M!$$_BLinG;6032036:
مساء الخير عليكم حبوبات
اليوم و بطلب من الاخت الغاليه عاشقه الدوحه
حبيت اراويكم بالخطوات السريعه +الصور
كيفية استخدام منتج رهيب يجنن عجيب ههههه
اللي هوه duraline from inglot
المنتج مكتوب عليه انه يحول الشادو الى مادة كريميه
يعني اذا عندج ستار باودر او بيجمنت او شادو و تبين تظهرين قوة اللون
عليج به لانه فضيييييييييييع هذا هوه
انا اخترت هاللون عشان يوضح الفرق
ستار باودر من ميك اب فور ايفر البرتقالي
طبعا في كل الحالات نستخدم غطا الستار باودر او البيجمنت عشان نخلط الباودر + ال duraline
بعد ما تحطين الكميه اللي تبين تستخدمينها نقطي نقطتين من ال duraline و اخلطي بالفرشاه
و جيه يستوي اللون لاحظوا الفرق في الصورة من الحين واضح
وهاي النتيجه لاحظوا اللون كيف قبل استخدام ال duraline و عقب
على فكرة تحتاجين لمزيل مكياج فيه زيت لانه ما يروح بالمزيل العادي
و السموحه منكم انا ما جربته ويا الشادو لين الحين
السلام عليكم ورحمة الله وبركاته
:
:
اليوم جايبتلكم تجربتي مع قطرة الديورلاين من ماركة انجلوت .
:
:
وهذي صورتها ..
( لايفوتكم دبوس بنوكهـ )
،
نرجع للديورلاين ..
وظيفتها تحويل الشدو او البجمنت الجاف الى شدو مائي او كريمي ، او آي لاينر ..
وقوامها يعتبر سائل لزج قريب من الجل بحيث انها تساعدك تدمجين اللون بسهوله ..
استخدامها يكون بوضع نقاط على حسب حاجتك في غطا علبة الشدو او اي مكان فاضي عندك ..
وبعدها تاخذين مسحه بالفرشه من النقط اللي حطيتيها وبنفس الفرشه تستخدمين الشدو المطلوب .
:
:
هنا استخدمتها مع شدو بنفسجي غامق من شانيل ..
لاحظو اللون على اليسار بدون استخدام الديورلاين وعلى اليمين استخدمتها والفرق وااضح بينهم ..
:
:
وهنا مع (شدو منثور) تفاحي من برجوا المسحه اللي تحت بدون واللي فوق مع الديورلاين ..
:
:
مع شدو كحلي من ماك ،على اليسار بدون وعاليمين مع ..
:
:
مع شدو بنفسجي فاتح بلمعه ذهبيه من شانيل ،المسحه على اليسار بدون وعاليمين مع ..
:
:
وهنا مع الكحل العربي من جيرلان اللون الزيتي ، واستخدمته بالفرشه الرفيعه كآي لاينر خارج العين (اللون طلع خطيير )
المسحه اللي تحت بدون واللي فوق مع الديورلاين ..
:
:
بكذا نكون خلصنا وان شاءالله تكون تجربتي عجبتكم
تحياتي العطرهـ لكم .
منقول من الغاليه عطور فرنسيه منتدى شبوه
حصوصة الخربوطة;6307738:
لووووووووووووووووووووول..
من زمان ما كتبت موضوع يديد...
السلام عليكم و رحمة الله و بركاته...
mixing medium
Duraline
eyeseal
أسماء مختلفة لمنتج واحد... الغرض منه تثبيت الشدو الحر...
اليوم بنصنع مثبت الشدو الخاص فينا...
بنحتاج لـ :
1- ماء
2- جليسرين
3- وعاء\ غرشة\ قوطي\ علبة للحفظ
الفكرة من هالاختراع بسيطة جدا ... انج تخلطين هالشيئين بس بنسبة محددة ...
3:1
يعني مهما قلت كمية الخلطة أو كثريتها سواء 1 مل او 1 لتر لازم تظل هالنسبة ثابتة...
و 3 للماي و 1 للجليرسين...
يعني فرضاً بيكون المعيار مالج ملعقة طعام.. اتحطين ملعقة جليسرين و 3 ملاعق ماء...
او اذا بغيتي تزيدين ملعقتين جليسرين و 6 ملاعق ماي... , و هلم جره
استخدمت غطاء الجليسرين كمعيار للقياس ... و أول شي تحطين الجليسرين
خلصنا الجليسرين... و بعدين نحط الماي و نخلطهم بالرج الخفيف
و هذا المنتج النهائي مع معشوقتي الأبدية هلو كتي :16:
التطبيق...
لما تبين تستخدمينه ... تحطين قطرتين او ثلاث في غطاء الشدو و تمسحين الفرشاة في الغطاء...
طبعا نوعية الفرشاة وايد تؤثر...
و طبعا مع الجلتر الخشن أحس ضروري تستخدمين المحلول... و لا بيطيح على كل ويهج الجميل
و شوفوا كيف لصق الجليتر في الفرشاة... على فكرة هالجليتر من ماركة كلاسيك و فعلا رهيب
**إضافة**
الخطوات بالترتيب...
1- تشيلين غطاء الشدو... و غالبا ما بيكون فيه فائض على الغطاء و هالكمية غالبا ما تكون كافية من وجهة نظري...
2- تحطين قطرتين أو ثلاث قطرات بس من المحلول
3- شكله غريب شوي هني
4- و بعدين تمررين الفرشاة غلى الغطاء و تلتقطين الكمية المناسبة...
5- شكله بيكون جي...
6- و بعدين تحطينه على عيونج... بس طبعا انا حطيته على ايده عشان تشوفون كيف ان اللون بيطلع واااضح.
(g)
