مضايقة وأبغي حل.

مرحبا بنا شخباركم أول مرة أشارك بس ودي ألقي حل لأني تعبانة مووووت .
مشكلتي يا بنات مع زوجي أنه انسان بس يحب نفسة ويسمع كلام أمه وبس وأنا بس مجرد قطعة جديدة في غرفتة والحين مل منها دايم يقول انه بيتزوج لأنه الشرع حلل له كيف يتزوج ثانية والأوله ماشافت الراحة معاه والحين صار عندي ولد وراح انكمل 3 سنوات بس ولا شيء تغير بحياتي غير الهموم تزيد والمشاكل بنات مايطلعني ولا يحب يقعد عندي دايم عند أهله قاعد لأني عايشة عندهم واذا ابغي شيء يدلني لين مايجيبله لي ولو مرضنا أنا ولدي يقول خلي أهلي يودونج واخر التطورات يبغي يمنعني عن أهلي بس لين هنا ويوقف أحس يابنات انه يبغي يجنني بس حابسني باالبيت وأهله مايرحمون بعد مايلبسون عبيهم يقولون بتروحين وانا ارفض لأني أحس انهم ما يبغوني اروح معاهم كله اقعد بغرفتي والله مليت بس ولدي الحين مونسني أقوله ابغي ادرس يقول ماله لزوم أريد أدخل النت من الابتوب مالك بعد يرفض يقولي نزلي تحت ودخلي مال أختي وأخته دوم تذلني بس مخليتها على الله التلفزيون اللي يسليني يقول بطلعه من الغرفة ومالي مصروف بيدي يعني لو احتجت وهو محد أروح عند أمه وأهله من بعد ما أخوي طلق بنتهم وهم يكرهوني ودهم اليوم قبل باجر اني أطلع من البيت.

بنات هو اقترح علي اني أخلي اخوي أنه يجي وياخذني وانا على طول رحت قلت لأخوي لأن نفسيتي تعبانة وجا وخذاني واتصلت اقوله اني رايحة بس مارد لا على اتصالي ولا مسجات ورحت عند اهلي رغم هو اللي قاللي بس الحين لي اسبوعين مايدري عني شيء ولا يريد انه يجي ياخذني وانا رحت برضاه علشان ولدي مريض وهو موقد المسؤولية وانا تعبت ولا حد معطينا وجه بس عند أهلي على طول الوالده ودته العيادة والحين ولده زين بس ولا سأل عنه ويقول اني عاصية ولا يريدني ولا يبغي يشون رقمي بس أهلي يقولون لي صبري علشان ولدج بس لين متى والله تعبانة نفسين ولا حد حاس بس مخليتها على رب العالمين ونعم فيه الله يفرج همي وهم الجميع اللي قلته شوي بس ودي ألقى الحل هل اتنازل عن حقي كالعادة وارجع له علشان ولدي ولا كل واحد يروح بطريق اللي يريحه ردوا علي ضروري وريحوني.