بدات اكره نفسي ومش عارفه ليه بيحصلي ده؟

السلام عليكم
بصوا يا جماعه انا مش عارفه اقول ايه لاني بجد مخنوقه اوي بس كل اللي عارفاه ان انا محتاجه اتكلم محتاجه افضفض ليكوا وانا عارفه انها مشكله ملهاش حل بس علي الاقل محتاجه كلمه كويسه منكم
انا عندي 23 سنه مشكلتي كلها ان ان حلوه مش عايزاكوا تاخدوا كلامي ده غرور
مشكلتي يا جماعه ان انا جيت اتخطبت لواحد ومش عاوزه اقولكم انها كانت اتعس ايام حياتي الواحد ده من اول يوم خطوبه طلع فيا القطط الفطسانه مش عاوزه اقو لكم انه كان بيعايب علي شكلي بس في صورة ضحك مع اني والله العظيم بجد حلوه ومش عشان انا اللي بتكلم عن نفسي بس بجد انتوا مش عارفين كميه مدح الناس فيا مفيش حد شافني الا وانبهر بيا وعشان كده انا اخدت ثقه جامده في نفسي بس والله العظيم عمري ما اتغريت علي حد ولا عمري حسيست حد اني فرحانه بنفسي بالعكس كنت كل ماسمع مدح اقول انا عاديه واقل من العادي المهم الشخص ده مفيش يوم الا كرهني ف نفسي وف شكلي وطبعا انا مش كامله اكيد فينا عيوب والكمال لله بس تخيلوا لما يقولك كده في وشك مع ان اي بنت في الدنيا بتتمني انها تكون اجمل واحده ف عين شريك حياتها حتي ولو كانت علي قدها وكنت كل ما اعيط واقول مش عاوزاه يقعدوا يهدوا فيا ويقولوا معلش ماكانش قصده ده بيهزر معاكي وكلام من ده

المهم يوم الخطوبه وانا قاعده كان حواليا اصحابي تخيلوا انه اللي كان خطيبي يعجب بواحده من صحباتي وطول الوقت يكلمها ومهتم بيها وهي طبعا ما صدقت ونسوا ان انا العروسه مش هي ومش هنكر ان هي حلوه واحلي مني كمان بس ده مش زنبي انا من حقي في حد اكون ف عنيه حلوه المهم انا ما استحملتش وفكيت الخطوبه لكن بعد ما اهتزت ثقتي بنفسي وحسيت اني مش مرغوبه وكانت الصدمه كبيره جدا لانه كان اول راجل اكلمه ف حياتي

بجد بجد ما بقيتش واثقه ف نفسي خالص والله العظيم مش عاوزه اقول ليكوا ان في بنات كتير ما كانوش بيرضوا يقفوا معايا ولا يمشوا معايا علشان كنت مغطيه عليهم كان كل الشباب عايزين يكلموني انا بس بجد رغم كل ده انا كرهت نفسي جدا واللي زود اللي المشكله بقي عندي ان بقي كل ما يجيلي عريس ويشوفني يرفضني
والله والله ان في ناس كانت هتمووت عليا بس لما بتيجي تتقدملي وتعرف ان انا العروسه ترفضني
مع اني بنت ناس جدا والله وسمعتي كويسه عمري حتي ما كلمت ولد ف الكليه او براها

بس مش عارفه ليه بيحصلي كده ليه انا مش مرغوبه من الطرف الاخر ليه يبقوا عاوزين يكلموني ولما حد يجيبهم البيت عندي ومش عارفين ان انا العروسه ويشوفوني يرفضوني

حد يقوللي ليه ؟انا بجد بعيط علي طول لوحدي من زعلي علي نفسي ووحدتي
والله انا متواضعه جدا مفيش واحده شافتني وقعدت معايا وحبتني الا وجابتلي اخوها قريبها ابنها عريس ليا الا انه مجرد ما يشوفني ما يرضاش بيا ده حتي ما بقعدش معايا يشوف شخصيتي

مفيش مره خرجت الا وتيجي عربيه ماشيه ورايا عشان تعرف بيتي بس بعد كده بتختفي ولا بسمع حد اتقدم مش عارفه ليه الجنس الاخر مش قادر يقدم علي فكره الزواج بيا لدرجة ان كل اهلي واصحابي مستعجبين من حاللي مش مصدقين ان انا ممكن اترفض من حد
علي العلم اصحابي اقل مني جمالا وفي حاجات تانيه بس تلاقي عرسانهم ميتين فيهم وهيموتوا عليهم
كل اللي بيجي يقول عليا حلوة وما يرجعش تاني مش عارفه بجد انتوا مش متخيلين معني ان حد يكون مش مرغوب انا كرهت نفسي وما بقيتش حابه الحياه حاسه اني وحيده بقيت اتمني اني اكون وحشه عشان ابقي محظوظه زيهم ويبقالي حبيب زيهم
ده حتي يا ربي الوحيد اللي كلمته بص لصاحبتي

انا مش عارفه اعمل ايه قلولي يا جماعه انا بقيت كارهه نفسي وشكلي وحالي شكيت ف نفسي بقيت خايفه اي حد يجي البيت عشان عرفه النتيجه
واللي مزعلني اكتر زعل امي عليا وعلي حالي وهي زات نفسها مستغربه من اللي بيحصلي[SIZE="4"]

معلش طولت عليكوا بس انا ما صدقت ولقيت اعضاء زيكوا اتكلم معاهم حتي لو مش هتقولولي حاجه

انا بجد مخنوقه وبفكر اشيل من راسي فكره الارتباط
[/SIZE]