ايساعدني بس وماعطيته شي ثاني واعطيه شاي للاطفال من ميلوبا و
الحمد الله بخير واحسن من اول هي فتره الاربعين صعبه اسمعي نصيحتي والله يهديه ويساعدج
ن
نفس كلام الاخوات
ر
تسلمون خواتي على نصايحكم ...الله يعطيكم الف عافيه ان شاء الله
X