ماحصل لك موقف وأنتي تطلقين ....؟

بنتي زهراء ولدتها وانا بالسبوع 37 مافي موقف محدد بس كنت كله اظحك يعني يجي الطلق ابجي واون وبس يروح اظحك مدري ليش..؟؟ههه الحمدالله الظحك ولا البجي يمكن اول مره ومدري شسالفه انا الحين حامل واحااااتي واايد الله يسهل علي وعلى كل الحوامل ياااارب مشكوره على الموضوع باظيف اي موقف يحصلي بعد ولادتي باذن الله وان شاء الله يكون موقف ظريف

ان شاء الله هالمره بعد ضحك اختي اتوقع اريح للنفسيه بدل ماتكون مشدوده والوحده معصبه

الله يسهل حملك وتقومي بالسلامه

حلو موضوعك وموقفي مضحك ومبكي بنفس الوقت يوم كنت بكريه طبعا مثل الاطرش بالزفه جاني مويه من غير الم ورحت للمستشفي وكانت معي امي وعلى طول قالو ولاده الموووهيم وانا على الكرسي بيودوني على غرفه الولاده واشوف امي تصيح وخايفه وانا مسكت معي ضحك ولاكنت رافضه اشيل الكلوت قامت النيرس تضحك وبعد الولاده انواع الصياح ويوم شافتني امي قالت اشوفك تضحكين واقول ياعمري بعذرها ماتدري وش السالفه والحين خايفه مووووت من الولاده الله يسهل

ههههههههههه
انا كانت النيرس في يدها فلوس تقول اذا ولدتي بسرعه اعطيك هالفلوس
وخلتني اولد وهربت خخخخخخخخ

انا ماصار لي موقف
بس اللي اذكرة ببنتي الاولى بكرية ومسكينة
مارضيت يشولي الغطا عن وجهي
ياحليلي متمسكة بالغطا لاخر لحظة
والمضحك اني اتمشى بدون عباية وبروب المستشفى يوم فيني الطلق
والوجة مغطى خخخخخخخخخ علشان كان فية دكتور
والحمدلله بولاداتي كلهم ماشافني الدكتور ويارب يتمم علي المرة

حلوه مواقفكم

انا توني والده

انا كنت ازف اي احد يحاجيني

حتي امي ويدتي و ريلي و دكتوره كلهم حصلوا زف

اول ماوصلت مستشفي قالوا 6سم واذنكم ماتسمع الا الصراخ ما ابي اولد

ما ابي اولد ...

لـووووووووول

يارب اكرمني بالحمل واجي اخبررركم بمواقفي قولوآ آمين
رب لاتذرني فردآ وأنت خير الوارثين

تسلمي عيوني والله يحفظكم يارب

حلمـ عمري;8707314:
يارب اكرمني بالحمل واجي اخبررركم بمواقفي قولوآ آمين
رب لاتذرني فردآ وأنت خير الوارثين

تسلمي عيوني والله يحفظكم يارب

اله يرزقك و يرزقي وكل محروومه يا رب

انا بولادتي الاولى......سبحان ربي كانت ميسره مره
اما ولادتي الثانيه شفت الموت انخفض عندي الضغط وغبت عن الوعي
لما ايقوموني اشوفهم قدامي مثل الحلم والله كانو 6 او7 ممرضات
يصيحون ماما دفي دفي وانا منتهيه ماااااافيني شده وغبت عن الوعي مره
ثانيه اضطرو بعدها يشفطوا البنت بالجهاز بعد الولاده والخياط كله واناموصاحيه
ماقمت الا لمانقلوني بغرفه لحالي علشان ارتاح
لكن انا ما احب اخوف اخواتي الحوامل <<<<<<<<لكن اوجه لهم نصيحه الراحه الراحه و
التغذيه التغذيه التغذيه بالشهور الاخيره من الحمل
اللي صارلي علشان سوء التغذيه وانا حامل وكنت اعاني من ضغوط نفسيه

اعتبره اقسى موقف مر عليه بحياتي
تصدقين اختي ربيعيه اول مره اذكر تفاصيل ولادتي وافضفض

واااااااااااي هالموضوع يجيب الرعب

و انا ما اتادب من اشوف قصه ودلاة دخلت اركض ..

رسمت 100 صورة الى غرفه الولادة والى الان ما ادري شلون بيكون شكل هالغرفه

و هل انا بقدر اولد مثل باقي البنات او لاااااااا

*um_jihad*;8707661:
واااااااااااي هالموضوع يجيب الرعب

و انا ما اتادب من اشوف قصه ودلاة دخلت اركض ..

رسمت 100 صورة الى غرفه الولادة والى الان ما ادري شلون بيكون شكل هالغرفه

و هل انا بقدر اولد مثل باقي البنات او لاااااااا

اكيد حبيبتي بتقدري تولدي وعلى فكره لماتكون الوحده بكريه لو تشوف بعيونها حالات ولاده ماتحس الا مع اول تجربه

مشكورات اخواتي انكم فضفضتو واعطيتونا مواقفكم

والله يسهل على كل حامل ويرزق كل محرومه يارب

ياحبكم للسوالف

خلاص لاتذكرونا بالطلق انسوا الامر

انا في ولدتي ببنتي دخلت غرفت الولادة وتجمعوا الممرضات ويرطنون وانا موفاهمه السالفة جا الدكتور وقال الطفل معترض وقعد يكشف ويعد انا صرخت وقلت شو تعد الرجل خمس اصابع واليد خمس اصابع خاف الدكتور وقال خلاص بنسوي لها عمليه قيصرية فقراة سورة الزلزلة وانفتح الرحم وولدتة من رجولها <<<<الله لايذوق احد انواع التعذيب

[GRADE="00BFFF 4169E1 0000FF"]

[B][SIZE=5]حلو موضعج يالريبيعيه ذكرتينا بالايام اللي نفرح ونصيح بنفس الوقت
في ولادتي الاولى استمر الطلق عندي سبع ساعات وخلص الاوكسجين من جسمي يعني جمعت الدكاتره المناوبين كلهم عندي الين ولدت وماشفت بنتي الا ثاني يوم شوي واخذوها بس وقت الولاده اعزكم الله الدكتوره مقصوصين اصابعهه السبابه والوسطى وقعدت اقولهه من كثر الالم الله ماقص اصابعج من خير واسب واشتم بس والله متحسفه لو اشوفها كان اتسامحت منها اما الولاده الثانيه ضليت طول الليل رايحه جايه على الحمام ومافي بالي الالم اللي فيني لاني كنت افكر في بنتي ليلتها كانت طايحه ومنكسر ضرسها وكان عمرها تقريبا الاربع سنوات ولما طلع الصبح اقول حق ريلي بولد يقولي الحين وقعد ضحك عي ونام مره ثانيه ورديت وقعدته اقولي انت من صجج اما الثالثه قيصريه اقولن لي متى ماياج الطلق قولي وكل مره اقول مافي اتقولي الدكتوره رحتي ولا يتي لازم عمليه اقولهم عطوني مهله يقلون طايفه موعدج بعشرة ايام وتبين مهله بعد ولا بعد طايحه قبل مانرقدج سكتي بس ويابولي الجهاز وطلع فيني طلق وساكته لاني خايفه
السموحه لاني طولت عليكم
[/GRADE][/SIZE][/B]

هلا ربيعيه اخبارش ؟؟؟؟؟؟؟ لازم المواجع يعني خخخخخخخخخخ ترى خايفه من الولاده الثانيه الله يسهل علينا وعلى الجميع .
بالنسبه لي كنت رايحه من حالي عشان اطلق هههههه مستهبله ابغى اطلعه لاني طولت وعندي الام خفيفه قام الدكتور قال بما ان في الالم يعني نص تحميله وفتح الرحم بس 1 سم وبعد ست ساعات وحده فتح واحد ونص والثالثه بس 2 والربعه 2 ونص يعني قمة الاحباط وماخليت اشياء دافيه ماشربتها وتمشيت مع زوجي واقول له مو قادره احس في شي بيطيح مني مو متحمله وهو يقول امشي ماعليه تحملي قرب يجي علاوي الى الدنيا ورجعت الغرفه الا تقول لي الدكتوره اخر تحميله بس خليني اشوف الرحم كم فاتح وتصعقني اني وزوجي لازال 2 ونص وخلاص بغيت اموت قالت بكر مانقدر نعطيش اكثر باعطيش دي بس وبعدين بنشوف وعطتني امل اني بالليل راح اولد بعدين جت لي دكتوره يجزاها ربي الف الف خير فتحت لي الماي وبغيت اموت من الام حتى من الام ومو عارفه شنو الي نول اقول ليها دكتوره وصخت السرير خخخخخخخخ قالت لي هذا اطهر شي فيش وسخي الا بتوسخيه بس ربي يسهلها عليش وجلست اصيح واتصلت بزوجي اخر مره تخلني احمل وهو بغى يموت مو عارف شسالفه بعدين جت لي ممرضه وقالت لي بافحص وتقول خلاص ولاده وتاخدني واروح تقول لي الممرضه الا هناك يالله باحط لش مغدي وتختار لي مكان مؤلم قلت لها ماابغى المغدي هني قالت مايصير لانه اوضح شي كل هالعروق بس هذا الاشفتيه قلت ليها هونت ماابغى اولد خخخخخخخخخخخ قالت لي جربي صدقيني مابتتعوري طبعا كانت فلبينيه وفعلا ماالمتني وقامت تهديني ومنعوني اروح الحمام ولما قربت اولد جت لي دكتورتي وممرضتين ويالله تشجيع حشى كره قدم مو وحده بتولد وفعلا مع التشجيع ولدت ولله الحمد وبعدين هي قالت لي انا الي باسوي لش الجراحه وقالت لي ترى انا مو زعلانه لانش بكريه ومتالمه قالت لي باوريش شي قلت لها شنو قالت لي المشيمه وفعلا وردتني وياها سبحان الله بس اقولكم الصراحه عجبني لونها هههههههههههه والله يتمم على الجيمع بخير ..

اسمحي لي حكيت قصة حياتي مو ولاده ..

طبعا عشان لا انسى جى لي الدكتور بعد ولادتي الا يقول لي اسف انا توقعت بسرعه الرحم بيفتح ماتوقعت بتتعذبين بس ماعليه السنه الجايه بتوصى فيش عدل خخخخخخخخخخخخ..

هههههههههههه الله يساعدنا ويساعد خواتنا الحوامل

انا عندي حمد الله يخليه لي صار 3 شهور من ربيت فديييييييييييييتني كنت ماااااااااااااعرف شي عن الولاده الا انها تعور بس ماتصورت الالم يكون بهالقوه المهم انا عن نفسي ماخلييييييييييييت شي ماشربته كل شي تتوقعونه عسب اولد بسرعه وكنت امشي واااااااااااااااااااااااااااايد بس حمد مايبا يطلع طوفت شهر بخمس ايام واليوم اللي بولد فيه يت امي وشربتني زعتر== وهني بدا الطلع عالفجر ومن خووووووفي تخيلو كلت عيش ورووووب اسميني متفيجه دخلت عن زوجي برتاح شوي اول ماحط راسه رقد فديته من التعب وانا اول ماحطيييييييت راسي الا والمااااااي يخر واقوم اصرخ من الخوووووووف حبيبي قوم بولد الماي نزل وهوووو بسااااابع نومه يقولي انزين انزين وصرخت عليييييييييه لين مافزع خخخخخخخخخخخخ وبالمستشفى الله يغربلها من مستشفى الساعه 5 الفجر الله طيحني ع دكتوره نفسها خاااااااايس توها مخلصه مناوبه وتعصب ليش تيبون لي مريضه والنيرس تقولها حاله طارئه ولاده سوت لي طااااااااااف نيمتني عالسرير وكشفت علي تخيلوووووووووو قالت الماي مانزل وانا كلي خرساااااااااااانه ماي وقالت الرحم مب مفتووووح وانا فحصت بالعياده بنس اليوم قالولي 3 مفتووووووحه المهم دخلوني غرفة الولاده والطلق يزيييييييد بس تخيلووووو من الخوووف وانا ازفر اقرى قرآآآآن بصووووووت عالي ويوم يروح الطلق اتكلم بالموبايل خخخخخخخخخخخخخخخ واول ماربيت حمد فدييت روحه قعدت اصوره متفيجه خخخخخخخخخخخخخخخخخخخ

سوري طولت عليكم بس على فكره خلوووووووني بروحي بغرفة الولاده لين ماراس ولدي بدا يبين

السمووووووووووووووووووووووووووووووووووووحه

انا قريت الموضوع

بس في سؤال محيرني لاهل السعودية ؟؟

سمعت مواقفكم والبنوتات يقولون دائماً الدكتور وما يقولون الدكتوره ؟؟

يعني انتوا عندكم دكاتره للولاده يعني رجال ؟؟

لانه عندنا بالبحرين حريم ( إناث ) يعني وليس ( ذكور )

يمكن السؤال غبي هههههههههههههه

بس صادني فضوول


×_×

*_القطوة_*;8712626:

انا قريت الموضوع

بس في سؤال محيرني لاهل السعودية ؟؟

سمعت مواقفكم والبنوتات يقولون دائماً الدكتور وما يقولون الدكتوره ؟؟

يعني انتوا عندكم دكاتره للولاده يعني رجال ؟؟

لانه عندنا بالبحرين حريم ( إناث ) يعني وليس ( ذكور )

يمكن السؤال غبي هههههههههههههه

بس صادني فضوول


×_×

لا حبيبتي فيه نساء وفيه رجال في المستشفيات الخاصه الوحده تطلب لكن الحكومي


حسب الدوام وحسب الحاله اذا كانت حرجه