شـلون كـان نفـاسـج ؟؟

انا الصراحه هذا اول حمل لي انشاء الله لي ولدت والله سهل علي بنفاسي بقعد اربعين يوم حتي لو طهرت قبل لانه اكيد بتعلم من امي اشياء تفيدني وتفيد البيبي وهذا الاربعين من حقج ترتاحين فيه من ضغوط الحياة الزوجيه ... واسمي بجريه لاز م اقعد ادلع عن امي

انا قعدت تقريبا 55يوم ماادري ايش صار الظاهر ان دوره الاربعين شبكت على طول مع الاربعين ولا رحت بيتي الا يوم صار عمر ولدي شهرين بس وناسه صراحه خذيت راحتي عند امي عدل

انا كنت في بلد غير بلدي وجات امي عندي اسبوعين ... وراحت

وباقي النفاس جلست لوحدي اهئ اهئ..

ايااااااااااااااام النفاس معاناه .

انا طهرت يمكن من 36 يوم
بس قعدت ببيت اهلي
ارجع لبيتي باليوم ال 41
شوفي الدققققققققة خخخخخخخخخخخخخ

والله أنا بولدي طهرت ولي 23يوم ورحت لزوجي ولي أربعين يوم ....وببنتي طهرت ولي 26يوم ورحت لزوجي ولي 42يوم...بس لو بيدي جلست مده أطول عند أمي الغالية من يحصل له يتدلع.هههههههههه خخخخخخخخ

والله ياقلبي نفست في بيت زوجي خخخخخخخخخخخ لاني ساكنه مع خالتي وهو مارضى اني اروح بيت اهلي يقول يستحي انا كل مره يجي بيت اهلي ويشوفني مع النونو فقال قعدي وياي عور قلبي وسمعت الكلام والحمد لله خالتي ياقلبي ماقصرت وياي وطبعا مامارست حياتي الزوجيه الا لما بقى يومين واكمل 3 شهور ....... وعلى فكره الدوره جتني بعد الاربعين مباشره بس كانت هينه ماالمتني واجد ..

انا هذا اول حمل وان شاء الله اربعين يوم راح اقعد عند امي واذا اكثر احسن بعد من يكره الراحه ههههههههه.

انا انشالله الاربعين كامل بقعده في بيت اهلي :shy:

وانا الله يسلمج من كل شر نزل عندي الدم يمكن اقل عن اسبوع والباجي وسخ وخفيف جدا بس من كملت شهر بالضبظ يتني الدوره 11 يوم وعقب تطهرت ورجعت بيت زوجي اول ماكملت اسبوع من ولادتي مع اني بجر وماعرف شي بس كنت مضظره عندي تدريب ههههههههههههه وسويت حقه طاااااااااااف بس الحمدلله الجامعه تفهمت هالشي خخخخخخخخ

هلا كروشات .. ببنتي كان مدة نفاسي لي قريب الاربعين يوم وبس خلصت دم النفاس نزلت علي الدوره..

وعن بيت الاهل كنت مرتاحه امي شايلتني شيل بس الامر اللي كان مضايقني واللحين بعد خايفه منه اهو


الازعاااااااااااااااااااااااااااااااااااااااج

ماكنت اقدر انام البيت كله فوضى وانا كنت محتاجه انام اخوي واختي سهراتهم تبدا بعد منتصف الليل .. الطبخ والتلفزيون والازعاااااج على اصوله ولا اختي المتزوجه مسكينه كان اجازه والامتحانات مخلصه ومسكينه تسهر معاي للبيبي ولكن بناتها ماكانو يقصرون من الازعاج والسهر مع اخواني ....... ومن جدي اول مارخصوني من المستشفى قعدت اصيح ماابغي اقعد في بيتنا وحالتي النفسيه كانت سيئه

نفسيتي كانت كلش تعبانه من هالموضوع

ربي يسهل عليه وعليكم هالمره ..

انا جلست ببيتي وماما كانت عندي 15 يوم

انا ماشالله نفاسي كان بالضبط 60 يوووووووم ,,, سبحان الله باليوم الستين طهرت كأن النفاس يحسب الايام معااااااااج ......... وتميت اصيح حسبالي طول عمري كل نفاسي 60 يوم ,,, قالوا لا كل حمله تختلف عن الثانيه ,,,,,,,, وان شاءالله اولد واقوم بالسلامه واولد وانفس مثل الناااااااااااس ,,,,,,,,, :)

يعطيكم عافيه

ننطر الباجي :)

انا توني والده لي 12 يوم
وبصراحه ودي ارجع لزوجي حبيبي

بس امي اكيد بتزعل فماقدر مضطره اقعد لين اخلص الأربعين

انا توني حامل بس بقعد ان شالله 40 يوم كاملة ببيت امي واذا قدرت بكملها شهرين بعد خخخ

انا بكون في بيت اهلي و زوجي مو معاي في نفس المنطقة و راح يستمر الوضع 3 شهور بعد الولادة..

بس لو علي انا...ودي ارجع لبيتي فاسرع فرصه، يعني اتصور ممكن اجلس عند اهلي 3 اسابيع و بعدها برجع لزوجي و بيتي

شكرا لمروركم

انا طهرت بعد 21 يوم وقعدت في بيت امي 44 يوم خخخخخ لا تسألوني ليش بس الظروف صارت جذي

بس ما في أحلى من فترة الأربعين مع ان الكل حتى في المنتدى كانوا ايقولون العكس

بس انا استانست دلع وأكل اشكال والألوان

الله يخلي لي امي ولا يحرمني منها قولوا اميييييييييييين

شكرا لج اختي