ملاحظه: ترى انا اللي سويت الحلا والصور من تصويري... يعني ما نقلته من احد.. واذا كان فيه تشابه في طريقة الحلا،،، انا ما ادري عنه..يعني اتمنى انه ما يتم حذف الموضوع لمجرد التشابه،، شكرا
المهم انا سويت له نوعين حلا... بس ما صورت الا نوع واحد بس لانه بصراااحه روووعه ويستحيل مايسألك احد عنه.... (y)(y)(y) بس معليش بنات يمكن ما اقدر اشرح واحط الصوره وراه ...يمكن احط الصور ورا بعض لاني ما اعرف كيف...يعني السموحه... المهم نبدأ المقادير:
الطبقه الاولى::: نص بياله سكر... (البياله هي بيالة الشاهي)
بياله ماء
ثلاث ارباع بيالة زيت
1 ملعقه بيكينغ بودر ممسوحه
1 كاس جوز الهند
1 كاس حليب بودره
4 بيضات
هاذي المقادير تخلط في الخلاط ثم توضع في صينية تيفال مستديره او مستطيله اكبر مقاس ... بعدما تدهنينها بالزيت وبعدين تحطينها بالفرن الييييييييين بس تشقر اطرافها ... الصوره الاولى
الطبقة الثانية:: 10 حبات كيري + 1 علبة نستله كبيره
هاذي تحطينها على الطبقه الاولى بعد ما تطلع من الفرن وتتركينها تبرد بس شششششوي وترجعينها بالفرن ... لكن تتطفين النار من تحت وتفتحين اللي فوق عشان الطبقه تتماسك بس مو تتحمر ...بنات انتبهوا بس تتماسك يعني دقيقه ... حسب الحراره خليكم عند الفرن....الصوره الثانية
الطبقة الثالثة::: بسكوت اولكر بالسمسم
بعد ما تتماسك الطبقة الثانية تطلعين الصينية وعلى طووووووول تصفين البسكوت عشان يتماسك مع الطبقه الثانية وخليها... الصورة الثالثة
الطبقة الرابعة:: 1 علبة سفن اب + 2 ظرف كريم كراميل
حطيهم مع بعض على النار اليييييييين ما تبدأ تغلي وطفيها واذا بردت شوي حطيها على البسكوت شوي شوي وبعدين حطيها بالثلاجه. الصورة الرابعة
بعد ما تبرد تجيبين علبة فاضيه حقت البكينغ باودر ليييييه هي بالذات لانها نفس حجم البسكوت واللي انتي راح تقطعينها فيها.. وصفيها بصينية التقديم .وبالهناء والعافيه. الصورة الخامسة.
وبالهناء والعااااااااافيه.... عاد بنات اذا جربتوه ،،الله الله بالتقيم:D:D
