ابي عضوة تصير لي جويل ؟؟؟

ما حددتي لبس طلعه او لبس بيت؟او سهرات او دلع لزوجج؟

اشكيلي واشكيلك واحط همي على همتج

اخر ولاده ليه--نفسيتي تعبت وذوقي طااااااااااااااااااااااااااااح

الله لا يراويتج ذيك الايام الي شفتها

يمكن صادني كأبه ما بعد الولاده

وصرت كئيبه كمان في ذوقي

بعدين صارلي مثل الصحوه اي والله صحوه

قمت ورحت غرفتي وبطلت كبكاتي كلها

وجبت كيس من اكياس الزباله الكبيره

وارمي كل الدراعات والقمصان الي كنت شاريتنهم قبل الولاده

وبعد الولاده كمان ((من زود الكأبه كنت اشتري قمصان ))خخخخخ

واطلع كل الاوان الكئيبه واقطهم بالكيس

وابطل كبك المكياج واكبهم كلهم

وقلت لزوجي بسوي نيو لوك في الشكل واللبس والمكياج

وفعلا قصيت شعري و شريت ملابس كيووووت حيل من ستي ماكس

عباره عن فساتين قصيره

وبناطيل الوان فرحه وبلايز شيفونات وحراير والوانها كمان فرحه

وتناسب البناطيل

وخذيتلي تنانير هم رووووووووووعه حدها ولبقت معاها جاكيتات وبلايز ستايل

ولبقت عليهم الشوز والجناط والاكسسوارات كمان

لكن طبعا ها التغير اخذ مني وقت وجهد يعني مو كلهم بيوم واحد او اسبوع

لا والله---يمكن اخذ مني شهر

كل الاغراض الجديده

لاني ما ابي اغلط مثل غلطاتي قبل واحاول انسق واذا عجبني شي وما شريته

افكر فيه في البيت وارجعله

وهكذا

ومكياجي خذيتهم كلها من محلات مكياجي وعطوري كلها فرش من زهور الريف ونكتار وبودي شوب

حطيت عيني على كل الامور الشبابيه الي احبها وشريتها

ركزي وحطي هدفك قدامك وراح تطلعي من الحاله الي انت فيها

بالتوفيق يا الغلا

حبيبه عزوزي ... كلوووووووووووو

شانيل ... ووووووووووووووووووووه بس اشوه يعني مو حاله استثانيه انا ...هههههههههههه

تصدقين عاااد انا من اسبوع فضيت دولاب ملابسي .. وقطيت اغلبهم ..
واللحين بس انتظر فرصه عشان ارح سوق ...
بالنسبه للمكياج مافكر فيه لان عندي بس يمكن اخذ لي كم لون جديد فقط ..
بس الملابس والاكسسوار هذا اللي ابيه....

وتسلميييييييييييييييييييييييييييييييين ياقمر على مشاركه اللطيفه...

تحياتي لك وهنيا لك للتجديد الفال لي ...

نوقطه

مساء الخير.....حياتي هذا اكتئاب مابعد الولاده يمكن زادت عليك المسؤليه وجات ردة فعلك لاشعوريه لاتخافين ياقلبي فتره وتعدي ابدئي روحي النادي حتى لو شهر عشان تنزل الطاقه السلبيه منك عن طريق الرياضه ومنه كمان تغيري جو واشتغلي على بشرتك وعلى جسمك اخرجي مع زوجك من دون الولد زي شهر العسل ولاتخلي وقتك كله للولد وزوجك جيبي وحده تعمل لك مساج في البيت ترى مره تسترخين وتهدى اعصابك وانت اذاحسيتي بالراحه النفسيه تلقائي راح تكشخين وترجعين احسن من اول ياقلبي واي خدمه انا حاضره ......

انا مثلك ما عاد عندي ذوق بالملابس بس مو من بعد الولاده لا من بعد نقلي للدمام لحالي انا وزوجي بس فاذا طلعت السوق مااعرف اشتري لـــــــــــــيه ؟؟؟ لاني عودت نفسي اني اطلع مع اخواتي او اخوات زوجي اما مع زوجي مستحييييل ذوقه غير ذوقي فنصيحتي تطلعين مع اخواتك ((((ولا اقولك اطلعي لحالك عشان تعتمدين على نفسك))))

آااااااااااااااااااه :cry::cry: كأنكم تتكلمون عني
انا من ولدت وانا نفسيييييييييييتي زفت يمكن من المسؤليه تجاه بنتي وزوجي والبيت
احس ماني قادره اوفق بينهم:cry: وعشان كذا اهملت نفسي
وصار ماعندي وقت اطالع بنفسي بالمرايه
ومن اسبوع قمت وشنييييييت حمله:mad2: على دولابي
وقمت اوزع على اخواتي وعلى الجمعيات الخيريه
ماخليت يمكن الا الملابس الجديده اللي ماتهنيت فيها
حتى الملابس الداخليه رميتها
والان جاري التجهيز من اووول وجديد وقاعده اشتري اللي ماكنت اشتريه زمان كنوع من التغيير ولعل وعسى اقدر اغير من نفسيتي وارجع لحيويتي ونشاطي
الله يعينك اختي وحاولي تشترين ملابس البيت على ذوقه مع اني متأكده اغلب رجالنا اذواقهم ووععععععععع بس عشان يعجب فيك ابو الشباب ويهريييك بالمدح :shy:
وان شاء الله تتحسن نفسيتك وترجعين احسن من اول(f)

اقولج شي اشتري تنانير وبنطلونات جينز لان كل شي يناسب معاهم توبات او تي شيرتات

للبيت اشتري بيجامات دانتيلات ناعمه ومريحه ولا تنسي البيجامات القطن بنوتيه ومريحه بعد
الاكسسوار مو شرط شي غالي اهم شي نسقي مع اللوان الي عندج

اشتري دايما وانتي بكرامه احذيه فلات لان عندج بيبي الحين عشان اذا طلعتي وتراها موضه الحين وشكلها واو

لا تهملي الاهتمام بنفسج روحي مره بشهر حمام مغربي وحطي لمسات من الميكب الناعم والقلوس بالبيت حده كيوت ودايما كوني جنبه مرتبه عشان ما يحس انج متغيره بعد الولاده وحتى البنوته او البيبي خليه دايما كاشخ ونظيف بيستانس ابو الشباب وموفقه حبيبيتي

انت قبل ما تروحين السوق وتشترين عدلي نفسيتج بالاول
سوي لج مساااج راح تهدئين وترتاحين

والله حرام عليكم نفسكم خوفتينو من كلامكم..

المشكلة ومافيها انكم بعد الولادة مشو حياتكم عادي لا تقولو ولدنا وانتهى المشوار ويلا بدينا صدعت العيال ..

لا بالعكس بعد الولادة حاولي تكوني احلى ايه نعم غيري كل شي..

ابدئي بالرياضة وبعد اسبوع من الولادة مباشرة امشي كل يوم ساعة ..

سوي ريجيم خاص يعتمد ع الخضار والفواكة والبروتينات والحليب ,.

اشربي 2 لتر ماء يوميا ..

رضعي ابنك حليب طبيعي لان الرضاعة الطبيعية تحرق السعرات ف الجسم ..

اشتري لك آلة رياضة ف البيت كالدراجة المتحركة لانها سهلة وحلوة ومارسي التمرين 20 دقيقة يوميا ..

فصلي عبايات شبابية حلوة انتي بعدك صغيرة مب عشان عندك واحد او اثنين انتهى كل شي ..


البسي ملابس تلائم جسمك لا هي واسعة بحر ولا هي ضيقة تبرز العيوب ..

وأهم نصيحة النظافة كل يوم والاستحمام واهم شي قبل النوم ..


نوعي في ملابسج الداخلية وغيري ف اشكالها والوانها..

قبل النوم اسبحي وتعطري والبسي ملابس نوم مغرية ^_*

اسمعي كلام زوجك لو حب يطلع معك لاتقولي لا مب فاضية بالعكس اطلعي لان الطلعات تغير النفسية ..


والنصيحة الأخيرة رتبي البيت ونظفيه لانه ايضا ينعكس ع النفسية ..


وتفائلي وان شاء الله افدناكي..