السلام عليكم ورحمه الله وبركاته..
شخباركم يا أمهات المستقبل وشخبار بيبياتكم وتجهيزاتكم لهم..؟؟
طبعاً انا حبيتكم تشاركوني فرحتي الأولى وتشوفون الأغراض اللي شريتهم له
وبتلاحظون انه مافي لون محدد اكثرهم الوان محايده لان انا وزوجي مانبي نعرف جنس البيبي قبل الولادة..
واكثر مشترياتي كانت من مذركير وآدمز وجونيرز وغيرها من المحلات للأطفال .وكانت مع زوجي واختي وامي .. واختي اختارت لي وايد من هالاغراض...
والحين انا توني داخله السابع وادعوا لي الله يتمم لي ع خير..
واتركم الحين مع الصور وذكروا اسم الله ...
هذي طقم السرير للبيبي
والسليب باق والشنطة
وملابس داخليه وثياب نوم مقاس من 0-3 و 3-6
وثياب للنوم مع مهاد
وهذي ثوب للنوم (ناعم لان ابيض) مع قبعة عجبني لونها وايد
وذيله وايد ناعمين فحبيت شكلهم وايد
و ذيله ثياب للطلعات الخفيفه مثل بيت امي بيت اهلي يعني ( ويصلحون للنوم بعد )
وهني الدلاغ وايد عجبني فخذيته ..
وهالثياب بتكون حق الطلعات والكشخات والزيارات ...
وخذيت له بعد فوطه للاستحمام كبيرة وصغيرة بس ناقصني متوسطة
وذيله صداري بأيام الاسبوع عجبوني وجوتي ع ضفدع
وذيله مراضع ومصاصة عجبوا زوجي فخذيناهم
وذي مجموعة اغراض الهوسبتيل (الله يبعد الامراض عنه يارب) ومجموعة اغراض النظافة (مقراض ومشط وغيرها)
وذيله الفيله عجبوني فخذيتهم له العاب ودفتر علشان اكتب ملاحظاتي له ...
وهذي احلى شي بالموضوع لان هدية من زوجي لما سافر مع ربعه يابها للبيبي يعني مانساه فديت روحه انا :)
وذي بدلة للنوم وبدلة للكشخة
وذي بدلة للنوم وبدلة للكشخة
الأحلى ان مكتوب عليها حبيبتي ماما
عباره عن طقم للسرير وسليب باق وشنطة وثياب كامله له ..
وآخر شي مابي غير اجوف ردودكم اللي تنور موضوعي ودعوة حلوة منكم انه الله يتمم لي ع خير ويسهل اموري وامور ولادتي يارب:)....
سامحوني الصور يمكن مو واضحه او كبيرة ماعرف اصغرهم وذي اول موضوع لي ...