اهلين ياعسل
انا الشهر هذا كانت معاي قرحه في عنق الرحم وكتبتلي الدكتوره تحاميل يوم ويوم
وطبعا الافضل مايكون فيه جماع لحد ماتخلصين العلاج
بس الى الان انا ماراجعت الدكتوره عشان اتأكد اذا راحت والا لاء
ماعندي أي فكره أتمنىى البنات يفيدونك
هلا حبيبتي ..انا بشهر 9 اكتشفت انه عندي قرحه بس الدكتوره قالتلي انه القرحه كبيره ويلزملها كي واعطتني تحاميل وحبوب وقالتلي اذا جاتك الدوره تعاليلي خامس يوم الدوره ..ورحت وسوتلي كي على البارد وما يحتاج بنج وما تحسين بشي واعطتني غسول تحاميل وقالت ما في جماع لمدة 3 اسابيع والحمد لله الحين انا ما شاء الله تمام
بس للان ما صار حمل الله كريم يرزقنا بالحمل الكامل الخلق والخلقه يارب
اختي ..
انا سويت الكي شهر 6 الي فات .. كي بالتبريد و ما فيه الم و بنج موضعي كلها دقيقه وتخلصين
و طبعا ما فيه جماع لمده 4 اسابيع طبعا كل اسبوع اروح للدكتورة تكشف تشوف مكان الكي لما راح نهائيا .. و بعدها تعيشين حياتج طبيعي .. وانا حملت بعد الكي باقل من شهرين ..
حبيبتي انا سويت كي للقرحه والحمد لله راحت وماحسيت باي الم ويوم رجعت البيت جاني الم فضيع واخذت مسكنات والحمدلله انا الحين حامل في التاسع ادعي لي اولد هاليومين بالسلامه
هلا حبيبتي لاتخافين مافيه الا الخير
انا كانت عندي القرحه قبل شهرين يمكن المهم عطتني تحاميل ومافادت مع انها صغيره بس مانفع معاها الا الكي ... وراوتني حاجه قالت لي هذي الا باسوي الكي بها فقلت لها تؤلم او لا واهم شي ما ابيها تؤلم ومن هالقبيل ماخلصا كلامي الا تقولي قومي ( بون مبالفه ) ماحسيت بشي وطبعا كان ممنوع الجماع انا ما ادري كم يمكن اسبوعين او اكثر لأني كنت اداوم مع المواعيد
والحمد لله بس بعدالكي يجي لك الم كأنه الدوره بس مو قوووي لا والله
وانشاء الله الخير لك ولنا بحق محمد وآل محمد لاتخافي حبيبتي تراها سهله
[FRAME="4 70"]
دلوووعته ,دكتورة روح, زوجة الاصيل,Jummana , um_jihad,*maha 33, ام رصيص شكرا لكم على الردود الحلوة ومطمنه بس ماقلتون لي شنو سبب وجود القرحة عندكم بنسبة لي كانت عندي التهابات وايد ماتعالجت عنها يعني تميت فترة هاملة الموضوع من جدية صارت قرحة
[/FRAME]
يا جماعه انا كان عندي قرحه و التهابات و كانت باينه من الافرازات بس اخدت علاج كتيييييييييييير تحاميل و مراهم و الحمد لله الافرازات راحت خالص ممكن يكون لسه عندي قرحه و انا مش عارفه يعني مش باينه
مشكوره احتي كنت ناويه اسئل نفس السؤال والحمدلله الاخوات ماقصرو انا يمكن اكويه
الاسبوع الجاي واقولك وشصار معي
قبل سنتين كان معي قرحه عنق الرحم في البداية كنت خايفه منها ورحت للدكتوره وتعالجت منها ولله الحمد -عادي تعمل لك كوي لعنق الرحم وتعطيك تحاميل وغسول خاص يمكن يكلفك العلاج فقط 200 ريال سعودي وبعدها بتشوفين كيف الألتهابات تروح سبحان الله وطبعاً مده عشرين يوم فقط استخدامه بس بعدها بترتاحين -
حبيبتي المعلومات كافيه
فاعتقد الآن لازم تروحي تجيكي على القرحه اذا فيه اعملي لها كوي
والله يكتب الا فيه الخير
أختي روحي للدكتورررره واهي اللي راح تقرر ادا تحتاجين كي او لا 0000
[FRAME="13 70"]
هلا حبايبي الدكتورة قالت بتعالجني بالأدوية واذا مانفع بتسوي لي كوي موعدي عندها تاريخ 8/2 يوم الاحد بس يعني لازم اتعالج بالأدوية ولا المفروض سيدة اسوي كوي لانه الدكتورة تقول اذا مارحت على الادوية بتسوي كوي بس انه اقول يمكن سالفة الادوية تطول لو تسوي لي سيدة الكوي احسن وش رايكم بنات؟
[/FRAME]
الكي افضل الطرق لعلاجها لانها ممكن تعود بعد الادوية اما بعد الكي فنسبة
رجوعها قليلة
