ملح الليمون

السلام عليكم ورحمه الله وبركاته
ازيكم يا عرايس وحشتونى كلكم جدا جدا
انا جيت النهارده احكيلكم وارغى معاكم شويه بصو يا جماعه انا غسالتى عطلت وجبت المهندس علشان يصلحها والحمد لله صلحها ووصانى بالاتى :
لا استخدم الكلور ابدا بداخلها
ودوره الخل اللى كنت فاكره انها مفروض تتعمل كل شهر قال مالهاش لازمه
والحل البديل 5 ملاعق كبيره ملح ليمون ونجيبها علىB على درجه90 مئويه وباذن الله ملح الليمون هيشيل الرواسب ويحافظ على الحله والجوانات والمساعدين وديه تتعمل كل 3 شهور
وممكن نحط ملح الليمون على الملابس البيضاء لملابس اكتر بياضا وجربت الحركه ديه وفعلا كانت تحفه
وقال اننا ممكن نحطها مع الالوان بس حسيت ان الالوان بهتت شويه فقلت ااقلكم
انا حطيت معلقه كبيره على المسحوق

انا قلت اخبركم باخر معلومات وصلتنى
ولو عندكم استخدامات اخرى لملح الليمون يا ريت تفيدونا بيها ويكون المكان هنا كمرجع لينا كلنا