ارسل ولاماااااااااااارسل..؟؟

ملاكك 29-01-2009 31 رد 1,176 مشاهدة
م
مرحبا حبيبااتي

حبيت استشيركم انا ملكت صارلي اسبوعين تقريبآ وهو قالي بتصل عليك بيوم الملكه

قبل لاايطلع قلت له ان شاءالله :D

المهم اسبوع ماصار شي وبعد اسبوع دق على البيت وسلم على امي وطلبني

كلمته ماطولنا بس شلونكم شخباركم ان شاءالله مبسوطه وقالي اخذي رقمي

من الكااشف قلت طيب:D

والكاشف اصلا كان خربان بس قلت له طيب :D


وسكرنا ورجع دق بعد دقايق وقالي عطيني رقمك وعطيته :)

واليوم الثاني ارسلي مسج بس اللي عندي قالوا اثقلي ولاترسلين له :ss:


كان يوم الاحد وسمعت كلامهم وماارسلت وراح الاثنين والثلاثاء والاربعاء اليوم وماجائني منه خبر:o

ماادري انا اقول موكل الشباب مثل بعض يمكن كان يبي مني تشجيع وارسله والله مدري:eek:

المهم صراحه ميته ارسله والله بس اقول يمكن مايرد علي :D

عااد قلت ابي شؤركم اصبر ولاارسل :D
*
ليش ما رسلتين له حبيبتي

خلاص اهوه صار زوجك عادي بادليه بنفس الشعوووور

انا لو مكانك رسلت له مسج خفيف يعني تعبرين عن مشاعرج بس خفيف مثل ما قلت

يمكن هوو حس بحراج انج حقرتيه او شيي

او يمكن عنده ظرووف


انا هذا رايي وان شاء الله البنات بعد يفيدوونجج
&
عادي حبيبتي ارسلي له

بس ثقلي في نفس الوقت

يعني اذا مارد عليك خلاص لاترسلين لين هو يرسل لك

ربي يوفقك وياه ان شاء الله

ويهنيكم
م
الله يجزائكم حبيبات قلبي كل خير ياارب
م
ملاكك;8606550:


واليوم الثاني ارسلي مسج بس اللي عندي قالوا اثقلي ولاترسلين له :ss:


اذا بتعطي أذنك لقيل و قال اللي حواليك .. بيخربوا حياتك

هذا زوجك حلالك .. حاوطيه باهتمامك و رعايتك بس بدون ما تخنقيه .. لكن لا تصديه عنك هذا خطأ فادح .. تذكري أن الأفعال التي تصدر منك أو منه في بداية الزواج تظل عالقة في الذاكرة

برأيي معظم العلاقات خارج اطار الزواج و التي يتهم الرجال أنهم سبب فيها .. ناشئة عن اهمال الزوجات و من النصايح البايخة من نوع احقريه و طنشيه و كرامتك و بقية الشلة ..

بارك الله لك و بارك عليك و جمع بينكما في خير ..
م
الله يوفقك ياقلبي يامريم ومعاك حق يعني ارسله بكره ان شاءالله:D
ا
انتى غلطانه بجد........
اعرفى انه لو وصله اللى عملتيه ده احساس انك بتتقلى عليه
هتتعبى قوى لانهم فى النقطه دى رد الفعل مش هيبقى كويس خالص ........
وحانا عطوفين اكتر يعنى بنكلم نفسنا فى الاخر زى دلوقتى كده بتكلمى نفسك اهو :D

لا ياجميله ده جوزك كنتى بعتيله مسج واطمنتى عليه او حتى مسج جاهزه رقيقه ..........
ا
حبيتي انا اشوف ترسليله الحين
بس شوفي حبيتي يعني مو كل يوم اثقلي شوي وتغلي عليه
بس اكيد من حقه يجيله من عندج مسج لان صار زوجج
ولا تسمعين دائما للكلام الي حولك لانهم مرات من حبهم لانا ما ينطونا القرار او الرئيي الصح
والله يوفقج ياااارب
تقبلي مروري عزيزتي ...........
م
ياحبيبات قلبي انتم طمنتوني لااني ابي ارسل والله:)


بس ماادري موالوقت متاخر يعني مدري اخليها بكره ؟؟
&
الحين الوقت متأخر خليها بكره

ولا عقب بكره طرشيله مسج يوم الجمعه ^_^

موفقه يارب
g
ارسلي له .. توكلي على الله

موفقة :)
Z
طبعا.. أكيد ترسلي له ياحلوة..
وبكرة الصباح ارسلي.. لا تنتظري ورى بكرة
وهو اكيييييييييد جالس ينتظر رسالة منك رد على رسالته
المفروض ماتطولي عليه في الارسال..علشان ما يمل
أكيد يبي تفاعل منك ..:)
b
حبيبتي هذا صار زوجك وحلالك ليش كل هذا التردد؟
ت
غلطانه طبعا لازم ترسليله دا جوزك وكمان الحب والمشاعر هتيجى ازاى مش لازم يكون فى ود متبادل
m
اختي ارسليله اليوم ولا تطولي اكثر من كذا هو يبي يلقى تجاوب منك :)

موفقة
ا
المووضع جدا بسيط حتى ما يحتاج سؤال

ارسلي له وين المشكلة!!!!!!!!!
e

ارسللييييي ..حبيييبتي اللي عملتيه مش حلو .. طنشتيه .. :s

غريب امرنا نحن الحريم.. ما يعجبنا شيء.. اذا اتصلوا طنشنا.. اذا ما اتصلوا اشتكينا..

واذا سألج ليش ما رديتي عليه شو بتقولين له؟؟ اللي حوالي قالوا لي اثقل؟؟

اذا اتصال ممكن تقولين استحي.. لكن مسج .. عااادي..

بالعكس الرياييل يزعلون من هالحركه ..

هو سوا اللي عليه .. والحين دورك ..

الله يتمم لكم على خير والف مبروك ..

وترا هالايام احلى ايام .. عيشيها وما عليج من حد .. ونصيحه عشان ما تتعبين .. مو كل شيء يصير تخبرين اللي حواليكِ عنه ..

والله يوفقكم .......
ف
لا تسمعين كلام أحد ،، انتي اللي تكلمينه و انتي اللي ادرى بشخصيته,, ودام انه اتصل مره ثانيه وطلب الرقم معناته هو مشتاق لج ،، و لمكالماتج ،، لا تحرمينه ،، حسسيسه بوجودج ،، و ان فعلا حياته بتتغير بعد زواجكم ،، عشان ترتاحين لا تقولين حق اي حد عن اتصالاتكم و مسجاتكم ،، مو انتي بنت محترمة و سنعة وعاقلة وتعرف شتسوي ؟؟
بس بالتدرييج ،
ب
مادري يمكن نصيحتي لج بتكون متأخرهـ وانتي خلاص طرشتي مسج حق خطيبج :wink::D

بس انتي كل يومين مثلا طرشي مسج ،، مرهـ عن صباح الخير ومرهـ عن مساء الخير ومن هالسوالف يعني ،،

واللهـ يسخرهـ لج يارب :)
.
مريــم نور;8606982:
اذا بتعطي أذنك لقيل و قال اللي حواليك .. بيخربوا حياتك

هذا زوجك حلالك .. حاوطيه باهتمامك و رعايتك بس بدون ما تخنقيه .. لكن لا تصديه عنك هذا خطأ فادح .. تذكري أن الأفعال التي تصدر منك أو منه في بداية الزواج تظل عالقة في الذاكرة

برأيي معظم العلاقات خارج اطار الزواج و التي يتهم الرجال أنهم سبب فيها .. ناشئة عن اهمال الزوجات و من النصايح البايخة من نوع احقريه و طنشيه و كرامتك و بقية الشلة ..

بارك الله لك و بارك عليك و جمع بينكما في خير ..



(y)(y)(y)

واحب اضيف انه زوجج والمفروض يكون كلمته هي الأهم لأنه ولي امرج الحين وله الحق عليج و لا تثقلي دام انه يبا يكلمج
X