نصيحة للبنات والعرايس لا تنتظرين سنة عشان تفحصين

السلامـــ عليكمـــــ

بنات أنا عضوة جديدة بالمنتدى وان شالله نهجر قسم تأخر الحمل قريباً..

صار لي متزوجة سنتين ونص تقريباً وكنت استخدم مانع طبيعي لمدة سنتين وثلاث شهور وبقناعتي .. لان عايلتنا ما شالله يحملون ع طووول وانا كنت صغيرة وتوي متزوجة وادرس بالجامعة وكنا حتى ما كملنا تأثيث شقتنا كل شي صار بسرعة وقررنا عن قناعة نأجل الانجاب ويوم اللي تتأخر الدورة يوم اسوي مناحة اخاف احمل ...

المهم خلصت الجامعة وقررنا نجرب الحمل .. لدرجة اني حاسبتها بالشهر واليوم لموعد الولادة مفكرة اني من اول ليلة بحمل:D

مر الشهر واشهرين والثلاثة ومن اول شهر كنت اتابع التبويض باستخدام جهاز التبويض من الصيدلية ودقيق ما شالله ... ما صار حمل .. وكلام الناس قاعد يزيد ويزيد ويزيد وتدرون مو كل وحدة تجي تقولي شي عن الحمل بقول لها قصة حياتي اني كنت مانعة وغيره..

مع ان يا بنات دورتي ما شالله منتظمة وبعايلتنا ماعندنا مشاكل حمل خواتي اهل امي اهل ابوي كلللللهم - قلت لزوجي نبي نسوي فحوصات ادري انه بدري بس عشان نتطمن..

رحت للدكتورة هي نفسها شافت مبايضي وقالت تبويضج اوكي شلون ما ادري وسألتني عن دورتي وغيره وقالت بتابع معاج التبويض بالسونار وان شالله بيصيرر حمل على الشهور الياية.! وقبل لا اطلع قلت لها طيب ابس اسوي فحوصات للهرمونات قالت اوكي براحتج بس ماعتقد عندج الهرمونات ..

امس استلمت النتيجة والحمدلله كل شي اوكي بس هرمون الحليب عندي واااايد مرتفع 60 مما يمنع الحمل مع اني ماعندي اعراض الحمدلله :( وللعلم هذا الهرمون يتعلق بطبيعة الاكل اللي ناكله والنفسية والقلق . .. مع اني ماحس اني كنت وايد افكر بالعكس كنت اعطي نفسي امل وواقول أحسن خلني استانس واطلع واسافر :tongue:


الفكرة اللي ابي اوصلها ان هرمون الحليب وغيره من الهرمونات والمشاكل التي تصاحب تأخر الحمل اذا صار له فترة بالجسم بدون علاج تطلع مع المشكلة الوحيدة اللي عندج مشكلة ثانية معاها .. يعني بدل ما تعالجين مشكلة وحدة وفي بدايتها تصيرين تعالجين مشاكل اكثر واكبر .. مثل الالتهابات وقرحة عنق الرحم والهرمون الواحد يجر معاه ضعف التبويض والتكيس وووو

فنصيحة بنات نصيحة روحوا جيكوا على عمركم مجرد فحص للاطمئنان وماعليكم من احد ولاماكو داعي تاخذين راي اختج او امج بهالموضوع وتقولج لا انتظري بعد توج .. فقط روحي للاطمئنان وان شالله مايكون عندج شي..