زيت الثوم للشعر عمايل ايديه وحياة عينيه

اهلين ياحلوين كيفكم مثل ما عودتكم اجيب لكم اشياء من تجاربي الشخصيه وابحاثي المتواضعه لكل ما يهم الشعر والبشره

اليوم جايبتلكم اخر ما توصلت له وهو زيت الثوم بعد ما قريت وسمعت عن فوائد الثوم للشعر

ولاكن المشكله كانت في الريحه

فحبيت اعمل تجارب الين وصلت لهاذى النتيجه وهى التخلص من ريجة الثوم بنسبة 70 %

والباقي يزول عند غسيل الشعر فتتمتعين بفوائد الثوم الرهيبه بدون رائحه بأذن الله

نجى الحين للوصفه تاخذين اربع فصوص ثوم على حسب حجم حبات الثوم اللى عندك

وتنقعينها بقشرها في ماء مضافله قطرات من خل التفاح وتتركينها من ساعه الى اربع ساعات بعد كذا تاخذين الثوم وتقشرينه وتهرسينه بأى طريقه تحبين

وتحطينه في قاروره قزاز نظيفه وتظيفين عليه كاس ونص زيت زيتون او جوز هند

وتظيفين عليه ملعقه كبيره بن تركى مطحون وهذا من ألأشياء المجربه في التخلص من الريحه

بعد كذا تظيفين عليه قبظه يد من زهو الخزامى اللى هى اللافندر المجففه او يمكن بدالها قطرات من زيت الخزامى وقطرات من زيت اكليل الجبل وهذا اختياري على راحتك

زيت الخزامى راح يعطر الزيت وزيت اكليل الجبل كمان معطر ومنشط لفروة الراس

وتقفلين عليه القاروره وتتركينها اقل شي 24 ساعه او اكثر مثل ماتحبين

وبعد كذا تصفينها وتحطينها في قاروره ثانيه وتتمتعين بفوائد زيت الثوم وتكونين تخلصتى من معظم الريحه المزعجه

ونصيحه منى ممكن تخلطين ملعقه من هاذا الزيت مع الزبادى او الما يونيز وتستخدمينه كما سك للشعر

وبعد ألأستحمام راح تتخلصين من باقي الريحه وماراح تلصق في الشعر وتسبب لك ألأحراج

اتمنى انكم تجربونها وتخبرونى عن مدى رضاكم عنها بكل امانه

تحياتى لكم واتمنى من الله ان تكون في ميزان حسنات امى عليها رحمة الله