سؤال عن الدكتورة فرح في مستشفى البحرين التخصصي

[FRAME="13 70"]
هلا حبيبتي انه مارحت لها حجزت موعد عندها بس عطتني بعيد فقلت اغير فرحت الى الدكتورة منى الشرقي بنسبة اله الدكتورة فرح فتح الفايل عندها 31 دينار الاستشارة عندها 10 دينار بتسوين سونار 16 دينار يعني وايد اسعارها فوق بس سمعت عنها زينه ماجربت اروح عندها بنسبة الى الدكتورة منى فتح الفايل 15 دينار الله يوفقج وان شاء الله البنات يفيدونج اكثر مني
لكي مني اجمل تحية
[/FRAME]

مرحبا اختي ...
اني اتابع عند الدكتورة فرح و تابعة عند الدكتورة زينب الجفيري و عند الدكتورة فكريه يعني ما خليت دكتورة .. و ما اشوف فرق كبيره بين الاسعار
فرح كل مره تاخذ مبلغ يختلف
اخر موعد اخذت 26 دينار
و الي قبلة 15 دينار
و الي قبلة 20 دينار
و كل موعد لازم اسوي التراساوند
بس ما اذكر كم فتح الفايل
و موعدي الجاي عندها بعد 3 اسابيع

هي زينه حق متابعه وحده حامل تهتم فيج من كل النواحي و تتسال فيج عن كل نقطه تخص الحمل و هذا غير النصايح.. و انا مسويه ربط يعني كل موعد لازم تعطيني ورقة تحليل حق المختبر بس اني ما اسوي التحليل في مختبرهم اروح المركز الصحي التابعه له و اسوي التحليل ببلاش .. واستلم النتيجه من المركز الصحي و اوديها الى الدكتورة فرح في يوم موعدي يعني اوفر قيمة التحاليل ..

بس حق عقم و مشاكل في الانجاب اعتقد فيه احسن منها

ام جهاد
اشلون مواعيدها اقصد الزحمة اللي عندهم ؟؟ يعني اشكثر تنتظرين ليما ايي دروج ؟؟

و الله يا اختي كل موعد غير ..
موعدي الي من شهرين انتظرت ربع ساعه
و موعدي الي بعده انتظرت 10 دقائق
و اخر موعد الي من كم يوم ما انتظرت مباشر دخلت

و غالبا في مكان الانتظار يكون فيه شخصين قبلج او وحده قبلج يعني ولا مره رحت وكان فيه زحمه او طابور

بس اطول مده انتظرتها كانت نص ساعه لاني رحت بدون موعد كان في اول حملي تصيدني حالات طوارئ و اروح بدون موعد

مشكورة اختي ام جهاد كفيتي ووفيتي

أختي اذا تبين نصيحتي الحمد لله اذا ماعندش مشاكل في الحمل تابعي عند دكتوره عاديه لانه كلهم نفس الشي اما لا سمح الله الوحده اللي عندها مشاكل تتابع في عياده مع اني جيكت الاثنين ترى نفس الشي اقصد العياده والعادي بس العياده وااااجد ياخذون فلوس يعني يبي لج جمعيه الا اذا كانت الوضع المادي عندج اوكيه وما عندج مانع عااااادي دلعي روحج الخاص اذا بتابعين عندهم لا تاخذين كل شي في العياده مثلاًالتحاليل ولأدويه وغيرها سويها كله بره لا نه ببلاش تعرفين ااني اول زياره للدكتوره تقريبا 80 دينار بالتحاليل وبره ببلاش بس الحمد لله كان عندي تأمين معه الدكتوره نفسه ودفعت بس الادويه......

اختي قنوت قصدج اتابع بالمركز
فكرت فيها بس قالو يعطون موعد في الشهر الرابع وحرام جذي

ومشكورة حبيبتي

[FRAME="6 70"]
لا حبيبتي مايعطون في الشهر الرابع قولي لهم ابي موعد اقرب يعني من الثالث او نهاية الثانب اخر مرة كنت حامل كنت اتابع في في مركز اورح خاص بس حق الالتراساوند وسالتني اي وقت ابي في اي شهر يعني الثاني الثالث الرابع الخامس خخخخخخ عادي بس صدق تكليف المستشفى الخاص وبلخاصة تحاليل يقصبونج مثل ماقالت لج الاخت قنوت وهي بتسوي لج نفس التحاليل الى بالمركز وبلاااااااااااااااااااااااااااشوانتي حبيبتي توج في بداية الحمل على مااعتقد لاتستتعيليننن انه بخملي الاول رحت حق خاص في الشهر الخامسس كنت اتابع في المركز الله ويوفقج وجهة نظر وبس
[/FRAME]

ما انصحك في فرح اذا ناويه تولدين عندها لان من تجربتنا معاها و تجارب ناس نعرفهم حزه الولاده ماتعرف تتصرف في بعض المواقف يعني يمكن الوضع ما يستاهل قيصري بس لانها تخاف سيده تقول عمليه

اذا تبين وحده شاطره بالولاده و تفهم صج حق الحامل و كل ما يمر عالحامل من مواقف روحي لكيران في ابن النفيس ... انا هذي لو تسافر احس روحي بضيع حق حملي الثاني

مراوي;8683896:
ما انصحك في فرح اذا ناويه تولدين عندها لان من تجربتنا معاها و تجارب ناس نعرفهم حزه الولاده ماتعرف تتصرف في بعض المواقف يعني يمكن الوضع ما يستاهل قيصري بس لانها تخاف سيده تقول عمليه

اذا تبين وحده شاطره بالولاده و تفهم صج حق الحامل و كل ما يمر عالحامل من مواقف روحي لكيران في ابن النفيس ... انا هذي لو تسافر احس روحي بضيع حق حملي الثاني

اي خاطري اروح حق كيران بس لاني مووااااايد اوكي في الانجلش وخاصة المصطلحات الرحم والمبيض ماعرف