ولد عمها ولا الغريب مشكله

السلام عليكم ورحمة الله وبركاته

اولا يااختي ما يحق لابن العم يتقدم دام انه عنده زوجة وعايش حياته -لو كان يبيها من اول كان خطبها !

شنو خانته الحين ! والا بس عناد وفرض رأي


الله يهديه بس

انصحي اختج تقول رايها بصراحة وخليها تكلم واحد من اخوانك يقنع الوالد بان ابن عمكم متزوج فليش حابب يخربط حياة اختك ويخليها زوجة ثانية !!!!!

ربي يسعد اختك ويهنيها بحياتها ولا تنسي تطمنينا عنها ..

والله ماعندي غير عليها بالرجا والتوكل ع الله وتدعي ربها من قلبها وتصر ع الدعء وتجزم صدق النية وان شاء الله مايخيب من رجا عليها التقرب الى الله بانواع الطاعات والتصدق وان شاء الله ماتخلص الفترة اللي يروح الحزن عن اهل اللي تبي يخطبها الاباذن الله يبدل الحال الى احسن الاحوال

مادام يبغيها على سنه الله ورسوله الله يوفقها تتوجه لرب العالمين يحل لها الموضوع ثم تكلم اخوانها اذا متفهمين يدخلون وطمنينا موفقه يارب

مريــم نور;8720750:

سؤال ..

يعفسها كيف ؟!!

أيش بيعمل أبوها يعني ؟!!

و بعدين أيهما أهون أن تنعفس حياتها يوم يومين .. شهر شهرين .. و ينتهي الأمر و مرده أبوها بيسامحها مهما تعمل .. و لا تحكم على نفسها بمؤبد مع رجل لا تريده ؟!!

يكلمها أبوها بالحسنى و تقتنع فيه ممكن .. لكن غصب عنها لا

الاستئذان في الزواج حق أعطانا هو الله .. و لا يحق لأي بشر أن يسلبنا إياه

قولي لها لا تقدمي تنازل تندمي عليه طول عمرك ..

عين الأعل

وانا لو انحط في مثل هالموقف محد راح يعفس الدنيا غيري (6)
يعني ولد عمج مب على كيفه اللي يبيه ياخذه،، وبعدين محد يقدر بفرض الزواج على أحد
احنا مب قاعدين في زمن الجاهليه

بس للأسف في ناس للحين ماشيين على عادات وتفكير مالها أساس

السلا عليكم


طبعا بما اني من اهل المنطقة


ادري ان رفض البنت لولد عمها يعتبر مصيبة

يمكن تصير مشاكل بين العوايل لهالسبب

اول شي اذا تقدر تكلم ابوها

تقول ما ارضى اصير ضرة على وحدة ثانية

واذا يبي يطلقها طلاق لا رجعة فيه

واذا بينهم عيال يصرفهم للأبد لاني ما راح اتحمل عيال وحدة موجودة يعني هي اولى بتربيتهم

واذا يبيني بيت مستقل واثاث يديد وكل شي يديد

انا عروس يديدة ومن حقي اقرر مصيري بيدي


يعني تضع شروط تعجيزية شوي اما يقتنع

والا خلاص راح يغض الطرف ويكون لك نصيب في الثاني

انا بصراحة قد القى معارضة من البعض

لكن هذا حل مقنع بالنسبة لي

بتقولون ليش ؟؟؟

يعني لو فرضنا انه حقق طلباتها وطلق الاولية راح يكون ظالم لاولى وهذا يرجع له
وبنفس الوقت تنغص عليه عيشته

يعني لو بيفكر ان شاء الله راح يشيلها من باله

واذا ما وافق خلاص

ما لها الا الخاطب اليديد


بس اهم شي الاب ما يكون معلقها على اوهام عيال عمها

لان والله بنات مثل الورد تذبل على امل عيال عمهم

والاباء نايمين ومو حاسين بالعمر يمشي

يعني بنات يوصل عمرهم ل30 وهم في بيت ابوهم

وغيرهم عندهم عيال وهم ما لهم الا يطالعون من بعيد لبعيد

البنت اهي لها الحق انها ترفض او توافق لانه هذي حياتها واهي الي راح تعيش مع الطرف الثاني لا الاهل ولا غيرهم الي راح يعيشون معاه عمر ..

وبعدين شنو يعفسون الدنيا مايعفسون ,, الي يبون يسون خله يسوونه وولد عمها متزوج يعني ماله حق انه ينظر ليها او يفكر فيها اصلا ,,يبي ياخذ نصيبه ونصيب غيره !!!

انا اقول اختج لا تخاف من احد وخلها تتوكل على الله وتختار الي يرتاح له قلبها وعقلها وماعليها من غيرها ..

مسك - مريم نور - منيه الخاطر - هواجس -انا الشوق - دموع اليتيمه - بنت سالمين

الله يوفقكم ويستر عليكم ويحقق امانيكم

قررت تقول لاخواني وهم ان شا ء الله متفهمين بس المشكله في ابوي عنيد ودايم يمدح في عيال عمي يعني الموضوع عنده عادي متزوج ولا غيره بس والله بيظلمها معاه

ولد عمي حاطها في باله الله يسامح بس

انا رايي مثلكم ترفض والي يصير يصير

عزيزتى:
لابد أن يعلم والدك بأن (القبول) من شروط تمام الزواج وإذا كان هذا العنصر غير متوفر فلا يجوز

وإنصحى أختك بالإستخارة واللجوء إلى الله
وإن شاء الله يتيسر الحال..

ان مع كلام اختي مريم نور ماشاءالله ماقصرت بالرد

ولاتخليها تظلم نفسها مع انسان مزوج مهما يحصل

ووتتفاهم مع الولد بيزعل فتره وبيرجع يرضى ولاتهدم حياتها

وان شاءالله ربنا يوفقها بلي خير لها

هلا اختي

الحين انتوا ماعليكم الا تصبروون واذا يه ولد عمها وخطبها

تقول لاا حق ابوها وتقوله ماابيه لانه متزوج ومب مرتاحتله

ومايصير ترتبط فيه وهي مب مقتنعه لاااا .. والمصيبه ولد العم متزووج وحاطها في باله

مدامه مصر انه ياخذ اختج ليش ماخذها من اول ليش تزوج والحين يبيها؟

حرااااام والله .. الله يعين زوجته الاولى ويعين اختج لانه مب دوم بيكون معاها

خل يستعيل زميلها وايي يخطبها قبل ولد عمها .. بس سؤال!!

انتوا واثقين انه ابوكم بيوافق على زميلها؟ يمكن يقول لها: مالج الا ولد عمج

ببببل مااحب هالنوعيه بصرااحه ولاتزعلين من كلاامي

خلها تقنع ابوها قد ماتقدر انها ماتبي ولد العم ولاتييب له طاري عن زميلها

وتقوله هذا انسان متزوج ومابيكون لي برووحي .. ومن هالحجي ..

وبالتوفيـــق طمنينـا اذا صار شي

مريــم نور;8720750:

سؤال ..

يعفسها كيف ؟!!

أيش بيعمل أبوها يعني ؟!!

و بعدين أيهما أهون أن تنعفس حياتها يوم يومين .. شهر شهرين .. و ينتهي الأمر و مرده أبوها بيسامحها مهما تعمل .. و لا تحكم على نفسها بمؤبد مع رجل لا تريده ؟!!

يكلمها أبوها بالحسنى و تقتنع فيه ممكن .. لكن غصب عنها لا

الاستئذان في الزواج حق أعطانا هو الله .. و لا يحق لأي بشر أن يسلبنا إياه

قولي لها لا تقدمي تنازل تندمي عليه طول عمرك .. توضي و صلي ركعتين و إلجأي فيهما إلى الله و اطلبي منه العون .. و روحي كلمي أبوك بطريقة مباشرة ما فيها لا لوم و لا انفعال عن رغبتك .. و إن شاء الله سينتهي الأمر كما تحبين

انت ليش تحرضين البنت على ابوها؟؟؟؟؟؟؟؟؟؟؟؟؟:mad::mad:

أنا أقولك

ماتقدري تظهري أنتي والأهل علامات تعجب قدام الأب أو كأن الأب يمزح إنك تاخذي رجل متزوج وأنتي رافضه الضره فيحاول يفكر مع نفسه شوي ويراجعها وتجاهلوا الموضوع وكلكم بنفس الحركه وأشعروا عمومتكم بهالشي لأن ضعفكم وخوفكم راح يساعد على ان يحدث الأمر

أما زميلها بالعمل فإن كان من أقرباءك مايرضيك ويرضي الأهل والأب خصوصا والأقربون أولى بالمعروف وبنفس الأخلاق فتناسي زميلك بالعمل وادعي له بالتوفيق



تمنياتي لك بزواج سعيد

فديتج دامه متزوج خلاص ماله حق فيهااا .. والله هي ماترضى تكون زوجه ثانيه

وخلها تقول لا .. اشدعوه اختي يعني كلش مافي راي .. حتى لو كان مب متزوج وهي ماتبيه خلاص انتهى الموضوع مافي شي بالاجبار

ودامها مرتاحه لزميلها فالعمل . خلها تنتظره ولا تنتظر رجال ويكون لها بروحها مب مشترك

الله يعينكم يالغلا

ولد عمك توه تذكر انه له بنت عم ؟؟؟؟

ومين قال انه احق فيها لا ماله الاحقيه وخصوصا انه متزوج ..

انا من رأيي انها تكلم ابوك وتقول رايها بكل صراحه وبأدب ومن غير عصبيه وتقول انه رفضها عشان انه متزوج وله حياته الخاصه مو الرفض للولد نفسه ..

وتقول انها صلت الاستخاره ومرتاحه للي معاها بالدوام وان شاء الله ربي يوفقها اهم شيء ما تسكت لان هذي عشرة عمر ..

لا تنسى الدعاء وقيام الليل ..

row3a;8721894:
مسك - مريم نور - منيه الخاطر - هواجس -انا الشوق - دموع اليتيمه - بنت سالمين

الله يوفقكم ويستر عليكم ويحقق امانيكم

قررت تقول لاخواني وهم ان شا ء الله متفهمين بس المشكله في ابوي عنيد ودايم يمدح في عيال عمي يعني الموضوع عنده عادي متزوج ولا غيره بس والله بيظلمها معاه

ولد عمي حاطها في باله الله يسامح بس

انا رايي مثلكم ترفض والي يصير يصير

الله يكون بعونكم
وييسر أمور اختج ويلين راس أبوج

ابوها بيزعل وتسير مشكله بين العائله لو ماوافقت صح

يجلسو زعلانين شهر اتنين سنه 10 مصييييرهم يرجعو لبعض

بس هيا لو اتزوجت ولد عمها غصبا عنها ماراح تتطلق بسهوووول

مو عشان ولد عمها تجامل وتقبل مو على حساب راحتها

حتى اذا زي ماتقولي ابوكي شديد بس متأكدين انو يوافق على ولد عمك ؟؟

بصراحه موضوع اختك جدااااا محير وولد عمك فاضي وماعنده سالفه

الله يقدم لها الي فيه خير

عيون الفهد

قول الحقيقة اختى انها لا تريد ابن عمها و تميل لزميلها و قبل كل شىء تستخير الله الزواج ايجاب و قبول وقبله تيسير من الله تعالى

اولا ولد عمها متزوج و تقدر ترفض بكل بساطة والسبب انه متزوج.....واذا جاها الثاني و تقدم توافق...و ما اعتقد ابوكي بيغصبها على واحد ما تبيه