عزت علي نفسي...

السلام عليكم ورحمة الله وبركاته

مرحباً بك عزيزتي

تم نقل مشكلتك للركن الخاص بالمشكلات

ارجو ان تجدي اراء تناسبك من اخواتك في الركن

وكان الله في عونك

لكن دعي عنك فكرة الطلاق
وحاولي التفاهم مع زوجك على التخلي عن رغيته بالزواج بأخرى
وخاصة انه لم يمض على زواجكما سنوات طويلة ربما كان ذلك نتيجة اهمالك له

فراجعي اهتماماتك ورتبي وقتك

لك شكري وتقديري

الله يعينج والله صحييح انها صعبه ولو كل وحده من الي بيردون عليج وبيقولولج خلي عنج فكرة الطلاق انحطو في هالموقف بيطلبون الطلااق مش الكل بس هاي طبيعة الحرمه ماتحب الشريكه بس دام السالفه فيها اعيال اصبري وادعي من الله انه يهديه تراها اتصير وايد ومرات يندم الريال ويرج لمرته الاوليه..انا مابقدر افيدج غير اني ادعي من الله ان يهديلج ريلج ويرجع عن هالفكره..

الله الله با الدعاء ادعى ان الله يسهل امرك ويعينك والصبر اختى والله يصبرك ويعينك وترى الطلاق مو حل ليه تتركين زوجك لوحده ثانيه وتحرمين اولادك من ابوهم :cool:

الأخوات ...

نبع الوفا

ذوق

السموره

مشكورين على ردودكم...

بس أنا شلت فكرة الطلاق... لكن بنفس الوقت
مب قادرة أعيش حياتي طبيعية وأنا عارفة إن
زوجي يفكر في وحده ثانية ...
والله إني أعيش في صرا ع مع نفسي ليل ونهار...
والمشكلة هو شايف حالتي ومع هذا ما يحاول يطيب
خاطري أو إنه يخفف علي...
وخايفة أقول لأهلي ... لأنه راح تصير مشاكل ما لها أول
ولا آخر...
وبنفس الوقت أفكر بالناس وشو راح يقولون علي...
راح يقولون ما صار لها سنتين من تزوجت وزوجها تزوج عليها
أكيد هي مقصرة وأكيد هي فيها وفيها وفيها....................

أختي مايهزك ريح انتي أسم على مسمى خليك قوية وأكثري من الدعاء الدعاء الدعاء الدعاء الدعاء تصدقين خالتي كانت عايشة عذاب مع زوجها وفوق كل هذا راح تزوج عليها اكثرت من الدعاء وربي أستجاب لها لآنها مظلومة وهي انسانة ماقصرت معه في شي شايلتة على كفوف الراحة وتدرين وش كانت النتيجة أنه طلق الثانية ورجع لخالتي.

ما يهزك ريح لا تطلبين الطلاق ولا شي عيشي حياتك طبيعية واهتمي بزوجك وعيالك وصدقيني هو الحين ولا بعدين بيندم لان ما في مثل الاولى وعليك بالدعاء

اختي شيلي فكره الطلاق من راسك
انتي اساليه واجهيه اعرفي ايش السبب مافي دخان بدون نار
انتي اساليه عن اسباب تفكيره في الزواج من ثانيه وتناقشوا فيها شوفوا وين التقصير وين الخطا
اكيد بادات علاقتهم بفتور اسالي عن الاسباب وعالجيها وتفاديها
اما عاد ان ماكان فيه سبب :mad: اضربيه ضربه مني :p
لاتصدقي اخاف يوم عليه دعوى في المحكمه المهم انتي سوي اللي قلتلك عليه وبعدين نشوف
تحياتي لك

الدعاء الدعاء الدعاء واحتسبى أمرك عند الله وبإذن الله تكون نزوة ويرجع عنها

كل أحد تصير عنه أي مشكله أقوله,,,,,
مالك الا,,,,


قيـــــــــــــــــام



الليــــــــــــــــــــــــــــــــــــــــــــل




وصدقيني كل ماأقول لأحد يساعده ربي ويفك ضيقه ,,,,,,,



والله يفرج عليك لأتييأسين أبد ,,,حتى ليلة زواجه حتى بعد مايتزوج .....والله هو القادر سبحانه على كل شي

اللة يعينك اختى واللة حاجة صعبة تكو نين معاة ويفكر بوحدة ثانية حاولى تغيرين من اسلو ب حياتك معاة يمكن يغار من اطفالة :rolleyes: فية ارجال كد:mad: :mad:

الشكر لكل من رد على الموضوع...

لكن والله أنا حاولت أقنعه بكل الوسائل...
لدرجة إني قعدت أترجاه ما يتزوج وقلت له
بسوي لك كل اللي تباه لو تطلب المستحيل
لكن للأسف... حتى إني قلت له طيب علشاني
وعلشان عيالك.....لكن لا حياة لمن تنادي...

خاولت أأقلم عمري وأمشي حياتي طبيعي لكن
ما قدرت .... شبح الحرمة الثانيه وراي ليل ونهار...

يا جماعة الخير إدعوا إن الله يصبرني...

نسيت أقول لكم ...
أنا بديت أعيف ريلي ...
أحس إنه إنسان أناني ما يفكر غير في
سعادته وبس... ونسى كل اللي ضحيت
علشانه...

وعليكم السلام ورحمة الله وبركاته

اختي العزيزه،،

الله يعينك على ما ابتلاك.. تأكدي ان هذا امتحان من الله سبحانه وتعالى وبعونه بتنجحين فيه.. احمدي الله الذي لا يحمد على مكروه سواه.. اكثري من الدعاء والقيام.. صومي قربة لله وتصدقي في سبيله.. إسأليه ان يصبرك ويزيح كربك.. توكلي عليه فما خاب من توكل على الله

من كلامك فهمت ان زوجك مقتنع انه يبي زوجه ثانيه.. ليش ماتكونين له انتي الزوجه الثانيه؟؟
بقولك كيف.. شوفي وش الي هو يبيه من الثانيه وعطيه اكثر.. يبيها متفرغه له؟؟ شوفي لك كم يوم تاخذين العيال عند اهلك وتتفرغين له.. يبيها ماتدري من الدنيا شي ومثل مايقولون يربيها على يده؟؟ تهيبلي عليه وسوي نفسك ماتدرين بالدنيا شي.. يبيها تهتم به وتدلعه وتدلع عليه وتسويه يا دهينه لا تنكتين؟؟ دلعيه وقولي له كلام حب وغزل وسوي له من الحركات الي يكتبونها البنات..
اشغلي وقته ولا تخلين عنده اوقات فراغ يفكر فيها بالثانيه.. شوي تشغلين وقت بطلبات البيت والعيال.. وشوي تشغلينه معاك وبك

صحيح انك بهالفتره نفسك ماتتقبله وتحسين انك خلاص ماتبينه.. بس لازم تضغطين على نفسك وتخلينه يحس انك تحبينه حتى اكثر من قبل.. لازم تضغطين على نفسك لأن بالنهايه هذا لمصلحتك ولمصلحة عيالك وبيتك.. اعتبري ان الي تسوينه دوا، طعمه مره بس لابد من للشفاء


ربي يصلح حاله ويهديه ويوفقك معاه
ويعطيكم خير الدنيا والآخره