عريس جديد وهم جديد.......

السلام عليكم ..............:(

طبعا عرفتو من العنوان ايه المشكله؟؟؟؟؟

يابنات انا جالى الحمدلله عرسان الفتره الاخيره لكن مش برتاح والمشكله بقى دلوقتى ..............











انى جالى واحد بجد ميترفضش وانا عارفه كده .............. لكن الكلام اللى حواليا كله زن على دماغى ومن الاخر حصلت حاجات حاسه انى خلاص اتدبست فيه من تانى يوم شوفته فيه .........

دكتور ومدير معمل مشهور قوى فى مصر عندنا وسنه 28 سنه ماشاء الله عليه سافر ومعاه ماجيستير وشهادات تانيه وحياته كلها دراسات (ودى مشكله وحدها) ووصل لمركزه ده بسرعه لذكائه ...............

اخته تبقى معرفه لينا لان باباه دكتور زميل بابا فى الجامعه ومعروفين ومتجوزه ابن زميلهم التالت يعنى فى بعض .....
اخته اتصلت بيا من 10 ايام كده وسألتنى اتخطبت ولا لآ قولتلها لآ فكلمتنى عن اخوها ده وانه عايز واحده بنت اصل ومن بيت وافتكرتنى على طول ورشحتنى
انا كالعاده مقفلتش الباب وخدت ميعاد على الخميس اللى فات ..........

وجه فعلا وشوفنا بعض وسط العيلتين لكن المشكله اول مابشوف اى واحد
بحسه مش مناسب ليا ومش حباه خالص

عارفه هتحكموا عليا انى غلطانه لكن والله ابدا
صدقونى انا مش مرتاحه خالص ليه برغم صفاته الحلوه قوى
شكله حساه مش متركب عليا خالص مش لاهتمامى بالمظهر اكتر لكن انا بحس كده
لفتت نظرى شويه حاجات فى شكله كلها بسبب اهتمامه بدراسته اكتر والكل قعد يقوللى انتى تعرفيه بتحبى ايه وهو هيبقى كده وهيهتم بنفسه اكتر بسببك انتى (لكنى مش مقتنعه خالص)
والله العظيم يابنات بجد جالى اكتئاب وخصوصا وانهم شاريينى جدا
المشكله بقى واللى تعبتنى نفسيا بجد وحسيت انى ملحقتش افكر فى واحد
انه باباه اتصل من السعوديه على بابا وكلمه وقاله انه طاير من الفرحه (كأنى خلاص قولت موافقه)
واصر انه يقرا الفاتحه المبدئيه مع بابا :confused: على مالعريس يجى ويقراها معاه برغم انه بابا قاله البنت لسه هتصللى استخاره وكده ولسه بتفكر قاله سمعنى الفاتحه بقى علشان ربنا يكرمنا ..... وقروا الفاتحه فعلا على اساس انه بابا كمان شايف انه شارينى جدا ومناسب قوى قوى (خصوصا وانه بابا استاذ جامعه ويحب قوى المراكز العلميه) وباباه قال لبابا هنجيب كل اللى تحبوه واكتر كمان وهنتاقلها دهب وهعملها وهسويلها وطمن بابا قوى عليا معاهم زى مااى اب يتمنى لبينته :(

اللى غايظينى انه اخته وهى ماشيه قالتلى هتصل بيكى كمان يومين او 3 ايام واعرف رأيك
قولتلها ان شاء الله
لقيتها بتتصل من تانى يوم وتسألنى قولتلها على طول كده؟
قالتلى آه اصلك مش شايفه محمد عامل ازاى هنا اول مرره نشوفه كده خصوصا انه بيبان عليه قوى (بان ايه عليه مش فاهمه ) قولتلها معلش انا لسه هصللى استخاره النهارده وبكره كمان واللى فيه الخير ربنا يقدمه بس لاحظت عليه انه حياته كلها شغل ودراسه (وانا يابنات بقالى 4 سنين بعانى من الخطوبات وحياتى كلها كانت مشاكل وهموم ومحتاجه واحد يعوضنى ويحبنى بجد ويكون عنده وقت ليا انا مش واحد اشيل همه هو كمان واستناه طول اليوم وحدى فى البيت خصوصا وانه هيمسك مدير لنفس الفرع فى القاهره برضه ده غير معمله الشخصى :ss: طيب وانا هبقى فين؟؟
محدش حاسس بيا :confused: كلهم بيقولولى ممتاز ومركز ممتاز وابن ناس لكن انا مش حساه ولا متركب عليا حاسه انى هكبر معاه هو انا ناقصه هم؟؟
انا نظرتى ليه غيرهم ....والله لو رئيس جمهوريه مش مهم ده كده برره البيت لكن جوه الببيت هو هيبقى الزوج والحبيب مليش دعوه بقى هو ايه شغله ومركزه :( مش حساااااااااااااااه ( برغم انه وهو قاعد كان بيجيلى احساس انى مرتحاله وقلبى ينشرح ويعدين ارجع تانى احس انه مش هو برضه)

اول يوم جالى بصراحه مرضتش حتى اصللى استخاره بس حلمت انى برص النيش بتاعى فناجين كلها مدهب واطباق مدهبه بس كنت ندمانه على طقم كنت جايباه قوى ..............

اول امبارح صليت استخاره محستش حاجه عادى زى منا مخنوقه ومتدايقه (لدرجه انه بابا واخد منى موقف ومش بيكلمنى ) حاسه انى مضغووووووووووطه وعمال يقوللى متحرجنيش مع باباه هو احرجنى وخلانى قريت فاتحه والولد فعلا ممتاز وفكرى بعقلك كفايه اللى شوفناه وده عارفين اصله وكلام كده .........

قولتله يابابا انا حتى متكلمتش معاه ولا عرفت تفكيره ماكلهم بيكونوا كده فى الاول ولاد ناس قوى واخلاق ويخلونا نطير بيهم وبعد كده بيكونوا ابليس :confused: مش اول مرره وانا المرره دى بجد عايزه واحد اكون طايره بيه وضامنه انه كويس ومرتاحاله ومبسوووووووطه بيه ده بقى لآلآلآلآلآلآلآلآلآ ..................

وماما جتلى فى الحلم امبارح لحظه كده قالتلى لعريس كويس ومشيت
لكن انا يابنات مش مرتاحه برضه والله طيب اعمل ايه ؟؟
والكلام هنا جرحنى
ناس يقولوا سنك بيكبر وانتى بتتخطبنى من زمان ولا انتى (من كتر خطابها بارت ) :tears: بجد ممكن اقعد فى البيت كمان سنييييييييين من العذاب كده ؟؟

وناس تقوللى كان زمانك مخلفه اتنين :tears:
بابا يقوللى انتى كده هتبقى بتفترى
طيب يابنات انا مش مرتاحه اخاف اكمل اندم وتتحسب عليا خطوبه وبجد بعد كده محدش هيتقدم من كتر الخطوبات دى
واخاف ارفض اكون فعلا افتريت (ولو انهم كل مرره يقولوا كده ) وربنا ينتقم منى فى حد مش زيه ولا مناسب وفى كلتا الحالتين اخاف مفرحش هو انا ناقصه؟ :tears:
يابنات عايزه افرح والله نفسى اتخطب انا مش بفترى ولا بتكبر عليهم بس بجد حاسه انى استاهل حد كويس جدا جدا اكتر من كده مش مركز لآ حاجات تانيه حسيتها لما شوفته :(

انا قولت لاخته انى هحتاج اشوفه تانى لانى ملحقتش اشوفه بصراحه كنت مكسوفه قوى ومعرفتش اعرف اى حاجه وكده
قالتلى اكيد هنجيلك تانى قريب وهو كمان كان مكسوف ..........

المهم لقيت بابا بيقوللى متحكميش عليه غير لما تقعدى تانى
واتصل بيه امبارح وقاله انى عايزه اشوفه تانى علشان اعرف كذا حاجه منه ولقاه فى المعمل
فكلمه هو بعدها بخمس دقايق بعد ماشاف مواعيده قاله على النهارده المغرب :ss:

بجد خايفه حاسه انى ملحقتش افكر فى الموضوع وكل مااقول لحد كده يقوللى انتى كده بتفكرى تفكير هايف وسيبك من محمد خلاص مــــــــــــــــــــــــــــــــــــــــات :tears:
طيب هو خطب خلاص فعلا واحده هو على الاقل شايف انها مناسبه ليه وفرحان بيها حسبى الله ونعم الوكيل لكن انا مجاليش منه غير انى اتعقدت من الخطوبات وقلبى بيدق لما بسمع انى هتخطب لحد او جايلى عريس ومش شايفه حد ينفعنى ..........

بجد غصب عنى مش عارفه افكر ولا مرتاحه طيب اعمل ايه؟؟
وبابا زعلان منى وبيقوللى عايز اطمن عليكى انا مش ضامن عمرى اديكى شوفتى ماما الله يرحمها راحت فى ثانيه .........
ولو اتطمنت عليكى هحس انى اتميت رسالتى وهطمن وهفضى لاخواتك (حسسنى بالذنب قوى ) وانا مش ناقصه والله اللى فيا مكفينى طيب اعمل ايه؟؟

هو جاى النهارده
دعيت كتييييييييييير لو هو فعلا كويس وربنا يرضاه ليا اشوفه بنظره تانيه واحبه ولو لآ تفتكروا هحرج بابا ؟؟
وانا هتحرج من اخته خصوصا وانه لو ماما كانت عايشه كانت هى اللى بترد .......
دلوقتى انا اللى هرد :tears:

بنات بجد والله تعبااااااااااااااااااااااااااااااااااااانه قوى وكل مشكله بحس قد ايه مفتقده ماما وبتأكد انى مش هعرف اكمل حياتى من غيرها اكيد كانت فهمتنى ...........
اكيد كانت حضنتنى امبارح وانا منهاره كده ببكى ..........
اكيد كانت هتقابله معايا وتناقشنى براحه وتضحكتى بروحها الجميله دى .............

آه صحيح حبيت اقولكم حاجه علشان متقولوش عليا افتريت قبل كده فى العريس الاولانى فاكرينه طبعا .................


فاكرين لما قولتلكم انى مش مرتاحه وخايفه من مامته وانه راح مجاش؟؟

فعلا مامته متسلطه جدا واتخانق معاها وسافر برره مصر لانها حطتله العقده فى المنشار وعملت مشكله كده بعيده عنى لكن بخصوص جوازه برضه ............. يعنى احساسى كان صح والكلام ده عرفناه من خاله شخصيا ................بعد ماكان طاير بيا وفرحان هى كسرت فرحته .....شوفتوا وهو الوحيييييييييد مابالكم هتبقى ازاى مع مراته؟؟

برتاح قوى معاكم ربنا يخليكم ليا وحبيت اعرفكم اخر الاخبار واللى هى بالنسبالى هم جديد :(

ادعولى ربنا يقدملى اللى فيه الخير واللى يرضاه ليا ويسعدنى ويرضينى بيه ........ وانه يكون العوض
وياريت تفيدونى اعمل ايه ؟؟ ورأيكم ايه؟؟

فى آمـــــــــــان الله