سلطة خضروات بالصوص ادخلووووووو

سلام عليكم بنات عروس
انا بحب السلطات الجانبية جدااا
كنت قبل كده اديتكم طريقة سلطة الكول سلو
النهاردة جيبالكم سلطة من مجهودي الشخصي وطلعت حلوة جدااا
وارجو انها تعجبكم زي ماعجبتني انا وزوجي
يالله نبدأ بالمقااااااااااادير :

المقادير سهلة جدااا تتكون من
نصف كيس خضار مشكل مثلج بس الي فيه ذرة لانها بتدي طعم حلو
ومعاه 2بطاطس صغيرة مقطعة مكعبات صغيرة"علشان تطيب بسرعة" او ممكن تكتفو ببططساية واحدة
من 3:4ملاعق مايونيز
كمية وفيرة من زيت الزيتون
ونصف ليمونة
ونصف ملعقة صغيرة خل
وقليل من الملح والفلفل
[glint]الطريقة[/glint]
اغلي ماء في قدر وبعدين حطي الخضروات لحد ماتطيب
لكن احرصي على انها ماتتهري
في ايناء آخر جهزي الصوص حطي المايونيز مع اليمون والخل والتوابل
وطبعا زيت الزيتون
خلصتي الخضار صفيه وسبيه يبرد وبعدين ضفيه للصوص
وقلبيه براحة مع بعضة
وعبال ماتجهزي الغدا يكون اتشرب والاجمل انك تحطيه شوية في الثلاجة يسقع
بس طبعا يكون برد من الاول مش تحطيه وهو سخن في الثلاجة
وتقدميه في طبق تقديم خاص بالسلاطة

ارجو ان السلطة تعجبكم ويارب الآقي ردود حلوة منكم
واتنمى التقييم الحلو من بنات عروس الحلوة