ليش....؟

mooon_uae;8704855:

يعني اذا اختي ماتزوجت وكبرت ارضي انها تتزوج واحد متزوج انشاءالله عمرها ماتزوجت

انا ماارضها على نفسي كيف عالحرمه!!!

معقولة قلبج بهذى القساوة ... كيف يطاوعك قلبك تقولي انشاء الله عمرها ماتوجت ..اللي رزقك قادر يحرمج ..

وضربتي مثال فى وحده جاها عيال بعد معاناه ... الضنا غير عن الزوج ..الزوج حلال من ربي يكون لج ول 3 غيرج

الله يهديج ...ويشفيج من الانانية

ريم*أبوظبي;8696112:
خلو الغيرة على صوب... ليش تقوم الدنيا وتقعد اذا .. اريال بيتزوج الثانية .. وليش كل هذا الكرة للمراة للي ترضى تتزوج انسان متزوج ..كلنا مسلمين وين ايمانكم بالله ..ليش تكرهون وقريب تحرمون .. تعدد الزوجات ..صح كل زوجه تعمل المستحيل عشان زوجها مايفكر يتزوج ثانية بس اذا الموضوع طلع من ايدها ..خلاص هذا نصيب .. يعني عندكم يا بعض النساء ..ممكن الرجال يخون بس ممنوع يتزوج غيرهم ...
اذا عندج اختج وصلت ال30 من العمر وفوق ولا صديقة ولا قريبة وماتزوجت ..ماتكسر خاطرك انها انحرمت من الزواج ومن حقها تتزوج وتذوق الحب اللي انتي ذقتية ...؟؟؟

كبرو عقولكم يا نساء لاتكونو انانيات حبو الخير والعدل ..اطلبو العدل واسعو انه يكون عدل بين تعدد الزوجات بس لاتمنعون تعدد الزوجات ..

شو بناخذ من الدنياا ...لازوج ولا عيال ....والله واعلم متى نموت ...




ملاحظة :هذا الموضوع للنقاش واي وحدة لاتملك اسلوب للنقاش لاترد على الموضوع

مسلمة موحدة;8706095:

السلام عليكم ورحمة الله وبركاته

اسأل الله أن يرزقني ويرزقك أختي الحبيبة بالأزواج الصالحين والذرية الصالحة

أختي الحبيبة بداية

التعدد شرع الله ولا يستطيع أي مسلم أو مسلمة إنكاره أو الطعن فيه
ولكن هل كلنا أختي الحبيبة في نفس التدين والايثار التي تجعلنا نرضى بذلك ؟؟؟
وحتى إذا توافر التدين والإيثار هي يمكن منع غيرة المرأة التي جبلها الله عليها ؟؟؟
نحن البنات وأيضاً الزوجات عموماً لم نربى إيمانياً على ذلك
غارت أمنا عائشة فما بالك بنا نحن المذنبين أختي !!!
قد يكون زواج الرجل سبب في فتنة للزوجة فبدل أن يقيم بيت مسلم آخر ،يكون سبب في هدم بيته فأين الفطنة في ذلك ؟
وفد يكون غير قادر على تكاليف الزواج ومتطلبتاه عموماً سواء المادية أو المعنوية أو الجسدية ويتشدق دائماً بأنه يريد أن يعدد
وقد وقد وقد .....

وقد يكون خيراً لأخوات أخرى

أعرف بعض الأخوات يخطبون لأزواجهم

تقول لي إخدي الأخوات انها تعرف أخت لا تريد إلا من أخ متزوج لأنها لا تستطيع التفرغ طول الوقت لإنشغالها بدراسة العلم الشرعي
سبحان الله ... الناس مختلفون !!!
وما لا تقبله نفسي قد تطيقه أخت غيري

الزواج من أخرى أختي الحبيبة أمر جلل وليس هين ويتسبب في كسر المرأة وابتلاء عظيم

أقر التعدد ولكن نفسي لا تطيقه

اسأل الله ألا يبتليني به

عجبني اسلوووبك الرائع بالكلام
وردك الأروووع
الله يرزقك الزوج الصالح اللي يسعدك ويهنيك
ويرزق المحرووومات ياااارب
ويغفر لولدك ويسكنه فسيح جناته ويحسن خاتمتنا اللهم امين

وتستاااهلى التقييمـ :)

بصراحة موضوعك حلو وطبعا ماحدش يقدر يحرم حاجة حللها ربنا وفعلا ممكن الزواج من امرأة ثانية يكون لية اسباب مقنعة وممكن من غير سبب طفاسة من الراجل وخلاص
يعنى لو هو فعلا مش مرتاح معاها فى عندنا مشاكل فى الحمل مثلا لا قدر الله وهو مافيش عندوا مشاكل ونفسة فى عيال بيلجأ للزواج والمفروض هنا الزوجة ماتكونش قنانية عشان لو كان الموقف العكس كانت ممكن هى اللى تطلب الطلاق وطبعا الكلام دية مش على الكل بعض ممكن يعمل كدا
ممكن تكون لاقدر الله اصيبت بمرض يمنعها من ممارسة حياتها الزوجة بشكل طبيعى هنا حقة يتجوز تانى وهنا خوف من اللجوء للحرام فبيتجوز ودة حقة
ممكن يكون مش مرتاح معاها خالص نتيجة صفات وحشة فيها طمع قلة ادب وطولة لسان لا تحترم جوزها او بمعنى تانى مش لاقى معاها راحة لاى سبب ممكن هنا يتجوز تانى بيدور على الراحة لية ممكن تكون مقصرة فى حقة وفى حق نفسها مهملة لنفسها وهنا ممكن يزهق ويتجوز واحدة تانية لتعويض النقص اللى فى الاولة
انما لو هى زوجة صالحة ومراعيا بيتها وعارفة حقوق جوزها كويس وبتراعى جوزها ومحافظة على بيتة وعلى ولادة وعلى اسمة فهنا بجد صعب ان هو ينكر كل دية ويتجوز عليها بدام مرتاح معاها وهى مريحاة
عشان كدا هنا بسميها بيتجوز طفاسة منة ههههههههههههه
ومن الاخر انا عن نفسى لا يمكن اوافق جوزى يتجوز عليا عشان انا مش مقصرة معاة فى حاجة لما اقصر يروح يتجوز وان شاء الله مش هقصر معاة

والله موضوع خطييييير بس اعتقد حسب الزوجه والزوج او حسب الظروف المحيطه بيهم يعني الزواج مو لعب ولا اي رجل يفكر يزوج اثنين يعني مثلا في نساء مع احترامي الشديد يستاهلو انه ازواجهم يزوجو عليهم من اهمال للزوج والاطفال والانانيه والماديه وفي نساء يعانو ايضا من هذا الموضوع يعني اذا كان رجل مقرف في عيشته يطب ضايج ويطلع معصب وميهتم بالبيت ولا الزوجه ولا الاولاد كل همه على نفسه وضرب وشتايم واهانات اعتقد بهذا الوضع افضل ما يقدمه هديه للزوجه انه يتزوج عليها حتى تفتك منه ويذب بلاه على غير وحده يمكن تكدر على تصرفاته وتوكفه عند حده وفي ناس عقلها كبير هي تروح تخطب لرياجيلها ومسالة العدل بين الزوجات مستحييييييييييييييييييييييله واعتقد ان مسالة الزواج من 2 او 3 او 4 ربنا سبحانه وتعالى ما حللها وقاللنا كل الرياجيل يتزوجون لان اكيد خله اعتبار لمشاعر المراه هو سبحانه وتعالى شرط العداله بين الزوجات وفي نفس الايه يقول جل وعلا(ولن تعدلو) كانما يحذر الرجال من الزواج الثاني لانه اعلم بانه لن يعدل الرجل مهما حصل واعتقد عملية الزواج باكثر من وحده مقننه بالنسبه للاسلام من هذه الكلمه ما اعرف الموضوع بيه هوايه وجهات نظر ومعقد والله يعينا على ازواجنا اول مره وبعدين يروح يفكر بالزواج خخخخخخخخخخ تقبلي مروري

[GRADE="00008B FF6347 008000 8B0000"]
موني A
[/GRADE]


لاتزعلي منى

انا قريت الرد عدل بس مالومج حبك لزوجك خلاك تقولي كذا الله يحفظ جزوجك لك ...بس ارجوك تعاطفي دايما مع المحرومات وادعي الهم


شكرا

مافية حرمه تقدر تخطف ريال من بيته ...والريال اللي مرتاح فى بيته مستحيل يعور راسة فى حرمه ثانية

حبيبتي انتي قلتي هالكلام و اعتقد انه مو بصحيح ... بالعكس في واايد يخطفووون الازواج من بيوتهم و تبرر موقفها انه عادي ماسويت شي حرام الرجال يحقله 2 و3 و4 ..

بس بعد اكو شي مهم... لش بدل ما نقول خلي تتزوج متزوج المعنسة لانها حرام مسكينة تكسر الخاطر لش ما تسعون لهم وتلقون لهم ازواج مو متزوجين من الاصل و تجمعون راسين بالحلال و و تسهلون موضوع الزواج و ممكن بعد الي عندها قدرة تتكفل بتزويج البنات بس مو تاخذ متزوج.

وبعدين مو سالفة انانية ..لان اصلا كلنا نعرف انه الزواج نصصيب الله الي يحدد هذا الشي ..
لو شفت فقراء و محتاجين مو يعني اعطيهم املاكي و فللوسي كلها .. لا اعطيهم علي الي اقدر عليه والي الله ميسره فنفس الشي الزواج لو لقيت عانس ممكن مثلا اذا احد يبي يتزوج اقوله والله اعرف فلانة خوش بنية و من هالكلام:cool: .


والله يهني الجميييييييييييع

الصراحه مووووضوع جدا خطيررر
ومنطقي بنفس الوقت بس هذي بس شعارات وحجي وحكم بس ماكووو فعل
مافي وحده ترضى زوجها يتزوج عليها ابدااااا مهما كانت الضروف يعني الضره تبقى ضره
والمراه بطبعها انانيه وغيوووره وهاي غريزه بيها يعني غصب عنها مو بيدها تحب زوجها يكون ملك الها وحدها
وترى صدكيني المراه الثانيه همين جانت تتمنى تكون الزوجه الاولى والاخيره بس اكيد الله ما كاتب الها هالشي وتاخرت بالزواج وطرت تتزوج رجال متزوج
وصحيح الشرع حلل اربع بس مو اي واحد ممكن يتزوج اربع
يعني لازم يكون في اسباب لزواجه ؟
وثاني شي لازم يكون رجال قادر على العدل بينهن والا ما يتزوج احسن
والصراحه انا بالنسبه الي مووووتي ولا يتزوج علي يمكن البعض ما يعجبهممم كلامي بس انا احب دائما اقول الصراحه
والله كانت في وحده كريبتنا مراه جبيره يعني بال60 وزوجها با65 وعدهم اولاد وبنات متزوجات وحتى عدهم احفاد متزوجين ومره الرجال قال كلمه قال ابي اتزوج هيه سوت روحها ما يهمها هالشي وكالتلها بكيفك تكدر تتزوج وما يهمني وشجعته وصار الفكره جد وقرر يتزوج وتزوج وحده صغيره بالعمر وزوجته الاولى حضرت كلشي الغرفه والاثاث واغراض العرس وحتى بيوم العرس بخرت الغرفه بعد
المهم بعد يومين من زواجهم تمرضت الاولى او بالاحرى سوت نفسها مريضه وكالت لزوجها لو انا لو هيه بالبيت وسوت مشاكل ومسكينه العروس الجديده اول اسبوع من زواجها تطلقت
شفتي يعني وهيه بعمر جبير يعني مو مثل اعمارنا الحين
ماكووو وحده تقبل على نفسها هالشي صدكيني وانا متاكده انتي همين ما ترضين هالشي على نفسج
اسفه على الاطاله بس الموضوع شدني شوي
تقبلي مروري
سلام ........

الاسلام حلل اربع
فلماذا نناقش شي وضع الاسلام له الشروط و القواعد و وضع له كل شي و احله
ام بخصوص الزواج بالثانيه فهو حسب الحال اذا الاول مقصره فله الحق
يعني الاسلام ما وضع زوجه ثانيه و ثالثه ورابعه الا لاسباب و ليس لزواج و بس
يعني كل شي له سبب و بغض النظر اذا هي مضره بنسبه للبنات او ما ترضا انه ياخذ غيرهااا

للاسف احنا نعيش في مجتمع مزدوج وكل واحد يحلل ويحرم على كيفه وحسب احتياجه
المراة المتزوجة تحرم الزوجة الثانية عشان ماتبي تتعذب في مشاعرها بالرغم من انها يمكن يتزوج عليها زوجها لكنها تظل العزيزة والغالية وتنظلم الزوجة الثانية عشان هي ماتزعل
وبتظل الزوجة الاولى هي المظلومة ولو كانت الظالمة هذا في حال افترضنا ان العلاقة بين الزوجتين بتكون علاقة تحدي وانتصار
واذا كانت المراة مو متزوجة وعمرها تعدى العمر المطلوب للزواج في منطقتها تقول هي والي حواليها انها عادي مستعدة تتزوج حتى لو كانت زوجة ثانية وهي طبعا في هالمووضوع تحلل الزوجة الثانية عشان تحمي مشاعرها من الحرمان وغيره
والرجال اذا مل من زوجته او حب يغير او طلع في زوجته اي نقص او علة حتى لو مو صحيحة على طول يتبع الشرع ويتزوج 2 و3 بعد
بينما تلقاه في الامور الثانية ماهو ماتبع الشرع ولايعرفه بعد
يعني بعد هذا كله يستحيل تتغير النظريات والمشاعر تجاه هالموضوع لانه موضوع يختص بمشاعر الانسان الي كل ماتقدم الوقت اختربت وصارت تتجه نحو الانانية

السلام عليكن ورحمة الله

موضوع التعدد كثر الجدل حوله ولكل وجه نظره

ومن وجهة نظري
ولكل قاعدة شواذ

1- أغلب الرجال اذا فكروا ياخذون الثانية مايفكرون في وحدة عانس بل وحدة صغيرة او وحدة جميلة (وان كانت كبيرة )

مثال : رجال عائلتنا ومحيطنا المتزوجين اكثر من وحدة ماخذين بنات صغار عندهم الفرصة ياخذون واحد عازب
او ماخذين نساء بجنسيات مختلفة ماشفت واحد ماخذ عانس

2-بعض العوانس تجدينها رافضة فكرة الزواج اصلا

مثال : اعرف اكثر من وحدة مقربين جدا لنا اعمارهم بين 25 و 30 يرفضون الخطاب مع ان الخطاب يتوافدون لهم المتزوج والعازب الغني والفقير فهذي الا ترفض وهي بهالعمر اكيد انها فيها خلل

3- الكثير من العوانس تجدينها رفضت كم هائل من الأزواج الزين والشين فما ظل احد يجي ليها فهذه تستاهل تعنس لانها رفست النعمة (واغلبهم يرفضون لاسباب تافهة )

مثال : عمة امي يعني تخيلو كم عمرها 47 الان تقدم ليها الكثير وكانت ترفض لاسباب تافهة وتقدم لها واحد وهي شباب وكان رفيقه متقدم لخالتي يعني اصدقاء هم واحد تقدم للعمة و واحد لبنت الاخو وثنينهم كانوا نفس الشغلة والمستوى خالتي وافقت وهي رفضت بسبب انه مستواه ماعجبها وللعلم خالتي الحين تعيش في بذخ وحالتها واجد تمام وظلت عمة امي بدون زواج الشيب طلع وهي ماتيسرت والحين يوم وصلت 46 تقدم لها واحد متزوج وعنده احفاد وافقت عليه واششك اني بسبب موافقتها لانه (غني )

4-اغلب الرجال يتزوجون وهم ماعندهم مقدرة لفتح بيتين او يصرفون على ثنتين واصلا ماله داعي الزواج وزوجته مو مقصرة
مثال : واحد من الاقارب عنده 5 اولاد قام تزوج على مرته بنت خاله الارملة وعندها ولدين ويتحجج بانها ارملة ويجب عليه حفظها والسبب الاصلي لانها جميلة
اخذها ومرته حملت وهي ايظا حملت وقام ما يصرف على الاولى بس يجيب لها اكل تخيلو 5 اولاد يبون يلبسون تاخذ اللا يرمونهم اخواتها من ثياب وتلبسهم اولادها وهو يصرف على الثانية وعلى اولاد مو اولاده مع ان ليهم فلوس ابوهم وفوق السبعة اولاد الا في مسؤليته صاروا الحين 12 واحد من الاولى 7 والثانية 3 غير عن الا عندها من قبل 2
ومافي عدل طبعا وهو من شروط التعدد

5- الكثير من بنات الحرام يسعون لخطف الرجالة تقول لش هي تحبه ومايطلع حبها الا لين تزوج تروح تسعى له بطرق غير شرعية من سحر وتلفونات وغيره

مثال: وحدة زوجها يموت فيها جدا ومن يسمع اسمها شهق ويخاف عليها موت قامت بنت عمه وسوت له سحر وللعلم هي اكبر منه بكثير ومطلقة والسحر قلبه قلاب ايدش البيت يصارخ ويظرب اولاده ويطلع ومالمسها سنتين من بدا السحر وطبعا مارضخ للثانية مع انها ساحرته

6- هناك رجال يحتاجون الزواج الثاني مثلا زوجته ماتتعاشر او عاقر وهذا الزواج افضل يتم عقب محاولات عديدة مثلا انه يحاول يغير اطباع زوجته او يسعى للبحث عن علاج لزوجته العاقر

مثال : واحد قريب وهو وحيد امه وعنده اخت وحدة تزوج وشالوا زوجته على راسهم كل شيء يجبيون ليها ويسون الا تطلبه دلوعها اخر دلع وهي كل مادلعوها تفسد وتعاملهم بطرق وحشة اوي
وحتى زوجها ماتهتم فيه كل همها في فلوسه مع انه على قده
الواحد قدام كل هالحب ينهار بس هي على العكس حولوا يعدلونها لكن كانهم مايسوون شيء لين ماطلقها وهي تستاهل الطلاق عن جدارة والحين بيتزوج عليها


وبعد كل هالهدرة
اقول
ان اللا تقول الزواج الثاني يحمي العوانس هذلين المثلة تخرسها
و
الزواج الثاني لابد يتم بعد محولات الزوج على ان بذل جهده لتغيير عيوب زوجته وان فكر يتزوج ياخذ وحدة تناسب عمره وفرصها في الزواج معدومة ويحاول العدل مهما كانت معزة كل وحدة في قلبه

ومن جهة النساء
لابد للوحدة اذا جت بتزوج واحد متزوج ان تفكر وتشوف اذا كانت زوجته زينة والله لا لانه في اي لحضة ممكن يتركها ويرجع لزوجته الاولى وان تحفظ نفسها ولاتروح ترمي روحها وتتعرض لواحد متزوج لانه الله فوق وهي راح تفكك اسرة سعيدة


وفي النهاية اقول
مع اني مو متزوجة
اني مستحيل ارضى زوجي يتزوج علي واصلا مافي وحدة ترضى وان حصل مستحيل افقد زوجي بل بتمسك بيه عشان ابين له خطأه الجسيم وهو من روحه بيروح وبيطلق الثانية وان خلاها بعاملها زين حتى ولو كنت اكرها (الا اذا ناوية على شر فانا ليها بالرمصاد (6)) واني ولا 1 بالمئة افكر اخذ واحد متزوج وحتتى لو عنست باخذ ارمل او مطلق ومافي امل يرجع لزوجته :wink:

واللي ماتكره شيء لنفسها تكرهه للناس
تحياتي لكم

للرفع

مؤلم ان زوجك يتزوج عليك

ومؤلم اكثر انك تكونين الزوجه الثانيه


الغيره صعبه

والدليل على قوة ايلام الغيره ان رب العالمين اول شي يسويه بعد دخول بنت حواء للجنه انه ينزع الغيره من صدرها


حنا مانحرم شي ربي حلله لكن ننفس عن مشاعرنا


الزوجـــــــــــــــــــــه الثانيه مؤلمه وربي

وكوني اكون الزوجه الثانيه برضو ماهي هينه !!

انا زوجه لرجل مطلق ....... ومع هذا الغيره احياناً تذبحني فكيف لو كانت على ذمته للحين .. مع العلم اني كنت بكون الثانيه ومش الاولى !!!


الموضوع النقاش فيه صعب لانه امر حلال لكنه صعــــــــــــــــــب

.... مداخله ثانيه صغيرونه :

وعلى الرغم من الم الار على الزوجات لكن انا انسانه لو حسيت ان في نقص من جهتي .. مثلا عقيم او امر ثاني تجاه زوجي .. مستحيل امنعه من الزواج بالزوجه الثانيه


كلامي اللي فوق اقصد به الزوجات السليمات اللي مايعانون من شي

فديتج كلام صحيح بس صدقيني مافي حرمه ترضى ان زوجها يتزوج عليها بس في النهاااااايه يرضون اعمارهم بالامر الواقع

بس صدقيني الي تمر في هالمرحله تحس وبسسس

انا مااقول مايتزوجون بس ياخذون ازواج مطلقين او متوفاه مرته

بعدين اغلب الي ماتزوجو اكيد انهم كانو مايرضون بالبدايه مثل بكمل دراستي وبتوضف وماتدري الا القطار فاتها

حنا تزوجنا وحنا صغار وعانينا وتعبنا عشان نكمل درستنا

وبعدين اذا الوحده حست عمرها انها كبرت لازم تتنازل يعني عن عمر الرجل عن بعض عيوبه
بس انه تاخذ رجل متزوجه وماله عذر انه يتزوج ليششششششششششششش

وبعدين حنا تحملناهم وبدينا معهم من الصفر لين كونو انفسهم واخر شي هي تجي وتاخذه
باره مبرده

انا مااقول انه حرام بس الي بتتزوج وحد متزوج لازم تعرف اسبابه يعني عنده عذر قوي انه يتزوجها ولا بس
مراهقه متاخره

أنا بصراحه ماتزوجت

بس هذي طبيعه بالحرمه ماترضى

زوجها ياخذ غيرها وهي ماقصرت معه بشي

واذا كانت زوجته ماتجيب عيال او فيها عيب

عادي يتزوج عليها بس بدون سبب لأ مانرضى طبيعي

لو تحطين نفسك بهذا الموقف بترضين ..؟؟



يعطيك العافيه على الطرح

عيون الفهد s;8699459:
والله موضوعك خطييييييييييييييييييييييييييييييييييييييييييييييييييييييييييييير الله يعينك على الهجوم

بصراحه زوجي ملكي انا وبس ماارضى احد يقرب منه

بس اذا هوا ماارتاح معايا اخليه يروح للحرام و يخونني

امكن انا مااخليه يرتاح

امكن انا مقصره عليه بشي


امكن يشوف انو انا فيا عيب حتى لو غيره مايشوفه

امكن مايحس بالمتعه معايا اعرف بنات لو مزح زوجها معاها وقالها ياعبيطه او غبيه من هذا الكلام تقلبها مناااحه وتقول انو مايحترمها >>طيب مو انتو تمزحو ودحين اغلب الشباب ماعلى لسانهم غير دا الكلام انتي بشطارتك خليه يغير دا الطبع بس مو بمشكله

امكن وامكن وامكن اشياااء كثييير

واحيانا يكون تأديب للزوجه الاولى في وحده زوجها كان من النوع الهااادي يعني مايحب الشاليهات والاغاني والملاهي بس هيا زنااااااانه وكان يسكت ويوديها عشان ترضى وكان لما يقرا قران ولا يصوم اثنين وخميس تزعل وتقولو احنا صغار ايش دا ومن هذا الكلام وكانت ماتنظف بيتها عناد فيه عشان ليش مايخرجها ويمشيها زي صحباتها وراتبه كللله تصرفه تقول ايش عشان مايدور على غيري وبالنهايه اتزوج عليها

الي زي كدا تستاهل يتزوج 3 عليها مو وحده بس ليش لانها ماراعت زوجها وماقامت بواجباتها كزوجه

ولما اتزوج عليها طلبت الطلاق وسكت وخلاها كم شهر وهيا من نفسها رجعت بعد حطت شروط تعجيييزييييه قام قالها اسمعي انتي فوق وهيا تحت والبيت قيده انفرش لو حبيتي تعالي >>بعد ماكان حينقل عشانها بفله عشان تاخذ راحتها هوا قدرها وهيا مادريت عنه دحين غصبا عنها رجعت وماشيه زيييي الألف



وانا مايضحكني غير الي تجي تقول انا مو مقصره معاه مررررررررررررررررررررررررره

سبحان الله كلنا مقصرين في كل شي حتى في حق نفسنا فلا تقولي مااقصر معاه

حأبكي وادعي واغير من نفسي واغير معاملتي له واعمل كل شي عشان يرجع لي بس بدووون مااظلمها

واكييد بيجي يوم يندم انو فكر بغيري

بس اني اطلب منه الطلااااق ليييش ؟ احس اني الي تقول كدا ماعندها ثقه بنفسها مع احترامي للجميع

بس مو نهاية العالم اذا اتزوج عليكي

والغيره شي اكيييييييييييييييد حتكون فيه

وسبحان الله ربي خلق وفرق

والحمدلله انا من الي يأيد الزوجة الثانيه في حااالااات ربي لايكتبها عليا ويتزوج الله يستر بس

واذا ماكنتي متزوجه ماراح تقدري تفكري في هذا الموضوع لانك لسه ماتعرفي مين الشخص امكن يجيكي واحد يخليكي توسوسي من الغيره

على فكره انا من النوع الي مااغااااااااااااااااااار عندي تبلد واهلي كلهم الله يعين الي بيتزوجك وسبحان الله لما انخطبت كل مااتعرفت عليه اكثر سرت اغار عليه والحمدلله غيرتي معقووله >>بس احيانا اتهور على حسب الموقف*_^

عيون الفهد

مع كلامها
عين الحق

الزوج اكيد رب العالميين حلل له 4 لكن اب شروط ادا الاولى ما تجججيب عيال او ما تهتم في نفسسها او جيككرة او اشياااء اخرى لكن لمن تكوون عسل في كلشي ويبي يعرس عليها لا والله ما اااارضضى لا والف لا

كلامي ماراح يعجب البعض...

بس انا مع الاخت كاتبه الموضوع هذا شرع الله ارضو فيه

يعني لو ربي محلل للوحده انها تتزوج اربع رجال كان كلكم ماقصرتوووو خخخخخخخخخخخخخخخ

انا متزوجه واحب زوجي مووووت ... بس لو موب مرتاح معاي وسعادته انه يتزوج علي

وتكون الي راح يتزوجها طيبه.. وبنت حلال ... مافي مانع ليش لا؟

بالحلال ولا يروح للحرام .

كله بكفه والي تقول زوجي لاحد يقرب منه!!!

ولا زوجي ملك لي انا لوحدي!!!

ليش انتم ماخذين مقاوله عليه ولا ايش ماحد ملك لاحد كلنااا ملك للخالق هو خلقنااا وحنااا ملك له وهو الي شرع الشي هذا التعدد

يعني انتم احسن من امهات المؤمنين ؟؟؟؟

سبحان الله العظيم

في شي ابي اضيفه

الله عز وجل يوم شرع التعدد ماقال الاسباب ماقال اذا قصرت معاك تزوج عليها ...

شرع التعدد والشرط الوحيد الي وضعه على الرجل هو

العدل بين زوجاته وفي احاديث كثيره تحذر الي مايعدل بين زوجاته كيف يجي يوم القيامه وشقه مائل ...

ترا الرجل موب مثل المرأه يكتفي بوحده...
في رجال مايقدرون يصبرون... حتى مايقدرون يصبرون على الوحده ايام الدوره الشهريه وانتم بكرامه واعتقد انكم فاهمين وش الي اقصده .


ماقول غير صدق الرسول اللهم صلي وسلم عليه يوم قال ناقصات عقل ودين

ولو نكتب في الموضوع هذا مليووون مجلد في نساء والاغلبيه ماراح يغيرون فكرتهم ...


همسه في اذانكم عرايس

ترا الرجال اذا كان يبي يتزوج مافي شي يرده... حتى لو كنتي موب مقصره معاه ...
وكنتي فلقة قمر .. وجميله ... لان تركيبتهم الفسيولوجيه كذا .