بلله عليكم ساعدوني يللي عارفين حكايتي

اذا سافرت مع زوجي بعد زواجي للعمل في الخارج وستكون بنتي معي هل تسقط عن امي الحضانه لسماحها لي باخذها معي علما بان طليقي لم يسأل عن ابنتي حتي الان
واذا سقطت الحضانه وعدت انا لبلدي هل يحق لامي المطالبه بالحضانه مره اخري
يعني ربي يعلم انا بجد منخوقه ازاي انا لسه 25 سنه واطلقت وانا 23 انا راضيه بنصيبي بس اي شرع في الدنيا يحكم انه هو يتجوز ويعيش حياته وانا اظل وحيده لان بنتي لو انا اتجوزت تتاخد مني طيب يعني المفروض اظل وحيده عارفه ان بنتي حتكون في حضني بس اكيد راح تكبر وتتركني في يوم وحبقي لوحدي لاني شفت القصه دي مع ام رفيقتي لما بنتها اتجوزت صارت لوحدها
وانا لسه برضه صغيره ومن حقي في انسان يحبني و يحافظ عليا
وكل اللي اتقدموا لي قبل كده
واحد ارمل ومعاه 3 اولاد كبار وانا ما راح اقدر اتحمل مسؤليه اربع اطفال واكيد راح انجب منه يصبحم 5 اطفال والثاني متجوز وعمره 48 سنه وعاوز واحده تحسسه انه صغير اما الاخير مطلق وطبعا قال في طليقته البدع وانا مضمنش ان كان صادق ولا لأ
دي حتكون جوازتي الثانيه وصعب اطالب بالطلاق فيها تاني لو طلع الانسان ده وحش وقتها حكون ظلمت بنتي مع رجل غريب عنها يعني كانت اتظلمت مع ابوها اولي
مش عايزه بنتي في يوم تكرهني او تلومني لاني ضيعتها من ايدي
اما الاخ المتقدم لي حاليا انا اعرف اهله كويس جدا وهو كان متزوج من اجنبيه ولظروف اختلاف العادات طلقها بس هو بيشتغل في الخارج ووممكن في يوم اسافر له هناك وممكن لأ حسب الظروف
اسفه طولت بس مخنوقه جدا من الوضع الي انا فيه واللي بتشاركني فيه مجموعه كبيره من البنات في نفس السن
اين ذهبت القيم الاسريه عمري ما سمعت زامن عن جدي بيضرب جدتي او والدي بيضرب امي كأن الزواج اصبح معركه بين طرفين زي الغابه لما بيتقاتلم فيها ليثبتم من اقوي حسبي الله ونعم الوكيل
انا كل يوم بلاقي بنتي اقاربي يتزوجون انا مش بحسد بالعكس انا بفرح لهم كثير بس لما يزورنا كل واحده تمسك يد زوجها وا نا لحالي ادعولي بنات ان بنتي تظل في حضني انا بصلي اتخاره تعرفون والدي كان رافض اني اسافر بس بعد ما صليت استخاره لقيته مش ممانع اني اسافر بس انا وقتها كنت فرحانه بس لما قعدت مع نفسي فكرت طب لو سافرت بنتي الحضانه حق امي لو تجوزت تسقط منها خفت تاني