ممكن تساعدوني ... انا مشكلتي كايده

المهم استمرت حياتنا جيه شهرين و بعدين تعبت و قلت له انت لازم تتخذ موقف :down:

قال هذي امي و ما اقدر ازعلها و زعلت انا عليه و تركني بيت اهلي زعلانه 3 سنين و ما سال عني و كل اللي كان يتدخل علشان يحا الموضوع كانت امه تقول : هي اللي زعلانه و اذا تبى ترد ترد بروحها ولدي ما بيراضيها

:confused: المهم انا استحملن لأني كنت احبه و صار ظرف و رجعت له بروحي لكن تعرفوا شو صار ..... من اول مشاده بيننا قال لي انت اللي رجعت انا ودرتج في بيت اهلج 3 سنين و انت اللي رديت بروحج


انا يوم قال لي جيه مت ما قدرت استحمل و رحت بيت اهلي و طلبت الطلاق ............. للأمانه هو حاول يراضيني بس انا كنت مجروحه منه و طلبت منه الطلاق :confused: و طلقني


و الحين صار لي 3 سنين مطلقه و لكني بعدني احبه و اموووت فيه و ارفض اي احد يتقدم لي غيره و هو نفس الشيء ما تزوج على الرغم من محاولات امه

بس انا سمعت انه يبي يتزوج الحين ..... و انا وايد متضايقه و ابيه ..... ما ابى غيره .
ما اعرف شو اسوي ..... ساعدوني .......... ارجوكم
:cry: :sad: :cry:

السلام عليكم
بصراحه هذا ريلج صدق ما عنده سالفه ليش هو صغير عشان يسمع كلام أمه و هو ما عنده كلمه ... حتى لو أمه المفروض اقول هذي حياتي و ما يدخل امه في اي شي و ما يسمحلها اصلا انها تتدخل ..
لدجة انه يخليج في بيت أهلج ثلاث سنين بصراحه هو ما يستاهل و لا أمه
وانت صبرتي عليه و رديتي بعد يطلقج صدقيني اذا يباج
لازم اكون له كلمه و شرط لين بياخذج انه امه ما تتدخل في حياتك
و القرار الاول و الأخير لك و لزوجك و صدقيني انتي تقدرين اتغيرين
الريال و اتخلينه لصالحك
بس أحس انه هو ما يستاهل بعد اللي سواه و خليه هو يتزوج اذا يبا
وانت اتزوجي وشوفي حياتج لانه ليس نهاية العالم بالعكس انتي بعد حلوه و صغيرووونه و الكل يباج و صيري أحسن منه و خليهم اشوفون
شلون استويتي وخصوصا امه
فكري بعقلك و ليس بقلبك أحكمي عليه و انظري هل
مساوءه أكثر ام حسناته وتنظري ماذا فعل بك
و كيف أنزل من كرامتك و تركك عند أهلك مده طويله بدون ما يسأل

يأختي حطي أملك في الله إستعيني به واتكلي عليه ، إمكن سبحان الله ماهو مكتوب لكم تعيشون مع بعض ، إمكن مكتوب لك تعيشين مع أحد غيره يكون أفضل منه كثير ، وتحبيه أكثر من حبك لريلك الأول مليون مرة وتنسين أصلاً إنه كان موجود في حياتك ،
خلي عندك حسن ظن بالله ، فالله عند حسن ظن العبد به ، وإن شاء الله ترزقين الحياة السعيدة .

إلى أختي الحبيبه زهرة السلام عليكي وبعد ...

تحيه طيبه أهديها لكي يا أختي الغالية ...

إسمعي يا أختي : دام الطلاق حصل بينكم فهذا إنشاء الله فيه خير لك وله
أنتي راح تلقين إنسان خير منه وهو راح يلقى إنسانه خير منك , وهو مع مرور السنين بدى ينساكي ويبتعد عنك واللي ياكد كلامي إنه راح يتزوج عليكي , وأنتي ياأختي حتى لو مثلا قلنا راح ترجعين له راح تكون نفس المشكلة ماراح يسمع كلامك وراح يسمع كلام أمه يعني أنتي اللي راح تتعذبين في الأول والأخير ,,,

أما عن قضية المحبه فهذا مع الأيام راح تزول وتبقى ذكرى بينك وبينه ,, والزواج من شخص آخر يكون طيب وراعي دين وأخلاق وحنون ينسيكي الايام الماضيه كلها وأسألي مجرب ,,,

أختي الحبيبه وكلي أمرك لله وأستعيني به وأستخيري وربي يوفقك لكل خير ,,, ودام حصل طلاق أنتي توكلي على الله وتزوجي دامك إنسانه طيبه وجميلة وصبووره لأنه هو وأمه مايستاهلون التضحية اللي أنتي تسويها عشانهم ...

أنتي مو ناقصة مشاكل يا أختي خلاص أبدي حياتي من جديد وتوكلي على الله وإنشاء الله ربي يوفقك للسعاده في الدنيا والاخرة ...

** وإنتي يا أختي دامك مهموومه هذي الايام اكثري من الصلاة وقرآءة القرآن والدعاء وقيام الليل وسماع القران والمحاضرات حتى يبعد ربي عنك هذا الهم والحزن ...
الله يسعدك يارب ...

تقبلي تحياتي أخوكي المحب لكي دوما ملك الخواطر s.t

حبيبتي

هو ما عرف قدرج

وانتي غلطانه يوم رحتي بيت اهلج كل هالفترة

المفروض انتي تكونين مصرة عليه ما دام انج تحبينه

الريال بسررررعه يلين للمرأة بكلامها المعسل

ع العموم ما دام انتي تحبينه ليش طلبتي الطلاق

بس سمعي هو الي بيتحسف ع فراقك لانه انتي الانسانه الوحيد الي حبها في حياتها والله وحطي في بالك هو يفكر فيك كل يوم قبل ما ينام
ويجوز انه ما بيتزوج بس وصل لك الكلام عشان يقهرك

لكن انتي حطي في بالك الي باعك بيعه 20 مرة

وان شاء الله تلقينه هو وامه جاين لك للبيت عشان يخطبونج له مرة ثانيه واذا ما صار حبيبتي:confused:


حاولي انك تنسيه ولا من حل اخر


انشغلي باشياء طلعي مع ربيعاتك واهلك راح تشوفين نفسك انك نسيتيه

ولا تخلين لك فرصه للتفكير ابدا ابدا


والله يوفقج حبيبتي والله يكون في عونج


سلملم

السلام عليك ورحمة الله

اختي زهرة الحب

انا مع خواتي كيفي متسببه صاحبة اجمل عيون العيناوية

والاخ ملك الخواطر


فالافضل انج تشوفين حياتج والله يوفقج مع الريال اللي بتاخذينه وانشالله ينسيج حب زوجج ومثل ماهو بينسى وبتزوج وحب يشوف حياته مع وحده غيرج الافضل انج تسوين مثله وعلى فكره الحب تضحيه واخلاص ولو اهو يحبج جان ضحى بكل شئ عشانج


وحبيت اقولج شغله صغييييييره انشالله تفيدج بحياتج الزوجه اذا الله وفقج مع ريال ثاني

(((((((((((((((( لا تدخلين احد بينج وبين زوجج مهما كانت علاقتج فيها ))))))))))))))))))))))))) اعتقد كان درس لج لما دخلتي اخت ريلج فنصيحه مني لادخلين اي احد واذا تبين مساعده اخذيها من امج او اختج لانه محد يبي مصلحتج كثرهم


تحياتي

لسلام عليكم يأخواني و اخواتي

انا بصراحه شاكره لكم مروركم على موضوعي و مشاركتي في حل مشكلتي ،،،،، و لكن بغيت اقولكم اني صار 3 سنين احاول انساه و اتقبل الطلاق و لكن كل ما اسمع سيرته او اشوفه احس بشوق و حنين له. انا ادري انكم تبون مصلحتي بس و الله هو حالته اخس مني انا عرفت من اخته الصغيره انه مب مرتاح لهالزيجه و انه متزوج بس علشان يرضي امه بس.

اخوتي

انا من جد تعبانه وايد و عيوني طلعن من البكاء و انا خلاص محبطه و تعبانه و ابي رايكم ................. اخته تقول لي طرش له رساله و شرحي له شعورج لأنه بعده يحبك و هو دايما يقول جيه ....

بس انا مب عارفه شو رايكم ؟؟؟؟؟؟؟؟؟:cry: :sad:

السلام عليكم
اسمعيني حبيبتي ..... لا اتطرشيله رساله و لا شي
و لا اتنزلين من عمرج و كرامتك ....خلك بنت قويه و اذا هو يباج يروح بيتكم
و كلمج اذا هو صدق احبج بس غير لا اتسوين و لا حتى اتكلمينه
خليه هو هالمره يرد لج مو انتي عشان بعدين لا يقول انتي رديتي
مب أنا ( لا اتنزلين من كرامتك)
خلي أحاسيس قلبك في جهه و فكري بعقلك .......

ودي اساعدك يا زهرة الحب لأني مجربة الحب والتعلق بالحبيب واعتقد ان ولد عمك مازال يحبك لكن امه واقفة في طريقه او تكرهه فيك حاولي تعرفي السبب عن طريق اخواته او انك تتقربي للأم عشان خاطر الحب اللي بينكم واكثري من الدعاء لله ان يكشف عنك هذة الغمة ويردكم لبعض ان كان في خير لكم ان شاء الله000000واتمنى لك السعادة والتوفيق.

السلام عليكم و رحمة الله و بركاته

انا بصراحه حبيت اشكر كل اللي مروا على موضوعي و كل اللي كتب لي . و احب اقولكم حتى لو ما انحلت مشكلتي و ما رجعت له .... المهم اني كسبت لي اخوة و اخوات في المنتدى و الله يخليكم لي و يحفظكم ان شاء الله و مشكورين

خليه يووولي ماتبينه هذا دلوووع امه وحتى لوورديتي له والله انج بتعيشين المر مره ثانيه ولا تفرضين نفسج عليه وبيج اللي احسن عنه انشاءالله

حبيبتي خليكي قوية الرجال يحب المراه التقيلة وعلى العموم اذا هو يبغاكي كان رمى كل شي وراه وردلك لاكن هو حبيب امه اتقلي عليه

اختي الكريمة

احمدي الله ان ماعتدك منه عيال كان تزيد المشكلة

وهو اللي يظهر انه ضعيف شخصية فلو رديتي له ترجع

المشاكل واحسن لك البعد عنه ونسيانه وشوفي اللي يناسب

صاحب الدين والخلق واستفيدي من هذه التجربه وتلافي تقصيرك

وفقك الله لما يحب ويرضى0

انتى تحبيه و هو فضل امه عليكى و اهانك....هل ستعودين للاهانة مرة اخرى؟....

شي غريب فعلا

لايكون مسحور؟!؟!؟!!!!

:rolleyes:

مسحور ليش لا ؟؟؟؟

بس انتي اكيد بعورج قلبجلان اي حب في الماضي سيدفن في القلب وتبقى الذكرى اعرف اثنين تطلقوا بسبب تدخل الاهل وبقيت طفله لازالت بعد مرور السنين تتجرع نتائج التجربه الفاشله ...............

ابوها كل مابغت تروح امها قالها
هذا قميص النوم حق امك .....<<<محتفظ فيه رغم مرور 32 سنه
من الانفصال ولازال هناك خفقه وغصه بسبب الفراق اللاارادي

كان يوريها رسائل الشوق ..........والبنت اللان ماتصدق انه فيه زواج ناجح
وان الحب يدوم ............ليه منتجربت ابوها وامها


المهم طلعت من الموضوع بارجع .........شوي لاني :confused:

تقولون يابنات قوي قلبج .....اهي لو قلبها تعرف تقويه مافاض بيها
واشتكت ............

بس اعتبريها بلوىوادعي ان الله يرجعه لك

بس لا تحطين امل كبير انه ما ينساك ابدا بعد زواجه
الرجل بطبعه نساي واي حرمه تملى عينه
والمخده تغير الموده <<فاهمه اللي وراء السطور ..........

حبيبتي زهرة الحب السلام عليكم
بصراحه بصراحه ماعندج سالفه انا لو منج جان متزوجه من زمان
حبيبتي الي باعج بيعيه لاتحاولين تنزلين من كرامتج اكثر من جذيه
دام انج ضحيتي اول مره ورديتي له وهو ما اعترف بتضحيتج وقال ان انتي الي رديتي فصدقيني هذا انسان مايحبج لو صج يحب ومايقدر يعصي امه يحاول يخلي امه تحبج بس هذا انسان اناني ولا تقولين انه ماتزوج من ثلاث سنين يمكن ما لقا الي تناسبه خلال الفتره هذي ولمن لقاها راح يتزوج
انا انصحج انج تشوفين حياتج وتتزوجين وانشالله الله يعوضج بواحد احسن منه ويعرف قدرج قبل لايمر الوقت وتشوفين عياله يمه وانتي وحيده ماعندج احد واسمحيلي على الاطاله
تحياتي لج واتمنى لج حياه سعيده