شلونكم شخباركم
بنات توني قبل شوي رادة من الكرنفال اخخخ يابنات ماكو احلى من شعور تشوف كل عيال ديرتك متيمعين بمكان واحد و كلهم على قلب واحد يغنون للكويت و يدعون ربهم انه يحفظها
قولوا آمين ,, الجو طبـــعا كان روعة و فكرت هناك ليش ما اصور و احط الصور بهالمنتدى
طبعا اول مرة اصور و احط بهالمنتدى وان شاء الله تعجبكم الصور
يالله نبتدي
طبعا المهرجان اول ما دشينا فيه و لا مسوين شغلة يديدة اول مرة يسوونها
حاطين مثل عرض للسيارات المعدلة يعني اللي صابغينها و مسوين فيها حركات
وهني كتكوتنا الله يحفظها قاعدة بالسيارة و مستانسنا
طبعا صاحب السيارة يكون واقف و اللي يبي يدش سيارته يستأذن منه
ويقدر يقعد بالسيارة او يصور فيها
ومو بس السيارات ,,حتى في عرض للسيــــاكل انواع و اشكال
شوفوا الزحمة و العالم ,,ما شاء الله ,, الجو كان روعة و حماسي و الناس قاعده تحتفل
ودك بس تقعد و تشوف الناس
وطبعا اكو مسارح (Stages) صغار ,, وكل stage فيه شغلة
مثلا اكو مسرح حق بلال الشامي ومسرح ثاني للسيرك و مسرح ثالث للاطفال
ومسرح رابع للمسابقات و مسرح خامس للمقابلات مع الفنانين بس ما صورت الا واحد اللي اهوه السيرك لانه تقريبا اكثر شي قعدنا هني
ولقيت الفنان احمد المهدى على ما عتقد اسمه مو متاكدة اللي يمثل بالفطين
طلبت منه يصور مع اختي الصغيرة ما شاء الله نفسه حلوة صور مع الكل ومبتسم و حبوب (y)
شــوفوا شلون الجو كان روعة والسما شلون صافية
وشوفوا بعد هذي سيارة عملااااااااااااااااقة
و احلى شي انه بنات صاحب السيارة وافقوا انه ندخل السيارة و نصور معاهم يحليلهم صغار اعمارهم على 10 سنين و مبين عليهم ملانين من الوضع لانه كانوا داخل السيارة والناس قاعده تطالع السيارة ولازم يقعدون بالسيارة عشان لحد يدش من هاليهال و يعفس السيارة
الشاورما بنص الكرنفال وجبـــة سريعه لليواعى
شوفوا الجو والالوان شلون حلوة
زحمة يا دنيا زحمة ,, واحلى شي يا بنات انه نقدر نشوف الجاليات المصرية والفلسطينية والسورية و العربية عموما و الهندية و الباكستانية تشاركنا فرحتنا
هني اكو طاولة صغيرة تبيع اعلام الكويت
وهني قسم صغير يبيعون السيايير الالعاب بس صاحبها يقول لنا هذي سيايير فازت ببطولات
مو اي العاب يعني حيل سريعه
هني سيارة عالارض منخشة
وهذا كاس فازوا فيه من النادي العلمي
هذا كاس ثاني
هني طاولة تبيع او تعرض لنا (مو متاكدة بالضبط ) تلسكوبات وطبعا الهنادوة اللي جدام مستغربين انا ليش قاعده اصورهم
وهني تلفزيون دولة الكويت تغطي عالحدث و ما شاء الله كل ما امشي اشوف ستاند كبير
و تلفزيون الكويت تغطي لنا الكرنفال Live
الحين هني صار المغرب و قاعدة تظلم الدنيا وخلص المهرجان والناس قاعده تروح والزحمة قاعدة تخف
عا هني كاميرتي خلاص ما قامت تصور عدل بليل
ظلممممة
وهني خل اقولكم سالفه هالولد
انا قاعده اشوفه من اول ما ييت المهرجان واهوه يحوس بهالتيشرت و عجبني والله
بس استحيت اقوله ابي اصورك و جذي ,,المهم قلت حق اختي الصغيرة واهي راحت كلمته و اهوه وافق وتم بحمدالله التقاط الصورة
شوفوا شلون حلو التيشرت وما شاء الله عليه مبدع يقول انا سويته بروحي
ويا بنات ديرتي ,, ادعوا معاي ,, عسى الله يحفظ الكويت و اهلها من كل شر يارب امين و يخليها لنا سالمة و يخلي اهلها على قلب واحد
ويارب يا الله اللي فوق السماوات السبع ينصر اخواننا اللي في غزة على اعداء المسلمين
آآآآآآميـــــــن يارب
وسامحوني يابنات عالطوالة و اذا عجبكم موضوعي بليز قيموني
ولا تنسون تردون على حتى لو بشي بسيط :)
تم مسح بعض الاجزاء من الصور من قبل المشرفه pinkeez