وش الى صار مع بنتى

عزيزتي قعدي معاها وكوني لها صديقة وحاولي تفهمي منها ليش تبجي؟؟

يمكن ماتبي الخاطب أو شي مضايقها؟؟ فالأفضل أنج تآخذينها بحضنج وتسألينها ليش تبجي وشنو تبي؟؟

قعدي معاها وشوفيها لا تخلينها هلون لين يوصلون بدون ما تكلمينها يمكن فيها شي
او يمكن خايفه من موضوع الخطوبه وزواج او عين ما صلت على النبي في بعضهم تصيدهم عين ويوصيدهم جذي الله يسهل لها ويسرها ان شاء الله

حبيبتي شكلها خايفه ....


اسمعي خليها اشوفه النظرة الشرعيه ويكون في محرم يمكن لما اتشوفه تسمعه وهو يتكلم تتغير ...

الشوف من بعيد مايكفي وخليها تستخير والله يوفقها

يا اختي ترى النفسسسية تنعفس عقب الخطبة ما اعرف ليش ؟
أنا نفسياً انعفست وما رديت على زوجي إلا بعد فترة طويييييييييييييلة
وعقب الملكة كله اجلس مع نفسي وابكي مع العلم اني قبل الملكة ما بكيت لأن الوحدة تحس انها في عالم غريب وتحس انها ضايعة انت جلسي معها وهديها وكل شيء يهون ان شاء الله ..

كلميها بهداوه

هي خايفة ...

دخلي عليها غرفتها، تكلمي بس بدون ما تجبرينها على الكلام، أشلون؟؟؟؟

قولي لها: أنا لما تقدم لي أبوج كنت خايفة واللقمه ما تدخل جوفي، مشاعري مختلطة ومو عارفه اش اسوي، أوافق لو أرفض، هل هو الإنسان اللي بعيش معاه بسعاده، لو اللي راح يعذبني ببعاده، بس تعرفين شنو اللي خلاني أرتاح له، لما صليت الإستخاره وطلبت من ربي يكتب لي اللي فيه الصالح.

بعدين وجهي كلامج لها: وش فيج يا بنيتي، محتارة لو خايفة من المجهول، لو مالج خاطر بهالزواج بلاه، إحنا ما نبغي لج الغصيبه، إحنا ما غصبناج على شي رضاج وسعادتج مطلبنا.
وإلا إنج زعلانه عشان بتغيبين عن بيت أبوج وحضن أمج، إن جان على هالشي فإنتي ما بتسافرين ديره ثانية إنتي عندي وبتظلين يمي، يا يمه الحياة جذي ممشاها البنت تربى في بيت أهلها وبعدها تطلع تعيش حياتها في بيتها، وأنا كنت مثلج فارقت هلي وأسست لي بيت والحين دارت السنين وبنتي بتطلع من عندي تروح لبيتها، لا اتظنين يا بنيتي إني فرحانه لفرقاج لالالالالا اش قد تسوه عندي كلمه يمه وينج لما تدخلين علي البيت، تدرين ليش الأمهات يبجون في اعراس عيالهم، عشان الفرح والحزن، فرحه الحياة الجديده وحزن الفرقا، وهي مو فرقا وقطاعه لكن حنان الأم وش تقولين عليه.

شوفي يا بنيتي أدري أنج خايفة واتقولين هل قراري صح لو خطأ، أنا أبيج ما تتسرعين والناس جايينه الأسبوع الجاي، قعدي معاهم عادي وشوفيهم وإن ما تطمنتي بعدها، خليها علي وأنا أمج، بس خليهم يقولون إني ربيت بنت إسم الله حارسها.

قطاف ماشالله عليها ماقصرت وكفت ووفت
انتي قعدي معاها وكلميها وقولي لها ان هي اذا ماتبيه فهي مب مجبورة عليه واهم شي رضاها هي وراحتها
يمكن هي ماتبيه بس خايفه تقول لكم لأنها حاطه في بالها ان يمكن هالشي راح يزعجكم
الاحتمال الثاني ان هي خايفه من المستقبل وان حياتها بتتغير وانها راح ترتبط بشخص ماتعرفه وهذا زواج وشي كبير ومش سهل وهالسوالف يعني
وفي احتمال بعد ان يمكن هي في بالها أحد عشان جذي هي حزينه
هو في وايد احتمالات ماتقدرين تحصرينها لان كل شخص شخصيته وتفكيره يختلف عن الثاني وممكن الشي اللي مزعجها ومضايقها مايزعج غيرها ويمكن عي سامعه اشيا من البنات عن الزواج
فماتدرين وش فيها
بس انتي قعدي معاها وقولي لها ان انتي وابوها ماتبون تجبرونها على شي وان هذا هو مستقبلها وهي ادرى فيه
وماننسى الاستخاره أهممممم شي
ولازم تقعد معاه ويشوفه وتشوفه يمكن ترتاح له وتروح الافكار اللي في بالها

مادري والله، هي بنتج وانتي اكيد تعرفينها وطبعا لاحظي ردة فعلها لما تتكلمين او تسألينها عن شي
لأن هي يمكن تقول ان مافيها شي او لو بتسألينها عن شي بتنفي بس هي ماتبي تتكلم

اتفق مع كلام قطاااف

الله يطمن بالك ان شاء الله

الله يجزاكم الجنه يارب
انا اتكلمت معها بس ما ترد على وعلى فكره احنا ردينا الرجال وبعدين قالت موافقه وكلمناها يعنى صعبه بعدين نقول والله البنت غيرت رايها بس ادعوا لها الله يسعدكم دنيا واخره

اختى هل يهمك الرجال الاخرين ام بنت بالبداية اكيد بنتك فلا يهم ماذا سيقولون
ابحثى فى البداية على مصلحة ابنتك
اجلسى معها وقولى لها مصلحتك هى اللى تهمنى ان اكنت بتريدى ها الشخص اوكى ام
ان كنتى ما بتغية راح نقول لهم كل شىء قسمة ونصيب
اجلسى وفكرى برحتك وانا معكى فى اى كرار راح تاخذينة وسانفذة فورا هدا منستقبل العمر كلة اللى راح تكملى معة كيل حياتك

هذا ما حدث معى من امى فى بداية خطوبتى
انا كنت متل ابنتك بها الحال
البنت فى ها الفترة تشعر بالقلق والخوف من الحياة الجديدة اتى راح تعيشها وما تعرف شو راح يصير
انا حتى الان خائفة واجلس مع نفسى وابكى احيانا
لاكن تاكدى ان ابنتك تحتاج اليكى بها الفترة اكثر من اى وقت

الله يوفققها يمكن سامعة شي من الزواااج وخايفة منه