نقاش حول فستان الزفاف

السلام عليكم ورحمة الله وبركاته
الموضوع اليوم جديد بالنسبة لمواضيعي لأول مرة بحط موضوع يعتمد أساسا علي الحوار بين العرايس علي الفساتين
عادة مواضيعي تكون صور لفساتين وأزياء
بس حبيت اغير شوية
الفكرة هي إن كل عروسة قبل موعد زفافها أو خطوبتها بعدة شهور تبدأ في التجهيز لهذا اليوم المنتظر منذ الصغر وأهم ما تهتم به كل عروس هو فستانها فتبدأ في البحث عن فستان الأحلام في المجلات أو النت في موقع عروس :D أو في المولات والأتيليهات وغيره.
وأخيرا يقع اختيارها علي فستان معين وتقرر تفصله أو تشتريه أو تأجره أيا كان ما ستفعله.
المهم موضوعي النهاردة عن الفستان بعد ما قررتي واخذتي قرارك بإن هو ده فستانك المنتظر وذهبتي لمصمم أو مصصمة الأزياء وقلتيلها هذا الفستان اريد مثله تماما وعلي حسب ذوقك اختارتي بعض التعديلات علي الفستان اللي اختارتيه وأخذت مقاساتك وروحتي بعد كام يوم روحتي علشان تقيسي الفستان وطبعا هذا أول قياس لكي يعني أكيد الفستان لسه ما جهز.
وبعد انتهاء الموعد المحدد اللي حتستلمي فيه الفستان
اخذتي الفستان في صورته النهائية وده موضوعي لما اخذتي الفستان ماذا كان انطباعك هل الفستان هو نفس اللي اختارتيه في البداية؟ ولا كان فيه اختلاف؟ وإذا كان في اختلاف هل الأختلاف كبير أم بسيط؟ الفستان أحلي من اللي اختارتيه ولا كان في خيالك أحلي من كده؟
يعني من الآخر كل عروسة تقول لنا مغامرتها مع رحلة اختيارها لفستان الخطوبة أو الزفاف وايه المشاكل اللي واجهتها في هذه المغامرة..
طولت عليكم صح :o بس فكرة جات علي بالي وده علشان تستفيد كل العرايس المقبلات علي اختيار الفستان
اتمني الموضوع يعجبكم واتمني ألاقي ردود.