خطر الخادمات .. سالفة صارت في بيتنا

عضوة 30-01-2009 94 رد 8,114 مشاهدة
ع
السلام عليكم و رحمة الله و بركاته .. (f)

مدخل ..

" اللهم في هذا اليوم الفضيل كما دعوت لنفسي سأدعو لمن فيك أحبهم و أخصهم
بأن ترزقهم بكل خفقة قلب فرجاً
و بكل طرفة عين مخرجاً
و بكل صباح عفواً
و بكل مساء صفواً
و بكل ركعة استقراراً و أمناً
و بكل دعاء استجابة و رزقاً
اللهم آمين ،، "

جمعة مباركة للجميع (f)(f)..

عزيزاتي .. هذي السالفة صارت هاليومين في بيتنا .. انا ساكنة في بيت أهل زوجي و بيوت عمامهم و جدهم كلهم جنب بعض و بينهم ابواب مفتحة .. المهم .. جاية خدامة جديدة اندونسية في بيت واحد من أعماهم .. طلعت استغفر الله اخلاقها مو كويسة و مدخلة رجال في بيتهم استغفر الله العظيم .. و غير كذا حتى السواويق ..:confused: والله يا بنات هذولي داهية
الله يكفينا شرهم .. و اكتشفنا الموضوع من بنت صغيرة إلي تجلس معاها الصبح في البيت ..
لان الام موظفة .. المشكلة الجدة موجودة يعني البيت لازق في البيت بس فيهم جراءة و خبث اعوذ بالله ربي يكفينا الشر .. تخيلوا البنت الصغيرة عمرها حوالي 3 سنوات .. كانت تتكلم و مو فاهمين عليها .. و دايم تجيب طاري سواق بيت عمها !! المهم من كثر ما تكرر الكلام وهم فاهمين .. الام شكت في الموضوع شجاب طاري السواق يعني هي تشوفه و تعرف اسمه لانه يطلعون معاه مرات و هو صاير له حوالي 10 سنوات في بيت عمها .. و لما الام جلست معاها و حاولت تفهم ايش تقول .. طلعت تقول انه الصباح السواق يجي البيت للخدامة بعد ما يودي الاطفال للمدارس .. و هي تكون معاهم و كل شي يصير قدامها تخيلوا يا بنات :confused: حسبي الله و نعم الوكيل .. والله البنت تعقدت بس تصيح جتها حالة نفسيه و هي توها صغيرة بس 3 سنوات !! و شوفوا كيف قلة الحياء و الخبث مدخلته البيت في عز النهار و البيوت لازقة في بعض و مليانة حريم !!! و الادهى و الامر مخلية البنت الصغيرة معاهم !!! :confused: و طبعاً سفروها على طول .. و بعد ما راحت بدوا الخدامات يتكلمون يقولون انه هي قايلة لهم انا كذااا اجي السعودية و اجمع فلوس من هالخرابيط من المعصية والكبائر لا حول ولا قوة إلا بالله تقول اما من ابو البيت او الابناء او السواق و تاخذ فلوس و بعد سنة تنحاش من البيت و تقولهم انا اجمع في الشهر بدال الراتب 600 ريال اجمع دبل او دبلين !! لا حول ولا قوة إلا بالله العلي العظيم .. حسبي الله و نعم الوكيل .. عسى ربي يكفينا شر هالخدامات ..

بنات انتبهووووووووووووا انتبهوووووووووووووا انتبهووووووووووووووووا .. لا تتأمنون لهذه الاشكال ابد ابد ابد .. انتبهوا لعيالكم و ازواجكم .. صحيح كثير بحاجة لهم .. بس ابد لا تأمنينها على بيتك و عيالك .. و لا تحطين كل شي بيدها .. تجيبينها تساعد صح .. بس كل شي لها حدود .. وإلي موظفة تحاول تودي عيالها مع الخدامة في امها او ام زوجها .. لا تخليهم في البيت لوحدها ..

حبيت اقولكم هالقصة عشان تستفيدون و تنتبهون .. والله انا من بعد هالسالفة قلبي معورني ..

انتظر ردودكم حبيباتي ...:15:

و إلي يعجبها الموضوع تضغط على هذا الزر
ا
لاحول ولا قوة الا بالله الله يكفينا شرهم
ع
مشكورة حبيبتي موج البحر على المرور ..
م
حسبي الله ونعم الوكيل والله يكفينا شرهم ويحفظ عيالنا وعيال المسلمين
ع
اللهم آآآآمين .. مشكوورة حبيبتي على مرورك :)
ح
صح كلامج ومشكورة الف شكر على التنبيه والله يخرعون هالخدم خصوصا الاندنوسيات نعقدت منهم
وتوه قبل شوي قاعده اطالع حلقة المحامي خالد عبد الجليل قاعد يتكلم عن خدامة
يايبينها لمنزل احد العوايل الكويتية و لا اهي اشتغلت مدة تقريبا
و اخر شي بعد الفحص اللي من وزارة الصحة اكتشفوا انها مريضة بالايدز !!!!!!
والعايلة الحين عايشة برعب خايفين يقعدون مكان اهيه كانت قاعده فيه
او يحوشهم الفايروس يعني تخيلوا يا جماعه انتوا قاعدين ببيت و تفكرون الف مرة قبل لا تسوون شي
شنو هالحالة !!

يعني استغفر الله سوالف مالها اول ولا تالي من ورا هالخدم
الله يعيننا بس
ع
ايه والله صادقة يا ( حب القلوب ) بلااااااااااوي هالخدامات والله :(
ربي يكفينا شرهم ..

شرفتي حبيبتي ..:) اسعدني مرورك و تعليقك
ا
لاحول ولاقوة الا بالله
شوفي حبوبه خلي الام تجلس مع البنت وتسالها
بكل هدوء وتستفسرمنها اذا السواق سوالها
شي اولمسها لاسمح الله بس بطريق غير مباشر
بالحيله يعني لانهم في بعضهم كلاب
يسون هالحركات قدام البنت اكيد هذول حيوانات
والله اهم شي البنت تكون
بخير لازم الام تهتم فيها زياده
منشان تنسى الي شافته ومايصير عندها حاله نفسيه
ولاتترك البنت لوحدها ابدا"
ونصيحه لوجه الله ياخواتي لاتتركون اطفالكم مع الخدم
اذا كنتي موظفه اتركي عيالك في الحضانه
وطز في الفلوس درهم وقايه خير من قنطار علاج
ياغافلات ماينفع رصيدك بالبنك اذا فلذة كبدك
صارله شي
والله يحمي عيال جميع المسلمين
ااااااااااااااااااااااااامين
ع
صادقة والله يا أم رنون ..والله الام خايفة على البنت حيل خذت اجازة و جالسة في البيت هالكم اسبوع ..
الله يستر بس ..

عسى ربي يحفظ ابناء و بنات المسلمين جميعاً..
ا
حسبيا الله عليها
وربي يشفي بنتكم ياقلبي 3 سنين بس

الله يفكنا من شرهم
&
شو من بشر هاذول

استغفر الله

خلي الام ادير بالها ع بنتهاا واتحاول تفهم منهاا شو كان يصير لان والله حراااااام البنت تكبر وبتم الحالخ النفسيه فيهااا
ع
الاميره توفي;8623123:
حسبيا الله عليها
وربي يشفي بنتكم ياقلبي 3 سنين بس

الله يفكنا من شرهم


آآآآميييييييين يارب .. مشكووورة يا قلبي على المرور و التعليق (f)
ع
♥بنوته زايد UAE♥;8623408:
شو من بشر هاذول

استغفر الله

خلي الام ادير بالها ع بنتهاا واتحاول تفهم منهاا شو كان يصير لان والله حراااااام البنت تكبر وبتم الحالخ النفسيه فيهااا


اييييه ان شاء الله .. انا خايفة من هالشي انها تتعقد إذا كبرت ..:(
مشكووورة يا قلبي على المرور و التعليق ..(f)
ب
حسبي الله ونعم الوكيل
ع
أسعدني مرورك حبيبتي بنت الليث ..
م
لا حول ولا قوة الا بالله
الله يكفينا شرهم ان شاء الله
ا
بصراحة انا رحت اتقزز من سيرة الخدمات واللهي يعينكم
نحن بلادنا مانجيب الا مصريات او مغربيات عشان يخدموننا وهم على الاقل اضمن
ْ
حسبي الله عليها قليله الادب والله انها وصــــخـــه وكلها وقــاحــــــه

"فوق شينه قواة عيــنــه"


انه هي قايلة لهم انا كذااا اجي السعودية و اجمع فلوس من هالخرابيط من المعصية والكبائر


[COLOR="DarkOrchid"]
قاهرتني والله يعني هي بس جــايــه للمعصيــه

الله يكفينــا شرهم[/COLOR]
ا
هلا
انا ماحب اجيب خدامة فى بيتنا
واصلا نحن فى ليبيا مانجيب الا عربيات مسلمات مغربيات اكثر شى نجيبهم عشان يخدومونا او مصريات

اما العمالة المخيفة المقرفة مستحيل نجيبهم
والله يكون فى عونكم
ش
الله يحفظنا من شرهم

الله ييعطيك العافيه ع التنبيه

دمتي بود
X