أطفالنا والمقاطعة

مناهل78 01-02-2009 19 رد 1,696 مشاهدة
م
السلام عليكم ورحمة الله وبركاته وبعد...

كيف حالكم ياأمهات..

طبعا الحرب الأخيرة على غزة خلت عيالنا يتأثرون بصور الأطفال اللي بسنهم وشافوا كيف هم محرومين من كل شي وفقدوا كل شي... وهذا اللي نبيه نبي عيالنا يكبرون مع قضيتهم ويتعاطفون مع الأطفال...

أنا كان عندي مبدأ من أيام مقتل الطفل الشهيد محمد الغرة.. لا للبضائع الأمريكية واليهودية والحمدلله ماقول بالمرة ماراح أستخدم شي بس أتحاشى شراء هذه البضائع... والحمدلله حتى ولدي ماكنت أعطيه من أكل ماكدونالدز وغيره... وقدرت فترة أمنعه من الأكل منه والشراء من منتجاتهم... وكانت في فترات يطلع مع أخواتي وياكل معاهم...

عقب الأحداث الأخيرة ولدي أقتنع إن ماياكل منهم خلاص وقلت مادري لحد متى راح يكون عند موقفه وهو طفل صغير ممكن عادي تغريه الألعاب اللي يحطهم مع الوجبة...

الموقف الأخير صار يوم الجمعة.. الشغل كانوا مرتبين لنا رحلة برية وقبل لايفتحون البوفيه وزعوا على الأطفال وجبات ماكدونالدز... هو من شافهم يوزعون قال ياكلون مال الأمريكان... ماصدقت قلت معقولة ولدي أربع سنين ونص ممكن يتأثر .. قلت أكيد الحين بيقول آبي وجبة... بعدين قال له أخوي آروح أخذ لك وحده قال لا مابي آكل مال اليهود.... ماشاء الله عليه ماشاء الله عليه أستغربت من كلامه وبالفعل مارضى ياكل الوجبة مع الأطفال وإنتظر لين مارحت البوفيه وأخذت له رز ودجاج وقعد ياكل معاي....

الحمدلله آقول إن شاء الله كل الأطفال يسون هالشي ويمتنعون عن أكل ماكدونالدز وغيره...


الحين دور عيالكم كيف المقاطعة عندهم؟؟ هل هم مع أخوانهم الفلسطينين؟؟ هل حسوا بمعاناتهم وعشانهم أمتنعوا عن المطاعم الأمريكية؟؟


ختام كلامي .. أبي منكم دعوة ربي يحفظ لي ولدي ويبلغني فيه معرس يارب....
د



ماشاء الله عليه الله يحفظه ويبلغج فيه وتشوفينه معرس ..

الله يهدينا ويهدي الجميع..انا عن نفسي قررت قدر المستطاع اني اقاطع ..بس مااجبرت احد يقاطع معاي ..مع اني يوم قريت قائمة المقاطعة الدنماركية والاميريكية واليهودية..طلع مايصير اشتري او آكل اي شي..حتى لو ابي اكل من البيت كل الشركات العربية طلعت تابعة لشركة المقاطعة..بس في الاخير قلت حق نفسي اهم شي اقاطع كم مكان وكم شي ..

وتسلمين على الموضوع
ن
ماشاء الله عليه ربي يحفظه هذا هو التصرف الصحيح انا بنتي عمرها 5سنوات قالتلي ابي اروح لغزة علي شان اقتل اليهود
ف

الله يخليلج ولدج عبدالله ويبلغج فيه معرس ان شاء الله


الاطفال عجينة بين يديدنا نشكلها مثل ما نبي ... انا عندي اخوي الصغير وايد تاثر باحداث غزة والطفل بطبعه فيه بذره الخير ونحن لازم نشجعه ونثبته عليها

اخوي كان يقول ماراح اكل عشان اطفال غزة كنا نقوله كل وادعيلهم ويقعد يسال عن اليهود وليش يحاربون اهل غزة واسئلة كثيرة

والباقي علينا كاهل فاهمين وواعين نوعي عيالنا

وماشاء الله عليه ولدج ان شاء الله نشوفه شخصية ومستقبل واستمري معاه بهالطريق والله يبلغج فيه داعيه
ا
ما شاء الله الله يحفظه ويبلغج فيه
انا ما أقدر أقول اني مقاطعة كل شئ ، بس قدرت أني امنع عيالي من ماكدونالدز وكنتاكي حتى بنتي مرة حطيت لها من ضمن أكل المدرسة عصير كوكا كولا لأنها تحبه تفاجئت انها ردته وعرفت انه مقاطع من صديقاتها .
ان شاء الله تقدر تواصل وما تغريها وجبات المطاعم
ر
الله يحفظ ولدك ويخليه والوجبات الي من المطاعم الامريكيه اولادي عمرهم ما اكلو منه شيء

لان نمنعهم من صغرهم عن اكلها لكن اذا شافو احد ياكل وهم جالسين معانا يقولو لهم تاكلو اكل حرام

من كثر ما نمنعهم

والله يحفظ اعيالنا ويفرج عن اهل غزه ويحفظهم
*
ماشاء الله على عبود الله يحفظة لج ان شاء الله
اني بالنسبة لي توه عبادي صغير
بس فعلا قمت اتحاشى البضائع الامريكية وزوجي بعد
وتوني من كم يوم قلت اذا عبود كبر لازم بخلية يفهم قضية فلسطين
لازم عيالنا يكونون وياهم
الله يلعن اليهود وامريكان يارب
موضوع رائع تستحقي التقيم :)
ع
مـا شــاء الله عليه .. الله يجعلــه ولد صــالح وباااار بوالديــه
وينصــر دييينه ان شاء الله.. وتفرحي بشوووفته في يوم عرسـه يااارب
ا
يالله يارب يبلغلج وتشفين بعد عياله وعيال عياله
لكن كلمة اخيرة لج اختي ونعم التربية وممكن اطلق عليج الام المثالية بارك الله فيج
C
ما شاء الله

صادقة اختي رانيا حتى الاطفال يتأثرون...

والله يحفظ لج عبادي وتشوفينه معرس يا رب,,,
B
ماشاء الله الله يخليه ويحفظه لك ان شاء الله تبلغين فيه معرس
s
والله انج صادقة
والله يخلي لج ولدج يا رب
~
ماشاء الله عليه وعليج

ربي يحفظه لج ويخليه وتشوفينه معرس يارب
ا
ماشاءالله عليه

الله يحفظهم ويخليهم يارب
ا
بعد همري عبود و الله الله يحفظة و تشوفينه معرس امين

انا و الله محتارة يا رانيا يعني انا بالنمارك اخيس دولة بس مع هذا قاطعت البضائع الامريكية و اليهودية قد ما اقدر

ظل بس البامبرز لان اخاف اغيره لعموري اخاف اتبهذل و هو حبيبي كبر يعني كلها كم شهر و اعلمه ان شاء الله على الحمام و هيد اند شولدرز ما اقدر اغيره لان شعري ما وقفت منه القشرة غير بعد ما استخدمته

بس قررت انه الطفل الجاي ما استخدمله بامبرز استخدمله نوع دنمراكي اهون الضررين صج حيرة
م
دمـوعي قـ ـهـ ـر;8642597:



ماشاء الله عليه الله يحفظه ويبلغج فيه وتشوفينه معرس ..

الله يهدينا ويهدي الجميع..انا عن نفسي قررت قدر المستطاع اني اقاطع ..بس مااجبرت احد يقاطع معاي ..مع اني يوم قريت قائمة المقاطعة الدنماركية والاميريكية واليهودية..طلع مايصير اشتري او آكل اي شي..حتى لو ابي اكل من البيت كل الشركات العربية طلعت تابعة لشركة المقاطعة..بس في الاخير قلت حق نفسي اهم شي اقاطع كم مكان وكم شي ..

وتسلمين على الموضوع



أشكرك أختي على المشاركة بموضوعي... مثل ماقلتي أختي مانقدر نقاطع كل شي لأن في بضائع كثيرة نحتاجها بس نحاول قدر المستطاع إستبدالها ببديل آخر...
م
نغم الخلود.. وربي يحفظ لك بنتك ويجعلها من المسلمات البارات يارب.. حلو تفكيرها...\



فراشة ابوظبي أشكرك على دعوتك,, ماشاء الله تصرف أخوك بعد كان حلو وإن شاء الله يستمر على هذا الطريق’’’



أم نور وعلي... أنا كنت مقاطعة كنتاكي من يوم كنت صغيرة من كثر ماكنت اسمع عن وصاخته ومن كم سنة وأنا مقاطعة الكل تقريبا وماشاء الله تصرف نور بعد حلو يوم ماشربت من الكولا واصلا تراه مو زين لهم..



ربيعية.. الله يحفظ لج عيالج يارب ويصبر أهل غزة على ماصابهم...



أم عبادي القمر.. ربي يحفظ لج عبادي وإن شاء الله يكبر ويفهم قضيته يارب...


عروس جنان.. تسلمين الغالية على دعوتك الطيبة...



المتكتكة... مشكورة اختي على ردك الطيب.. جزاك الله خيراً...



Cute mother اي والله ام زهير الكل تأثر وخصوصا الأطفال شافوا كيف إنهم والحمدلله عندهم كل شي وأطفال غيرهم محرومين من كل شي..
م
أميرة بكلمتي..

أم سويرة...

أم القمران..

أسعدتني مشاركتكم ودعوتكم الطيبة....




أم عمار... اي والله أختي أنت في وضع صعب.. عايشه في وسطهم مالج بديل عن الدنماركي شو تسوين بعد.... في هذي مالج ذنب أنت مضطرة....
o
هلا اختي رانيا ماشاء الله على عبدالله الله يحفظه ويخليه وعيالي وعيال المسلمين يارب اما قصتنا حنا والمقاطعه شيء مره كنا عند اهلي وسمعهم يتكلمون امي تقول لاتشترون الا السعودي الي مو سعودي مانبيه قصدها مانبي نشتري شيء مستورد مادام عندنا بدائل وقعدو يتكلمون بالمطاعم هرفي وماك والطازج ووبدر اخذ السالفه ويوم ركبنا السياره قال لابوه ابي وجبه جوعان قاله ابوه من وين تبي وبحكم ان ولدي متولع بكرة القدم والفرق والاعبين كنه ابو18 سنه قال بابا مابي من هرفي ولا الطازج لانه سعودي ابي من ماك لانه امريكي شكلهم مثل برشلونه لاني احب مسي والسعوديه خسر مابيه ضحكت باعلى صوتي الناس وين وانت وين ياولدي من جد كل طفل بهمه من بعدها قلت لازم اعش ولدي الاحداث من جد ثقافته صفر
أ
انا راح اكون صريحة معاج

انا ما اشوف فايدة من الماقاطعة

انا ما قاطعت بس اكيد افضل اني اشتري منتجات محلية

انا غير مقتنعة بالمقاطعة سامحوني بس مافي ولا شيخ افتى بضرورة المقاطعة

و بعدين سياراتنا امريكية و اثاثنا امريكي و مطابخنا امريكية و اجهزتنا امريكية الخ....
مو مجرد اكل او مطاعم

انا مع تطبيق الدين الاسلامي الاصيل بالحرف
و العودة الى سنة الرسول عليه الصلاة و السلام و تطبيقها بجميع امور الحياة
و ضرورة تجمع المسلمين في محاربة الصهاينة

و الرسول كان يتاجر مع اليهود

و بعدين احنا ماعندنا ولا دليل ان فلوس المطاعم المريكية تروح لليهود!!
هذي بس اشاعات مالها اصل

اصلاً الربحية للوكالات الي بالبلد نفسه
يعني حسب الشركة الي فاتحة لها وكالة

يعني بالكويت عندنا مثلا الحميضي و الشايع فاتحين وكالات
و اهلنا عندهم سلسة سوبرماركت امريكي بالكويت
و و ناس متدينين جداً و ما يربحون اليهود!! و لا بهم شغل فيه

هي مجرد تجارة

يعني اخسر اهلي؟

مادري يمكن كلامي ينرفز
و ما يعجبكم

بس هذا انا مقتنعة فيه


و بعدين انا بدخل بنتي مدرسة خاصة تعتمد عالمناهج الامريكية لتدريس المواد العلمية
ما ادخلها؟؟؟

و اخوي يدرس بجامعة امريكية؟ نطلعه؟؟؟

و انا عندي جنسية امريكية !!

و ابوي محصل شهادته بامريكا

الخ...

المسئلة مو مسئلة امريكا

المسئلة مسئلة مسلمين متشتتين ضايعين غير مطبقين للاسلام الصحيح


بس ماشاءالله على ولدج يفهم
و عقله كبير اللهم بارك
و هذي فرصج تعلينه الصح و الغلط
و عسى ربي يبارك فيه و تشوفينه و اخوانه و خواته كلهم معرسين و مستانسين


و السلام عليكم
X