خاايفـــــه

اختي الكلام اللي تقوليه مو سهل و اللي سويتيه مو سهل بعد


شو ترسلي لواحد انك ما تريديه

و اهلك هل عرفوا بعمايل الرجال ؟؟ وشو قالوا

لا تستسلمي لا تاخذي رجال إذا ثبتت عليه السمعه السيئه و علاقاته النسائيه

خبري اهلك و اي حد ممكن يساعدك

الله يعينك و طمنينا

ارسلت له على انى رجال يعنى كانه هو يبينى
ولا ماعلمت اهلى بس هو دائما يقول لى انهم اصدقائه
وتعاملهم معاه كانهم بنات مو شبااب

حبيبتي إذا هو يكلم بنات و عنده علاقات قولي لاهلك قبل لا تتزوجون ... مدام انتوا للحين في البر !
بعدين الخط خلاص سكريه ؟؟ انتي طلعتيه باسمك ؟؟؟ سوي فيه اي شي .. ما يصير يعرف انه انتي ..

والله مو عارفة شنو اقولك ..

عسى ربي يكتب لك الخير و يسعدك و يهنيك حبيبتي

حبيبتي اذا ماتبغي تتزوجي منه
عندك فرصه انك تسيبه
اول شي هذي الشريحه الثانيه ولعي فيها
احريقيههها ارميهاااا
لانه هذا الحركة مي بحلوووووه بتخرب سمعتك
وبالنسبه لانه يكلم وهو يقووول عاااادي
فهذي مشكله كبيرة لاتسكتي عليها
يعتبر خاااين ولو تزوجتيييه وهو كذااا بتتعبي معه
المهم حبيبتي افضل شي تسويه انك استخيري
والله يوفقك

لاتزعلي مني وسامحيني انتي الي جنيتي ع روحك

يعني كيف بالله تقومي تسوي هذه حركه


علشان ماتبغي طيب كنتي استخرتي وبعدين شوفي وخبري اهلك انك استخرتي وما ارتحتي


وبعدين ايش دراكي يمكن يتغير


كم رجل محترم وتزوج وبسبب اهمال زوجته راح يخونها هذه صعبه ع اخر


وكم رجل كان يكلم ولما تزوج عقل ووقف هذه سوالف هذه اسهل


والله يخليكي صارت دوامات مختلطه ما بقى الا كلام


سامحيني ع اسلوبي انتي الي جنيي ع روحك


تحملي اي تصرف يجي لك

مشكوررين على نصايحكم
انا كنت ابي واحد غيره من اللى اخطبونى بس اهلى اصروا عليه ليــه
لانه راتبه اعلى وله منصب بالعمل بعد واهله نعرفهم
وانا ماسويت هالحركه الا علشان هو من نفسه يبعد قبل مايرتبط فينى
بس مااثر فيه الرسائل والشريحه بدون اسم
بس انا سمعت اذااوصلت للشرطه يعرفون المكان والاسم صح

طريقة معالجتك للأمر غريبة ...

لم أفهم كيف كنت تتوقعين ردة فعله ؟!!

تخيلي عرضه على أهلك تلك الرسائل وتخيلي عرف انك انت التي تراسلينه على أساس إنك رجل!!

وتخيلي لم يتركك أو حتى تركك كيف ستكون العواقب؟!

افضل حل لحل المشاكل هي مواجهتها ودائما نعرف أن الصدق هو أساس النجاة

عزيزتى:
أولاً حاولى أن تستفيدى من خطأك ولا تتبعى الطرق الملتوية لحل مشكلاتك.

ثانياُ أجيبينى هل عقد الخط بإسمك؟

ثالثاً توقفى عن تشغيل الخط لأن الشركة تستطيع أن تحدد المكان الذى يعمل به الخط فاغلقيه فوراً.


فى إنتظار إجابتك...

والله مآآآآآدري شقولج !!


فعلاً تصرفج غرييييييييييييب يعني مالقيتي غير هالطريقــه !!


الله يعينج ويفرج همومج اسمحيلي والله مادري شقوول


إن شاءالله البنات يفيدونج اكثر مني

أسماء زكي الدين;8624640:
طريقة معالجتك للأمر غريبة ...

لم أفهم كيف كنت تتوقعين ردة فعله ؟!!

تخيلي عرضه على أهلك تلك الرسائل وتخيلي عرف انك انت التي تراسلينه على أساس إنك رجل!!

وتخيلي لم يتركك أو حتى تركك كيف ستكون العواقب؟!

افضل حل لحل المشاكل هي مواجهتها ودائما نعرف أن الصدق هو أساس النجاة

كلام صحيح ومضبوط ميه بالميه (y)(y)(y)

حبيبتي مدام الشريحة مو باسمج ولا عليها اي اسم خلاص قطيها او احرقيها ولا تشغلينها ابدا

و لا تخافين بس لا تعيدينها تره الحركة كلش مو حلوة وايد متهورة

[GLOW="FF3333"]
[GLOW="FF3366"]
[FONT=Arial Black][SIZE=4][COLOR=black]مدام بدون اسم ماراح يقدر يوصل للرقم
وعلى فكره ماقال لك كدا الا لانه عااارف انو انتي او شاك انو لك صله بالموضوع

تحلي المشكله بمشكله ثانيه ليش

غلط كذا لازم تتعودي تواجهي مشاكلك والاشياء الي ماتبغيها ليش الهروب طيب لما تتزوجي وتتحملي مسؤليه كيف حتحلي مشاكلك

انا على قد مااقدر احاول احل مشاكلي بس اذا عجزت اهرب لشي واحد النووووووووووووووم انام وبرضو دا غلط

بس بحاول وان شاء الله اقدر

يختي روحي وقولي لأهلك حاجه وحده

لاتجبروني عليه وافقت في البدايه عشان ارضيكم

بس لما الاقي في جواله رسايل من بنات ويقولي هذولا اصحابي

مايفسر كلامه غير حاجتين

اما انه يكلم بنات ولاعاب ويكذب عليا

او انه شاذ جنسي

لانو مافي تفسير غير كذا

قولي لهم ابغا اتزوج رجال احس معاه بالامان حتى لو منصبه وراتبه قليل

قوليلهم لو اتزوجته وبهدلني ترى ذنبي برقبتكم

مااعتقد اهلك راح تهمهم فلوسه اكثر من اخلاقه

الله يعينك ويستر عليكي
[/GLOW]
[/GLOW][/COLOR][/SIZE][/FONT]

فين المشكلة يا أختي ؟!

أيش اللي مخوفك ؟!!

مو أنت عملت كل هذا عشان يتركك ؟!!

خلاص خليه يعرف يمكن يحس على دمه و يسيبك في حالك .. و اذا خبر أهلك قولي لهم أنتم اللي غصبتم علي ..

قولي الصدق لجميع الأطراف .. و ما عليك من أحد

و كملي اللي بدأتيه ..

احسن حاجه قولى لاهلك مش عاوزاه المجامله متنفعش فى الجواز لانه لو طلع وحش محدش هيعانى معاه الا انتى وهتندمى انك مقولتيش لاء
قولى لاء واللى يحصل يخصل والشريحه ارميها وخلاص وربنا يستر عليكى ويعملك الخير

لا تلعب بالنار تحرق اصابعك

المهم يالغاليه احسن حل تلجأين لاكبر واعقل شخص في العايله ويكون له راي مسموع وتوضحي رايك له ع اساس يقنع اهلك


والمساله بسيطه بس تاكدي الطريقه اللي اختارتيها علشان تصديه غلط ميه في الميه


ربي يسخر لك امورك توكلي ع الله

حبيبتي الله سعدك كوني صادقه مع الشخص نفسه قوليله انو ماتبينه ونو اطريتي تعملي فيه كدا افضل من انو يشك انك على صله بالي يتصل عليه يعني تعرفين واحد من وراه الصدق افضل طريق ودا كان عادي عنده انك ماتريديه كلمي اهلك واصري انو ماتتزوجينه ادا فعلا ماتبيه نتتظر اخبارك