ساعدوني عرسي هذا الاسبوع

أول شي اختي عروس 2003 الف الف الف مبروك الزواج وعساكم تتهنون يا رب

كل اللي يصير لك من الارتباك والتوتر نصيحتي لك ريحي بالك ولا تشيلي هم ترى العروس ماراح يبقى لها من ليلة العمر الا الذكريات الحلوة استرخي في غرفة فيها اضاءة خفيفة وحطي لك موسيقى هادئة ( اذا كنتي تسمعين موسيقى ) وحطي لك شوية زيوت عطرية وحاولي انك تسترخي مرة وتصفين ذهنك أو املي لك البانيو بأملاح أو زيوت عطرية وخففي الاضاءة أو حطي لك شموع واسترخي في موية دافية صدقيني حاولي تخففي من التوتر وانشاءالله راح تعدي الليلة على خير ويصير عرسك من أحلى الأعراس

واذا حسيتي ان العيب من الجزمة غيريها عندك وقت كافي غيرها الى ان تلاقين اللي ترتاحين لها وسوي بروفات كثيرة على زفتك عشان يمر كل شي على خير

بالبركة اختي ولا تخافين انشاءالله بندعي لك

تحياتي لك

ألف مبرووووووووووك يا عروس 2003... و الله يوفقج و يسعدج يا رب

اهم شي لا تفكريين في العرس واااايد..و ارتاحي هاليوميين و لا تطلعيين من البيت علشان ما تتعرضيين للشمس و خلي اعصابج دايما رايقه ..

و البسي نعال العرس و حطي الزفة و انتي في الحجرة و ادربي ..
و في العرس مووووووووول لا تطالعين الناس خلي بالج بس على المسكة و خلييج مبتسمه على طوووول..










هيه صح نسيت ما اقولج كثري من شرب عصير الفراولة هاليوميين .. لانه يورد الخدود و مفيد للعرايس:up:

مشكورين تسلمون على النصايح

الله يكون بعوني يا رب انا بس اللي ابغيه انه اوصل للكوشه وايلس على الكرسي هذا اللي شاغل بالي يا رب اتوفق يا رب ...........:confused:

ادعولي بليز يقولون الدعوه عن ظهر غيب مستجابه ادعولي الله يخليكم

الله يوفقج ياربي وانشوووفج ملكه في عرسج والله يرزقج بكل اللي فيه الخير اللهم امين وانا بعد عرسي مابقى عليه الا 20 يوووم ونفس الاحساس والله

في علم النفس هذا يسمونه (الرهاب الجماعي) يعني تخافين تمشين بوسط الجماعه اذا كانت العين عليك!!
يعني مرض نفسي اختي ولاتزعلين مني الله يخليك
بس المفروض انك تتغلبين عليه بثقتك بنفسك ولا يهمك احد ابدا كل وحده من الي يناظرونك لوكانت بمكانك وانتي الي تناظرينها ماراح تهمينها بشي ليش عاد انتي يهمونك؟؟!!
..............
لوتشوفين العرايس الثانيات يطالعون بعين قويه ويأشرون لصاحباتهم بعد
مافيهاشي
الليله ليلتك عيشيها ولاتخلين الخجل والخوف يفسدها
اتمنالك التوفيق

مشكوره يا فاطمه ومشكوره يا WESTAR

يمكن يكون مرض نفسي ليش لا (u)

على العموم مشكورين والله يوفق الجميع ان شاء الله دعواتكم الطيبه بليز

هلا عرووس 2003 الف الف مبرووك الغاليه
شوفي لاتقولين كل همي اوصل الكوشه واقعد لانج لاشعوريا بتروحيلها ركظ وبيقولون عاد الناس عقب شفيها اتراكظ!!!
شوفي خليييج رااايقه على الاخر وقبل لاتطلعين الصاله اقري على عمرج المعوذات وسمي بالرحمن واتوكلي... وفي الصاله خلي خواتج وخالاتج ومجموعه من بنات العيله يتفرقون حول الاستيج(تحت) الي بتمشين عليه عشان كل ماتفترين اتلاقين حد من هلج وتتطمنين والمشي يكون انج اتجوتين الفستان من داخل بحركه ماتبين على جدام عشان مايتجمع الفستان كله تحت ريولج وتتخرطفين:D
ومبرووووووووووووووووووووووووووك;)

مبوووووووك

اي اختي اهم شي الثقه بالنفس ترى تسوي شغل موووو طبيعي
قولي انا حلوه
الكل يطالعني ويقول ماشالله شحلاتها
ويابخت ريلها فيها
:)

مرحبا عروس ا2003

بقولك على وحده نفس حالتك .......بعد هي يمكن اسؤء .....
اساسا البنت تستحي مرررررررره من قبل لا تتزوج حتى مرات اذافي المجلس حريم واهي تكون قد شافتهم من قبل من فتره طويله تستحي تسلم عليهم وترتبك ..........الخ
وكانت مثلك شايله هم يوم عرسها شلون بتنزف وبرضوا الفستان كان ثقيييييييييل مره...
المهم البنت راحت لمكان العرس وصارت تتدرب تلبس فستانها وجزمتها وتشغل الزفه وتنزل مع الدرج واهي تشوت الفستان ......اي تشوته علشانه ثقيل وما يتجمع تحت رجليها طبعا الشوته مو كانك بتسجلين قول ....لا لكن تشوتيني لقدام مع كل خطوه .... وتقول قالت لي امي تخيلي الناس وانتي تتدربين ولا يهمك قولي بقلبك بصوت داخلي او مسموع انا واثقه وحلوه .....وخلي العباره قويه وهي تطلع منك يعني استشعري هالعباره وكرريها باصرار تقوليها جربي وبتشوفين في اول المرات بتقولين ماحسيت بشي لكن من كثر التجريب وانتي تقولينها بقناعه و تستشعرين الكلمه تضبط معاك ........جربيها في البروفه الاولى لما تضبطين البروفه وتحسين انك تعرفين تمشين بالفستان .....
وبعدين صارت البنت فعلا الخوف اللي فيها خف واااجد ....
وتقول بعدها صرت اسوي بروفه مرتين وثلاث واضبط سرعتي في المشي على الزفه علشان مو تخلص وانا لسه امشي ماوصلت او العكس تقول صرت اعد في درجه اوقف عليها من 1 الى 10 لما تاكدت ان وقت الزفه على نفس وقت مشيتها .......
وتقول يوم العرس (انا شايفتها ) تنزل بكل ثقه وابتسامه صايره البنت فيها جاذبيه تجنن ......تقول (تسولف علينا ) قبل لا ينفتح الستار سميت بالله وكررت العباره انا واثقه وحلوه وتطلع مني بكل قوتها واحساسها وبعدين لما انفتح الستار الناس صايرين ظلام مااشوفهم ابد بس النور كان علي انا ......فارتحت كثيير خلاص مااشوف الناس .....ونزلت ومثل ماقالت في كل درجه او خطوه اعد من 1 الى 10 بعدين اكمل ......
صديقني انتي لا تشلين هم وبتلافين ان امرك بيتيسر مررررررره وحطي ببالك انك بتنزفين بكل ثقه وانتي صايره ملكه جمال وان ثقتك معطيتك جاذبيه تجنن وبتنزفين وانتي ملكه هالكون كله واتركي التفكيرات اللي تعكر مزاجك على طول قاطعي افكارك اللي مو كويسه وتخيلي وعيشي الخيال وانتي مغمضه عيونك بالشكل اللي انتي تحبينه يوم عرسك واستشعري الاحساس بقوه وثقه ...........

صدقيني بصير كل اللي خططتي له بس انتي اتكلي على الله ........
طولت عليك بس صدقيني بيفيدك بيفيدك بيفيدك ............:)

اشكركم من قلبي والله

مشكوره (يا احب الكل) الصراحه بجرب اللي قلتيه وان شاء الله اتوفق يا رب

الله يسعدكم يا رب ويوفقكم مشكوررررررررررررررررريييين

هلا عزيزتي عروس 2003 نفس التجربة اللي مريت فيها وقبل العرس بيوم


سرت وبدلت النعال بس ما سويت بروفة عشان ما يتبهدل الفستان بس


اهم شيء انج من اول ما تطلعين تكونين مبتسمة وتمشين شوي شوي


لأن الناس عابوا عليه اني كنت مستعيلة والبعض ما شافني عدل وحرام


هالخسايروالفلوس وآخر شيء ما تكونين مبينه وبعدين حاولي انج تتلفتين


يمين ويسار وتوقفين كل شوي ولا تخلين خواتج يمشون وياج لأنهم بيغطون


عليج انا مشيت بروحي بس اهم شيء حد يكون موجود على اليمين ويسار


الدرج مال الستيج عشان يساعدج تطلعين ولا تفكرين وايد في الموضوع


فكري انه كل شيء بيكون مرتب وحلو واكثري من الأدعية والقرآن وان


شاء الله بتطلعين احلى عروس :smile:

الغاليه قبل لدشين القاعه خذي نفس عميق 3 مراااااااااااااات وبهدؤ.. واقري المعوذات..

واتذكري ان هاليوم كل العين بتكون عليج.. وانتي ملكة الحفل.. وبتكونين مرتبكه بس اتذكري ان هذا اليوم يومج وما بتسمحين لاي حد انه يعلق عليج او يقول عنج اي شي.. وخاصة حفلة عرس والحريم والقيل والقال والاعداء والي يغارون بيدورون سبب تافه او شي تافه عشان يعلقون عليج..

خليج وااااااااااثقه من نفسج.. والعروس ف يوم عرسها تطلع جميله وحلوه و 7 ملائكه ينزلون عليها يحمونها.. فبتشوفين شكل العروس يا سبحان الله غير غير ملكه ولا كل الملكات.. يعني انتي بتكونين ملكه في هذا اليوم.. فلا تشكين في عمرج..

واذا حسيتي انج مول مب قادره.. خلي خواتج او اقرب الناس لج يمشون وراج بعدة مسافات قليله و2 على طرفج عشان يشلون الطرحه اذا كانت طويله ويساعدونج توصلين للكوشه.. يعني لا تحاتين الي تعرفينهم يمشون وياج وحواليج واذا شافو انج محتاجه مساعده بساعدونج.. وصيي الي بيمشون معاج انهم يركزون عليج وايد..

توكلي على الله.. واذكري الله..

واقولج آخر شي بالبركه عليج والله يجعلها ليله مباركه وسعيده يا رب..

وتسلمين :smile:

خوفتوني.. الله يعين..
انا بعدني بدري شوي عليه..بس خايفه من الحين.. الله يستر.. عاد انا تيني رجفه.. واتم اررتجف..

عروس 2003 مبرووووووووووك حبيبتي.. وخبرينا خلاف شو سويتي.. اوكي؟

بليز دعواتكم ها اليومين الله يعطيني الثقه ها اليوم يا رب اتوفق يا رب يا رب الله يحفظني لين ما اوصل ان شاء الله ما اتخرطف واطيح :confused:
ساعدني يا رب بليز بنات دعواتكم اكون احلى عروس بليز دعواتكم يا اللي تقرون موضوعي الحين ادعو الحين عن تنسون بليز دعوة الاخ عن ظهر غيب مستجابه :confused:

اشكركم من كل قلبي

الف الف مبروك ...


اذكري الله طول الوقت ....


وتطوفين ولا صلاة اهم شيء العشاء....



واذا ماتقدرين تمشين رفسى البدلة من تحت وامشى شوي شوي



والله يوفقج

هلا أختي انشالله صدق بتكونين عروس 2003 وبتشوفين بعد… المهم بقولج شغلة مهمة وانا مشيت عليها.. وانتي طالعة جدام الناس.. حطي في حلجج لبانه.. لا تضحكين هيه حطي لبانه تراها وايد بتفيدج ومابترتبكين.. بس لا تمين تتمضغينها لا بس خليها في حلجج.. أهون من ماشي.. وبعدين بعد عرسي طبقتها ربيعتي ومشت والحمدلله.. وبعدين قالتلي صدقج والله!!:up:

المهم وسالفة المشي امشي 3 – 4 خطوات ووقفي وصدي مرة يمين ومرة يسار.. وهاجذة.. وبتشوفين عقب العرس ولا جنه شي وبتقولين أنا ليش كنت خايفة ومادري شو.. ومن توصلين الكوشة أصلا بيكون ولا جنه شي استوى.. وهذا اليوم بالذات بيمر علييييييييييج كأنه ثواني ومثل الحلم .. وبتقولين شو استوى .. وتذكرينا أنزين ههههههههههه:D2

ولا تضيعين كل فرصة لأنها موليه مابتتعوض..والله يوفقج:up:



وأحلى شيييييييههههههههههههههه

نصيحتي خلش عادية ولا كأنك عروس حالش حال غيرش بعدين الي يمشي واثق من خطواتة كأنة ملك طيب



ميساء