~ لوك درآماتيـكـي D:

السلام عليكم ورحمة الله وبركآتـه ..

من زمان عدّي بهالقسم واليوم صار فخآطري إلا انزل موضوع :D

وقعدت اشوف من بين الآي شدوز اللي عندي وحبيت اختار لوك ينفع للشتا

عموماً انا احب الألوان اللي تكون metallic يا على ذهبي او على فضي

وفهالموضوع بسوي لكم الميتاليك الفضي :cool:

اسمحوا لي على رداءة التصوير بس كيمرتي الحلوه مب معاي :(

وقاعده اصور بكيمرة جوالي ..

المهم .. نبدا نآوو (i)

هاذي صورة الفراشي اللي استخدمتها فاللوك .. ادري يمكن بعضكم يقول ماله داعي كل هالفراشي لووول .. بس احب تكون عيني مرتبه يعني حق الاماكن اللي شوي يبي لها تركيز لون اختار فرشاه معينه .. او مثلا ابي اسوي blend حق منطقه داخليّه شوي اختار بعد فرشاه معينه وهكذااا (a)

ارقام الفراشي من اليميــن

- فرشاة بوبي براون اسمها Cream Shadow .. ما حصلت عليها رقم ..
- فرشاة Laura mercier واسمها Smudge
(( الباقي فراشي ماك ))
- 213
- 239
-217
-194
-227
-190
-129

بقول لكم بعدين كل فرشاه وفي ايش استخدمتها ..

الحين نيجي للوجه .. بعد مانظفت وجهي وكل شي .. حطيت البيس من شسيدو اللي على يسار الصوره على خشمي .. واسمه Poor minimizing cooling essence .. وفايدته انه يصغر مسامات الخشم ..

وبعدين احط البيس الذهبي من جيرلاين على كامل وجهي ماعدا منطقة الخشم لان اولريدي حطيت عليه البيس الثاني ... بيس جيرلاين راح يعطي شوي اضاءه للوجه .. لان اللوك بيكون كامل على بعضه Matte ..

وزعت الستيك فاونديشن من بينيفت .. اللي لونه بنفسجي على اليمين .. استعملت فالتوزيع فرشاة الفاونديشن من ماك رقم 190 ..

خذت فاونديشن كاريولون وحطيت شوي منه على منطقة تحت العين والجفن ودمجته بالإسفنجه المدوره من ماك (( ما صورتها بس معرووفه (a) )) ..
لان ابي هالمنطقه تكون افتح بدرجة بسيطه

ماحطيت بيس على عيني لانه راح يخلي الجفون شوي يابسه وهاي ماراح يسهّل عملية الدمج لان الآيشدوز اللي مستعملتهم غامجين ويحتاجون دمج عدل ..

وبعدها وزعت اللوس باودر من بوبي براون على كامل وجهي .. اسمها Pale yellow 1 .. بدون لمعه هالبودره .. تخلي الوجه ناعم و Flawless :> صورتها بروحها بعد

والبودره المفتوحه هاي بودره مضغوطه من ماك .. اسمها Delicacy .. بس راح احطها اخر شي عقب ماخلص اللوك كامل على عظمة الخد فوق لان تعطي اضاءه حلوه حتى تنفع اضاءه تحت الحاجب .. والصوره اللي عقب مصورتها من قريب عشان تشوفون اللمعه اوضح

وبعدين الآي شدوز والبيس اللي استعملتهم ..

اسم الآيشدو اللي فوق من اليمين Typographic

واللي فالنص Knight Divine

واللي عاليسار Electra

واللي تحت بروحه هو عباره عن Fluid line .. واحب استعمل هالنوعيه كـ بيس ..

والفلويد لاين هاي سلفر اسمه SilverStroke ..

اللي ماعندهم السلفرستروك يقدرون يستعملون البلاك تراك الاسود بس السلفر هو سر اللوك عشان يطلع ميتاليك :wink:

وهاذي البيقمنت اسمها Frost استعملتها كإضاءه تحت حواجبي ..

اول شي خذت فرشاة ماك 227 وخذت شوية بيقمت ووزعتها تحت حواجبي .. سويت هالخطوه اول لان لو سويت الاي شدوز وخلصت وبعدين جيت بحط البيقمنت لازم بتتنثّر على الايشدو وانا ماحب هالشي >_< ..

بفرشاة بوبي براون خذت من السلفرستروك وحطيته على كامل الجفن المتحرك

بعدين حطيت آي شدو Electra على زاوية عيني الداخليه لين ربع العين بفرشاة ماك 213 ..

عقبها بفرشاة 239 خذت من اي شدو Knight divine .. وكملت لين زاوية العين الخارجيه

طبعاً هاللونين بس عالجفن المتحرك مانوديهم فوق ..

بفرشاة 217 خذت مره ثانيه من اي شدو knight divine وبحركات دائريه صغيره على زاوية العين الخارجيه واحاول اسحبه على برى فوق شوي عشان يعطي لوك القطوه (@)

مانسيت اني ادمج عدل الخط الفاصل بين الاي شدوز الاثنين بأي فرشاه عادي اهم شي يكون مدموج عدل .. انا دمجتهم بفرشاة 213 ..

وبعدين عشان نزيد الدراماتيكيّه لهاللوك ناخذ نقطه وحده من آي شدو Typographic بفرشاة 217 ونحطه نفس الشي في زاوية العين الخارجيه وبحركاة دائريه نفس ماسوينا مع النايت ديفاين ..

التايبوقرافيك وايد احلى من الكاربون لانه سهل الدمج .. وبعد لونه افتح من الكاربون بشوي

اهم شي ان هالألوان تكون مدموجه عدل في كل خطوه نسويها ..

وبعدها حق الجفن السفلي .. اخذ بنسل Urban decay اسمه Dime لونه سلفر قوي احدد عيني من برى فالزاويه الداخليه وأوقف لين مايوقف electra اللي في الجفن اللي فوق .. بفرشاة laura mercier النتفه اخذ من اي شدو ايليكترا واحطه على البنسل السلفر .. وبعدين اخذ من نايت ديفاين بنفس الفرشاه واكمله لين الزاويه الخارجيه .. وعقب اخذ من التايبوقرافيك واعيد فوق النايت ديفاين بس من الربع الاخير من الجفن السفلي مب كله ..

ابدا اكحل عيني من داخل بكحل لورا ميرسير ..

بالآيلاينر من ماك اسمه Penultimate eye liner اسوي خط ضعيف فوق عيني وامده شوي برى ..

احط مسكارة ديور Blackout .. احب احط طبقتين

بفرشاة الكونسيلر رقم 194 اخذ شوي من الكونسيلر التيوب من ماك رقم NC30 واحط نقطه على يدي واخذ شوي بالفرشاه وامررها تحت عيني من الزاويه الداخليه ليييييييين برى واسحبها على فوق ..

فايدة هالخطوه تخلي الاي شدو اللي تحت عيني مرتب ومحدد عدل كأنه مسطره لووول وبعد عشان ازيد سحبة العين واخليها واضحه ^_*

احط روج ماك اسمه Fabby .. لونه بيج وفيه شوي pink ..

كنت مب حاطه قلوس وبعدين غيرت رايي :D

احترت بين القلوس البيج ولا الوردي بعدين رسيت على القلوس الوردي اسمه Bountiful
والبيج اسمه Pretty Plush ..

ترى هم مب ألوان يعني بس لمعه خفيفه .. ماحبيت الشفايف يكون لونهم واضح وايد

وبعدين خذت لووس باودر لونها بيبي بنك من Cuberry .. اسمها Pink bikini :tongue:

واستعملتها كـ بلشر استخدمت الفرشاه الكبيره من ماك رقم 129

لانها اصلا متعددة الاستعمالات .. تنفع فوق الروج او القلوس .. بلاشر .. آي شدو

فظيعه هالماركه وايد احبها واطلبها اونلاين ..

طلبت البنك بكيني مع آي شدوز اثنين ثانين بني وذهبي وهاي صورتهم

البني اللي عاليمين اسمه Infusion .. والذهبي اسمه Secret Garden ..

البني وايد حلو لما اخلطه مع الـ +Fix واحدد فيه الجفن اللي تحت واكحل عيني من داخل بكحل بني يطلع نآيس =)

شوفوا الشعار اللي عالغطا .. كيوب وعليه ورقة توت انه cube و berry لوول يحليلهم :tongue:

واخر شي اخذ فرشاة الكونسيلر واحط شووويه من البودره اللي استعملتها على عظمة الخد واحط شوي منها تحت الحاجب .. احب اسوي هاي اخر شي عشان تكون اللمعه للحين Fresh (6)

عاد بليز لاتنسوني من الردود الحلوه والتقييم فديت دلبكم : )