ولدت ولكن

السلام عليكم ورحمة الله وبركاته


شخباركم بنات يارب الله يثبت حملكم ويهون عليكم ويرزقكم الذريه الصالحه

بقولكم قصتي :

انا كااي ام يوم دريت اني حامل تعلقت فيه وقمت حتى من اول شهرشريت شويه ملابس من كثر ماكنت متشوقه مرت الشهور وقمت طبعا اراجع عند دكتوره وتلفزيون واصور البيبي لين دريت انه ولد وقمت جهزت وكنت مستانسه وابي اشتري له كل شي وااايد كنت مستانسه واحسب الايام والاسابيع والاشهر كنت وايد وايد متشوقه ويوم بدا يرفس ستاااااااانست واكون مهمته انه شفيه اليوم مارفس وكذا وكنت اشغل قران عشان اخليه يسمع وكنت فرحانه وايد جهزت ملابسه كل وحده احلى من الثانيه واختي قامت تبي تتشرى لي شويه اغراض له بعد وقمت افكر بالتجهيزات وكنت امر على محلات الاطفال اشوف الاسعار انا وريلي وكنا نحسب ايش بناخذ وكنت مسويه لسته انه الشهر هذا باخذ كذا كذا وكنت خلاص قريب بخلص في يوم قمت اشوف افرازات تنزل علي طنشت سالت قالوا عادي هذا ظهرج يعورج اتاحي قامت الافرازات تكثر ويتغير لون لين صار لونه بيج وكنت بشهر 6 الاسبوع 23 بعدها حسيت بشي ينزل نفس الدوره رحت الحمام الا اشوف دم انا مت من الخوف طلعت وانا ارجف بسرعه رحنا المستشفى جيكو علي الا لقوا الرحم مفتوح:confused: انا مت من الخوف وكنت بروحي وانا بكر ماعرف شي ودوني غرفه الولاده تميت يوم ونص سوا لي اتراساوند قالوا لي الكيس نازل والرحم مفتوح تقريبا 3 سانتي وجيه انواع التعذيب دكتور يدخل وبقول انه حالتي حالة ولاده وممكن البيبي مايعيش احتمال يعيش 10% انا قمت نهار وريلي يقول ماعليج من كلامهم اللهم اذا كاتب شي بيصير كانت حالتي نفسيه تعبانه كنت ماتحرك من السرير الله يكرمكم اسوي حاجتي ع السرير والنرسات يساعدوني بتنظيف نفسي قلت معليه حتى لو اتم شهر المهم ولدي اليوم ثاني الساعه 1ونص فليلي بدا معاي الم خفبف وانا طبعا كلللله نزيف دم وكنت ع امل انه يوقف الدم كان مايوقف يخف ويرجع وكنت كله اقول لنرس البيبي اوكي اتقول اوكي ويحطون لي النبض القلب وفيه وارتاح اقوله في طلق في الجهاز اتقول لا وانا ارتحت انه مافي شي تم الم بسيط فيني من 1ونص تقريبا لين 6 الصبح عطوني ابره اتخفف وتحميله ارتحت شوي ونمت بعدها جاو الدكاتره وانا رافضه يفحصوني من تحت اخاف ينفتح الكيس لانه نازل لين جات الدكتوره وقنعتني وخليتها قالت لحين نازل وانا احاول امسك عمري واستحمل ومتكله ع الله جاو خذو مني تحليل دم الدكتور قال لي اذا الكروات الدم مرتفعه ولاده واذا جاتج سخونه بعد ولاده وبعد شي 3 اعتقد قال بس ماذكر وانا الحمدلله كان فيني شي لين جيه وقال لي كروات الدم مرتفع عندج لازم ولاده انه اليوم احسن من باجر بنسبه لي وللبيبي توكلت ع الله وحطوا لي طلق صناعي وانا يعورني واحاول واحاول سويت بوش انفتح الكيس بعدها قمت ماحس بالطلق وانا اقول حق اختي والدكتوره ماحس بالطلق قالوا لي معليه عادي الدكتور قام سكر جهاز مال النبض البيبي وانا قلت له ليش سكرته قال لا عادي وقمت اسوي بوش من نفسي والبيبي نزل من ريله شلوه بسررعه وانا اترجاهم الله يخليكم ولدي ولدي ابيه يعيش ساعدوه ودوه واختي راحت معاهم انا حسيت في شي جات وهي اتصيح اقولها مو كامل لونه اسود اتقول لا والله ابيض وكامل وفي نبض اررررتحت الا يوم جيه الدكتور جيه وقال لي حاولنا ننعشه بس0000فريت راسي وصحت وقلت الحمدلله ان شاء الله يتشفع لي ولدت المشيمه وقلت لهم ابي اشوف ولدي جابوه وهو لاحول ولاقوه شليته وهو صغير وزنه مابين 600 و700قمت مسكت يده وانا اصييييييييييييييييح واهلي جاو وتاثروا انا شايلته وماسكه يده واصيح وابوسه جيه ريلي شافه مسك يده واهلي يحاولون يهدوني سلمت للنيرسات ولدي حبيبي رحت فوق وانا في حاله صدمه واصيح ريلي يحاول يضحكني بعدها ام ريلي جات نامت عندي وانا ماحسيت بعمري نمت من التعب قال ريلي انه بكره بيجي من وقت ياخذ ولدنا بيروح الدفن جاني وهو يبين ع ويه بس يحاول يضحكني انا كنت قاعده بغرفه مشتركه بعدها بكم دقايق جات وحدوه والدها وانا اسمع صوت ولدها واصيح اتذكر ولدي بعدها الحمدلله رخصوني وطلعت جيت البيت وانا اصييييييييييييح رحت غرفتي واصيح ريلي قام شل اغراضه وداه غرفه امه وبس بعدها قام صدري يعورني يبي ينزل حليب اتخيلوا الشعور اشفط حليب وانا ماعندي ياهل كان الشعور كلش مو حلو بس كنت كله احاول اصبر نفسي لانه بيتشفع لي وابوه وانه هذا هديه من الله وبس الحمدلله ع كل حال هذي قصتي مافقدت الامل والحمدلله ع كل حال الحمدلله بس ابي منكم الدعاء واللي يسلمكم الله يرزقني بالذريه الصالحه عااااااجلا غير اجل ويارب يرزق كل محرومه يااااارب واللي نفس حالتي والحمدلله ع كل حال