عرايس ساعدوني بليييز - منتديات عروس

ا

العروس الدماني

عروس نشيطة

29-01-2009 | 07:34 PM

السلام عليكم يا عرايس .. كيف الحال ان شاء الله انكن بخير يارب ..

انا عندي مشششششششششششششكله :confused: ..

انا اول حمل لي سمنت كثير .. وبعد ماولدت شكثر سويت دايت ومشيت بس مو وايد :tongue:

ولبست مشد ماشي فايده عندي الكرش مثل ماهو :(

والحمدالله الله راد وحملت مره ثانيه بس وزني وايد وايد لدرجه لاتصدق وخايفه اني اسمن اكثر

شو الحل ساعدوني لأني وربي اعاني ساعدوني وانا حامل بالشهر الأول الحين وابي طريقه صحيه لحملي ويساعدني اني ما اسمن :confused:

اتريا ردكم يا عرايس الله يزيكم خير

B

Burberry Girl

عروس مبدعة

29-01-2009 | 07:37 PM

ان شاء الله البنات يساعدونج.......... ما عندي فكرة =)

L

Lady_bird18

عروس متألقة

30-01-2009 | 12:18 AM

هو طبيعي انه وزنج بيزيد اثناء الحمل ... قصدي وزن البيبي طبعا ... اهم شي انج تاكلين اكل صحي تكثرين من الخضروات والفواكه وما تاكلين اكل فيه واااايد دسم...وانا افضل انج تشترين المنتجات اللي قليلة الدسم او منزوعة الدسم.. لانه الجسم يحتاج نسبة بسيطة من الدهون خلال اليوم.. وممكن تمارسين الرياضة البسيطة.. بس استشيري دكتورتج قبل... وممكن تسيرين عند اخصائية تغذية وتسويلج نظام غذائي لفترة الحمل وعقبها بعد...
لانه الاخصائية بتسويلج نظام متوازن فيه كل المعادن والفيتامينات اللي تحتاجينها.. وبتحددلج كم عدد السعرات الحرارية اللي تحتاجينها.. بناء على وزنج وفي اي شهر جامل..
وطبعا عقب الولادة خليج على نظام صحي ... ومارسي الرياضة بشكل دايم .. انا افضل انج تسجلين في نادي رياضي ويا حبذا لو تاخذين حد وياج يحب الرياضة وبيشجعج على عدم التكاسل ...

ا

العروس الدماني

عروس نشيطة

30-01-2009 | 12:28 AM

ا سعدني مرورج حبوبه Burberry Girl

ا

العروس الدماني

عروس نشيطة

30-01-2009 | 12:30 AM

Lady_bird18 تسلمين الغلا ع النصائح الحلوه وان شاء الله بسوي الي قلتي لي عليه

وان شاء الله يمر حملي بيسر ويسر عليه ولادتي يارب

n

nana25

عروس مشاركة

01-02-2009 | 02:03 AM

الله يهون عليك ويقومك بالسلامه

وانا نفس مشكلتك .. لكن انا لسه ماحملت .. ودي بس خايفه من المتن الزياده .. وزني 92 ولو حملت باصير كم ؟؟

وش تنصحوني فيه .. النحف والا الحمل .. وانحف بعد مااولد ان شاء الله ...

اتمنى تنصحوني .. مع العلم ان بنتي صايرة سنتين و8 اشهر ...

تحياتي للجميع ..

ا

العروس الدماني

عروس نشيطة

01-02-2009 | 03:09 AM

يا بنات اوزانكم ولا شي بالنسبه لوزني .. وزني بعدت ماولدت وصل 127 وبعدين شوي شوي مع الريجيم الي اتبعته نزلت الحين وزني 122 ولدي كمل سنه ماشاء الله عليه .. والله راد وحملت مره ثانيه .. بس اعاني من وزني شكثر راح يصير مع الحمل :( .. وربي خايفه موت ماتتوقعون شقد خايفه .. الي مرت بهالتجربه ترد عليه لانه نفسيتي تعبانه وايد وكله ابكي ع الواقع الي انا فيه .. بس ماقول غير الحمدالله ومن بعد الله خبراتكن يا عرايس الله ينول لكن الي فبالكن يارب ..

L

Lady_bird18

عروس متألقة

01-02-2009 | 02:56 PM

حبيبتي اهم شي احينة صحتج وصحة البيبي... وانا لي ربيعة مثل حالتج حملت ورا بعض بس يا حليلها .. 4 مش 2 ... وصدق يا حليلها واااايد متنت وكانت واااايد متضايجة من وزنها وجسمها... بس بعد الولادة على طوووووووووووول سجلت في الجم وسارت عند اخصائية تغذية ومشت عالنظام الغذائي وكانت تمارس الرياضة 5 مرات في الاسبوع.. احيانا ساعتين في اليوم .. واحيانا حتى ساعة... وخف وزنها..لين آخر مرة كلمتها كانت خافة 15 كيلو خلال تقريبا 3 شهور وشوي.. طبعا بعدها ماوصلت للوزن اللي تباه.. بس هيه يالسة تشتغل عالموضوع... وهيه ناوية ان شاء الله ما تترك الرياضة حتى لو وصلت الوزن اللي تباه.. وبتحاول تتجنب الاكل اللي مامنه فايدة... تقول توووووووووووبة ارد متينة مثل قبل ... على فكرة كانت هيه امتن منج ... فانا حبيت اقولج قصتها عشان تتفائلين..والمثل الاجنبي يقولNO PAIN..NO GAIN ...
انتي قلتي :انا اول حمل لي سمنت كثير .. وبعد ماولدت شكثر سويت دايت ومشيت بس مو وايد :tongue:
يعني تعترفين انج ما بذلتي جهدج عسب تخسرين الوزن... المهم اللي استوى استوى.. واتمنى تتعلمين درس من هالشي... ولااااااااااا تهملين نفسج... لازم تضعفين حق نفسج ولصحتج ولعيالج.. ولازم تخصصين كل يوم وقت عسب تمارسين الرياضة... ولا تحسين بالذنب انج خصصتي هالوقت لنفسج.. ترى ساعة لنفسج ما بتضر عيالج ولا بتخليج ام سيئة.. بالعكس انتي تسوين خير لنفسج ولعيالج...
يالله شدي حيلج ... واتمنى اسمع اخبار حلوة... واهم شي لا تكسلين او تأجلين ...