أبي المتزوجات يحللون معاي شخصية هالرجال!!!

CENTER]السلام عليكم ورحمة الله وبركاته

شلونكم ؟ عساكم بخير؟
سلمكم الله ، اليوم سمعت سالفة عن رجال ، كان متزوج وطلق زوجتة ، وبعدين عقد قرانه على بنت ما سبق لها الزواج ، وفي فترة الملكة كان يبدي إعجابه بإحدى الموظفات وكان يتقرب لها كثير ويحاول انه يكلمها بس هي ما تعطيه وجه ، وهو ما يأس منها ولا صد عنها الا بالعكس ينتهز الفرص اللي عشان يبين فيها اعجابة واحترامة لها ، وظلت البنت على موقفها وتتعامل معاه بحدود ، وبعدين تتفاجأ البنت أنه موزع بطاقات عرسه على كل الموظفات وهي من ظمنهم ويلزم عليها إنها تحضر العرس وتسلم على امه ، يقولون ان هالبنت حضرت العرس عادي وسلمت على امه ، وبعد ما رجع من اجازة الزواج ، رجع مثل قبل ، يعني ما تغير بعد العرس واللي نعرفه ان الرجال من فترة الخطوبة واول ايام الزواج يكون ميت على زوجتة ، المهم البنت هذي تمت ما تعطيه وجه ابد بس بحدود تتعامل معاه بحكم الشغل اللي يربطهم ببعض ، وتخيلوا حتى لو يسافر كان يتصل بها ويطرش مسجات خاصة بالمناسبات كالاعياد ورمضان ، وبعدين هالرجال جاه ولد على ما اعتقد او بنت ما اتذكر ، وصار يرسل صور ولده او بنته حق هالموظفة بين الوقت والثاني عالجوال ، ولمح لها انه وده بالزواج بها بطريقة ما بس ما اعرف شلون كيف ، اللي قالت السالفة تقول نسيت >>> هههههههههه
المهم الموظفة هذي ما عطته وجه ابد ، وخلت علاقته بها عادية جدا ، كزميل وأخو لها ، والتعامل معاه بحدود ، تخيلوا أن كل اللي كتبته صار له سنتين يعني هالرجال يحاول في الموظفة ويبين إعجابة بها ويلمح لها بالزواج ويتمنى إنها تكلمه.......بس بعدين اسمعوا إن هالرجال راح يتزوج من موظفة ثانية بس في قسم ثاني ، يعني ماله احتكاك بها مثل الموظفة اللي كان يحاول بها من سنتين ، وبعد ما واجهته إحدى الموظفات وسألته عن زواجه قال إشاعة ومب صح .
على فكرة هالرجال عمره بين ال30 وال35 .
سؤال يا متزوجات ووش تفسير تصرفات هالرجال ؟؟؟ يعني معقولة فيه رجال يكون متزوج ويتعلق قلبه بوحده لمدة سنتين وبعدين يطلع كلام انه بيتزوج وحده ويقول انها اشاعة ؟؟
يا ترى هل من الممكن ان قصة زواجة تكون مجرد إشاعة ولو ان مافيه دخان من غير نار ؟؟؟

لو كان هالرجال راعي بنات وووش اللي يجبره انه يتعلق بوحده لمدة سنتين ويسوي جميع الطرق عشان يخليها تكلمه وبعدين يطلع كلام انه بيتزوج من موظفة ثانية مب نفس اللي يحاول فيها لمدة سنتين؟؟؟
ولو انه صحيح بيتزوج مب كان من باب اولى انه يتزوج اللي يحاول فيها من سنتين ويطلبها رسمي من اهلها ؟؟؟

اتمنى اللي عندها خبرة من المتزوجات ترد في موضوعي وتخلي الكل يستفيد

وشاكرة لكم مقدما[/CENTER]