اليوم يايبتلكم موضوع خفيف بس مهم وااااااااااااااااااااااايد وأبدا ماراح تكتمل أناقتج إذا أظافرج مو شي..:iagree:
أتمنى موضوعي مايكون مكرر لأنه الموضوع اللي شفته هو طرق العناية باليد بس اليوم أنا راح أتكلم كيف تحمين ظفرج وتخلينه قوي ومايتكسر بسهوله ..
منو منا مايتمنى أظافره جذي ؟؟؟
وما أعتقد إنه أحد خاطرة بها الأظافر مو؟؟؟:schmoll:
وعشان أخلي أظافري أحلى من جي المفروض أعتني فيهم كيييييييييييييف؟؟
أولا : طلاء الأظافر
كثرة وضع المونيكير على الظفر سبب من أسباب ضعفة وتكسره بسهوله وغير جي يصفر الأظافر يعني بالعامي أبدا موشي:iagree:
حتى مزيل المونيكير كثرته تسبب جفاف الظفر وتكسره
يعني نصيحة لكم ياحلواااااااااااااااااااات لا تكثرون من طلاء الأظافر عسب تحافظون ع ظفركم خلوها مرة في الشهر ولمدة أسبوع اللي هو وقت الدورة الشهرية وباجي الشهر إعتنوا فيها
وماشاء الله شركات التجميل ماقصروا وأنتجو وااااايد من مقويات الأظافر واللي أنا استخدمتهم وياب نتيجة معاي ..
هو حبيبي مافالا
ماركة سويسرية ع ما أظن أنشأت سنة 1958 ومن هالماركة عندهم عدة شغلات للعناية بالأظافر
واللي جربته وارتحت عليه هو
الحلو اللي فيه إنه سائل مثل الماي اتحطينه كل يوم ع أظافرج ولاتحاتين الصلاة لأنه مايسوي طبقة ع الظفر
وهذا بعد رووووووعة يمنع تكسر الأظافر ويغطيها بطبقة عازلة تحمي الظفر وتقويه بس هذا ماينفع مع الصلاه
ويمدحون وااااايد سالي هنسن بس للأمانه ماجربته بس يقولون يطول الأظافر ويقويهم
وهذا من برجوا هو عبارة عن عازل يحمي الأظافر من بلاوي المونيكير كان عند إختي وجربته قبل لا أحط اللون الأحمر خبركم الأحمر يوم تمسحينه يخلي الظفر محمر ويلوع بالجبد
وهذا الأسيتون أنصحكم فيه لأنه بجد روعة يشيل اللون ع طول يعني مالا داعي اتحجين الظفر حج وف نفس الوقت مايجففهم
والحين إنيي اللأهم المبرد وما أدراكن ببلاوي المبرد من أهم أسباب تكسر الأظافر يوم كنت أشتغل أشوف الوحدة لو هي فاضية حطة ريل ع ريل وقامت اتحج بهالمبرد والمصيبة إنه ظفر طويل وظفرين مكسورين والمسكينه مصرة ع الحج فيهم ..:poster_kewlpics:
يعني ياحلوات خفو إيدكم من المبرد مو كل يوم خلوها مرة كل أسبوعين وأبدااااااااااااا لا تستخدمون هالمبرد الحديد لأنه يشقق الظفر
استخدمو هذا وبتحصلونه في واااايد أماكن
ووااااااااااااااااااايد لا حظت بنات يشترون هالشايننغ من بودي شوب نصييييييييييييييييييييييييييييييحة ابتعدي عنه خييييييير شر هذا يشيل الطبقة اللي فوق الظفر ويسبب ضعف الظفر وهشاشته
بعد في الصوالين يستخدمون المقص اللي يقص الجلد الميت انتبهو عزيزاتي قصوا اللي ع الأطراف بسسسسسسس مو دور ما داير الظفر لأنه يجرح الجلد اللي حول الظفر وأبدا لا تخلونهم يكشطون الظفر اللي حولين الجلد يضعف الظفر
ولاتنسون الفيتامينات الخاصة بالشعر والأظافر والبشرة بس هذي مشكلتها اتمتن يللي الضعيفة أنصحها فيهم
وزيت الزيتون انقعي أظافرج لمدة عشر دقايق فيه وعقب غسلي إيدج وحطي أي كريم مرطب
وأنا أنصحكم ب هذا للأظافر هو مايقويهم بس يغذي الظفر وأحسن من الكريمات المعطرة ومامنها فايدة
وقد ماتقدرين لا تتركين إيدج في الماي واااايد مع إنه هالشي صعب علينا بس كثر ماتقدرين خففي ونشفي إيدج ع طول
أيضا عندنا الليمون صج صج يقوي الظفر طبعا مع الإستمرار عليه بس مشكلته يخللي الظفر مصفر..
وآخر شي عزيزتي لا تطولين أظافرج وااااايد عسب مايتكسرون خلي طولهم بسيط أأنق وأحسن وأرتب وخليهم كلهم سوا واحد يعني مو واحد طويل وواح قصير وواحد مأكول ...
أتمنى الموضوع عجبكم وأفدتكم ولو بشي بسيييط
وأهم من كل هاااااااااااااااا إدعووووووووووولي بنات بظهر الغيب إنه الله ييسر أموري ويسهلها يااااااارب محتااااجة والله دعوة بظهر الغيب ..
وإذا عجبكم الموضوع واستفدتوا لا تنسين تقيميني لأني تعبت وأنا أجمع المعلومات وأتمنى لا حد ينقل الموضوووووووووووووووووووووع
