شنو التعامل الصحيح مع الملقوفات و اللي يجرحون؟

مرحبا بنات


طبعا انتو عارفين ان الواحد مجرد يكون عنده نقص معين الناس ماتخليه في حاله ابدن , و دائما غمزة و ضحكة تخليك تحس غصبن عنك انك غير عن كل البشر



يعني لما تكوني متخرجة و ماحصلتي شغل مافي سواليف يسولوفون لك فيها الا عن الشغل و عن التخرج و فلانة حصلت شغلة و فلانة ماحصلت و كل يوم يسألونك ماحصلتي شغل؟


و لما تكوني مخطوبة و لسى ما تزوجتي كل يوم يسألونك ها متى بتعرسي؟














الناس أسألتها ما تخلص



و مع هذا موضوع الحمل شي احسه غير عن باقي المواضيع و حساس جدا جدا ً ....



يعني تخيلوا يا جماعة عقب اسبوعين من عرسي يسألوني ربعي ها للحين ماحملتي ؟ :eek:
اقول لهم لسى يعني توه الناس يقولون هااا ليمتى بعد ؟




و عقب ما مر شهر الكل يسأل ها ماكو شي جاي بالطريق <<<عاد هاي السؤال اللي يجيب لي قهر و غلة



لا و عقب ما مر شهرين يسألون حملتي ؟ منج و الا من الله ؟
يعني شنو مني لو من الله ؟ ؟ استغفر الله استغفر الله !!!!!!!!!!!





يعني اني كملت ست شهور و للحين ما صار حمل و الحمد لله ابدن مو معترضة لاني مقتنعة
و واثقة ان الله سبحانه هو الحكيم و هو الاخبر



و رغم هالمدة اللي اشوفها طبيعية جدا جدا .. بس المواقف افففف ما تخلص !



يعني من اقول راسي يألمني او بطني على طول قالوا اكيد حامل !

و كل مرة ما قالوا فلانة حامل و علانة تبي تحمل ..


و كل حركة اسويها قالوا لي هي الحركة تسبب في تأخير الحمل ..


يعني كنهم راصدين كل تحركاتي





يعني الواحد مهما حاول يتظاهر انه مو متضايق من تصرفاتهم ما يقدر



لانهم من يشوفوني على طول يسألوني ها للحين ؟؟ يعني بشكل يومي هاي السؤال





اني مرة قالت حقي وحدة ها حملتين ؟ قلت لها لا .. الله للحين ما كتب ..

قامت تضحك تقول هههه اني حملت عقب في اول سبوع زواج و جبت ولد يعني احسن منج
رديت عليها قلت لها رب عطاج ترى ياحذ منج ... بس حسيت الرد قاسي كان عليها !





مدري شلون اتعامل مع الاشكال الملاقيف هذي ...




يعني هل اكون صريحة وياهم و اقول لهم يا اوادم تراكم جبتوا لي لوعة من هاي السؤال ؟


لو ارد عليهم بهدوء؟؟


لو اسوي روحي مو متضايقة حتى ما يعتبرون هاي نقطة ضعف بالنسبة لي :ss:









شورتكم ...