هالحلا اخص في حبيباتي عروسات المنتدى يعني كل عضوه وانا متاكده انه بيعجبكم وطبقو وما راح تندمو لان خفيف وطعمه يهبل وسهل جدا وحلو لضيوف الغفله ههههههه
اخليكم مع الوصفه والصور
طبعا للاسف ما صورت كل المقادير من العجله .. المهم بنحتاج الى سويس رول 3 باكيتات امريكانا احتجت لان الصينيه صغيره-صينيه نقدر نفك جوانبها-كريم كراميل علبه وحده-استخدمت دريم ويب كيس ونص-فراوله تقريبا باكييت كامل-شويه حليب لخلط الدريم ويب-حليب لعمل الكريم كراميل-مربى توت وبس(y)
الطريقه:
نقطع السويس رول امريكانا حلقات ونصفه بالطريقه
في هذي الاثناء نعمل الدريم ويب سهل طبعا والطريقه على الظرف وانا اضفت ملعقه ونص مربى توت ومثلما ذكرت استعملت ظرف ونص بس بأمكانج تغير الكميه على حسب عدد الاشخاص وحجم الصينيه
عقبه سكبته على حلقات السويس رول وقمت بتغطيه لكل الحلقات وهذي الصورة
وبعدها ادخلته الفريز عشان شوي يجمد وهذي الصورة هههههههههه
بعدها بخمس دقايق تقريبا طلعته وقمت بتوزيع طبقه بسيطه من مربى التوت ولهالشي حكمه بتشوفوها بالخطوه الجايه
طبعا انا اضفت المربى التوت عشان لما اصف شرائح الفراوله الطازجه تلصق مضبوط خصوصا مع التقطيع بعدين ما تتناثر وهذي صورة بعد ما صفيت شرائح الفراوله
بعدها دخلتها الثلاجه شوي وفي هذي الاثناء قمت بعمل كريم كاراميل عادي مثل رمضان كاسين حليب متوسطين لكل علبه وهذي صورة تحضيري للكريم كراميل
وبعد ما استوى خليته تقريبا خمس دقايق وكل شوي احركه عشان تقل حرارته وعشان ما يجمد يعني لازم تحركون كل شوي
وعقبها طلعت الصينيه من الثلاجه خليتها دقيقتين وصبيت عليها الكريم كراميل
بعدا دخلتها الثلاجه بعد ما نطرت دقيقه وشوي وما اخذت وقت يمكن نص ساعه ولما لمستها لقيتها جامده يمكن اقل بعد وهذي صورتها بعد ما فكيت الصينيه وخليتها بصحن التقديم شوفو شلون حلو شكلها
وهذي صورتها بعد ما قطعتها شوفو شلون خفيف شكلها وبتعجبكم ان شاء الله واول قطعه لاول بنت ترد
اتمنى يعجبكم وتراه مجهود شخصي يشهد الله اني ما نقلته من احد واعتذر اذا تصويري مو ذاك الزود تعبت بالتحميل اتمنى القى ردود حلوة ودعوه بظهر الغيب واذا كنت استاهل قيموني