التفرقه بين الاطفال؟؟؟دعوه للنقاش

أم عزوز001 27-01-2009 15 رد 2,038 مشاهدة
أ




السلام عليكم ورحمة الله وبركاته









كلنا ان نعلم التفرقه بين الابناء من الاساليب التربويه الخاطئه , وانها تحمل اثار لاتحمد عقباها .

والتفرقه من مبادئ المرء المذمومه تربوياً ..

ومن بعض الاباء قد تكون تفرقه بالوجدان فقط .. وبعضهم من تكون واضحه ويرونها الاباء انه امر طبيعي وعليه تسير الحياة .. وانهم نسوا او تناسوا قول النبي صلى الله عليه وسلم "فاتقوا الله واعدلوا بين أولادكم"

ومن صور التفرقه :

*من باب الاهداء فإن الاب يهدي الابن المحبوب هديه مبالغ فيها والابن الاخر لايهدى شي ويعالج الخطأ بالخطأ فيقول الاب له لانك لاتجلس معي كثير او انك قد ضربت اخوك بالامس ...يهاجم عليه دون نصيحه قبلها

*من باب التعامل فإن الاب يغفر لازلات الابن المحبوب ويتغضى عنها ولو كان حاضر الموقف فإنه يعمى نفسه وكأنه لم يرى شي .. ولكن لو فعلها الاخر سيعاقب ويحرم من الاكل وغيرها من انواع العقاب .

* من باب المدح يقول الاب لابنه انت ابن كسول وعاق انظر لاخيك متفوق ومطيع . ولو اطلعنا على الحقيقه فإن ذالك هو العكس ولكن الابن المحبوب يكون الحق معه دائما


شاركوني بأرائكم

# مارأيكم في تفضيل الاباء لبعض ابنائهم عن بعض ؟ وهل التفضيل سـ يؤثر على نفسية الابناء والعلاقه الاخويه ؟
# احدهم يقول لا اهتم بالتفرقه بيني وبين اخي من قبل اسرتي ؟ هل تعتقدون انه صادق بكلامه ؟ ام مـــاذا؟ ولمــــاذا ؟


ودمتم بخير

منقول للنقااااش
ا
موضوع جميل ام عزوز الله يعطيكي الف عافية يارب
ذكرتيني بمثل كنا نقوله وهو مضحك بس عن جد يناسب الموضوع (( من فرق ولد عن ولد ببوسة له بجهنم دوسة )) هذا واحنا نتكلم عن القبلة فمابالك بمعاملة واسلوب حياة راح ينشأ الطفل عليه

اكييييد التفرقة ماهي حلووووة ابدا واستغرب من اللي تقول هذا الطفل له مكانة اكبر هذا بكري وهذا اخر العنئود وهذا مدري شو ..؟؟؟؟ طيب ماكلهم اطفالك تعبتي بحملهم وولادتهم وفرحتي لجيتهم سواء الام او الاب ........ والاحظ التفرقة غاااالبا وبمجتمعنا تكون تدليل الصبيان على البنات واعطاء الاولاد كل شي والبنات ولا شي الا اللمم ..... ولو الابوين يعرفو ويتقوا الله في اطفالهم راح يكبروا اطفالهم على برهم وطاعتهم

والتفضيل اكيييد راح يأثر على شخصية الطفل النفسية واذا ماطلع هالطفل ظالم وجبار فراح يطلع يكره والديه والعقوق عنده شي سهل ووقتها وبصراحة مانلوم هالطفل ... وحتى لو قال الطفل عادي مايهمني هالشي راح يكون مو صحيص ورح تتأثر نفسية هالطفل اكييييييد

ويارب يقدرني اعامل اطفالي اتنينهم بمايرضى الله
أ
يشرفني مرورك غاليتي
وكلامك عن جد رائع

في انتظار اراء الامهات
ا
مشكورة ام عزوز على الموضوع الرائع
عن نفسي وايد أعاني من هالمشكلة، أبوي الله يحفظه دائماً يفرق بين عيالي ويفضل الولد على البنت، وألاحظ ان بنتي وايد تتأثر نفسيتها فنحاول انا وأبوها أن نعوضها عن كل شئ ونحاول نتدارك المواقف ، في النهاية هذا أبوي ما أقدر اقول له شئ.
الله يقدرني وزوجي أن نعامل عيالنا معاملة وحدة بدون تفرقة
ن
مشكورة اختي عالموضوع الحلــو ...

أنا عن نفسي زوجي الله يهديه وايـــــد أفرق بين ولدي وعيال زوجته القبليه ولدي وايد امدلل عليهم أقول له حرام هم مالهم ذنب في شي تراهم يهال في النهاية ترى أعمارهم 4 سنوات و 3 سنوات حرام والله ... هذاني أحاول معاه عشان ايعاملهم كلهم نفس الشي ...
م
للحين ماجربت ماعندي الا عبودي حبيب قلبي الله يخليه لي ويبلغني فيه.. ومكانته كبيرة بقلبي مادري لما يكون عندي البيبي الثاني راح تقل محبتي له.. او هل راحب أحبه أكثر من الثاني.. هل راح أفضل الثاني عشانه أصغر ماعندي فكرة.. في المستقبل يمكن أجاوب على هذا السؤال.. بس أكيد كل العيال ينحبون مثل بعض ولازم في طفل له ميزة عن الآخر تفرقه عنه بس مو معناه إن مو محبوب...

زوجي جاء بعد سنوات من أخوانه الكبار وأمه كانت تموت عليه وتدلله وبعدها جات أخته والحين ماشاء الله تزوجت بس أم زوجي وايد تدلع زوجي وأخته تموت من الغيرة ولازم تقول شي حق الأم.. يذبحوني من الضحك.....
س
الصراحة هذي أكبر غلاط يسونة الأباء أذا فرقو في معاملة الأبناء لأن راح يولد مابينهم الكراهية والحسد والغيرة وأشياء وايد راح تترتب على هالمعاملة حتى أعيالهم راح يحملون الكراهية حق أعيال عمهم أو خوالهم.



بالنسبة لي ولزوجي نحاول مانفرق مابينهم في جميع النواحي عشان مايتعادون حق بعض في المستقبل ويكونن أهم شي على قلب واحد( الله يحفطهم )
ك
كلهم عيالي ... حملتهم ببطني تسعة شهور وربيتهم وسهرت عليهم .... شلون احب واحد اكثر من التاني ؟؟؟

موضوعك حلو يا ام عزوز ... وردي راح يكون بقول مأثور ... عاجبني وايد واحسه معبر ... اسمعي :

قيل لأحد الحكماء أي أولادك أحب إليك ؟ قال:صغيرهم حتى يكبر ,
ومريضهم حتى يبرأ , وغائبهم حتى يحضر0
B
مشكورة ام عزوز على الموضوع

التفرقة بين الاخوان تولد في نفوسهم الحقد والغيرة والكراهية على المدى البعيد وتخليهم لي كبروا كل واحد مايدري عن الثاني وقلبه مو معاه هذا للكبار
اما بالنسبة للاطفال فهي تولد غيرة وكره شديدين وقد تظهر هذي الغيرة بصور شتى منها ايذاء الطفل الاكبر للطفل الاصغر

وطبيعي من الام انها بتهتم بالطفل الصغير اكثر لانه محتاج لرعايتها لكن في نفس الوقت تدراك الامر بحيث ماتحسس الكبير انها تفضل واحد على الثاني

وبعض الاباء يفرقون بين البنات والاولاد مثلا بعضهم يموتون في البنات والعكس

الله يوفقني انا وزوجي ومانفرق بين عيالنا يارب
r
التفرقة بين الاولاد شئ مو محبب لانها تولد الغيرة و الحقد غير أنها تسبب شخصيه مهزوزة للطفل المضطهد
غير العداء بينه و بين الآخرين .
و أكيد بيكون اهتمام الأم بطفلها الصغير أكثر حتى يكبر بطفلها المريض أكثر حتى يبرأ بطفلها الغائب حتى يعود
تسلمي أختي أم عزوز عالموضوع الحلو
أ
منورين اخواتي
ومشكورات للطرح ارائكن
كريم كرامل مشكوره على هالقول المؤثور وهو فعلا هذه تفرقتنا فقط
ج
الله يعطيك العافيه يا ام عزوز على هالموضوع الرائع

انا وزوجي الحمد لله نحاول في اقصى المستطاع اننا مانفرق بين عيالنا الله يصلحهم

اعرف ناس يميزون بنت عن اختها لأنها جميله من يومهم صغار لين بدو الخطاب يجونهم

والاب اذا ماعجبه الشاب قال الزوجته خلي نعطيه هالطابه يعني البنت الى مو حلوه .

وسبحان الله الجميله للحين حظها طايح المسكينه وختها ماشاءالله زوج وطفال وعايشه

احسن عيشه الله يديم عليها .

يجب على الوالدين التسويه بين الذكي والغبي او الجميل والعادي او الأبيض و الأسمر

الله يصلح عيالي وعيالكم ويرزكنا الصبر عليهم والعدل بينهم
ر
طبعا هالاسلوب في التربيه مرفوض واكيد يسبب حساسيه وغيره بين الاخوان وممكن هالحقد يظل الى الكبر وبيؤثر عليهم ويصيرو مبتعدين عن بعض ولا احد يسال عن الثاني

والي يقول ما يغار ممكن يصير لكن على الام والاب عدم التفرقه لانها ممكن بشيء بسيط ماتبين

لكن مع التكرار بتوضح للجميع وبيزرعو في قلب ابنائهم الغيره
ا
موضوع واايد حلو ..

انا حاليا عندي ولد واحد ..!

ربي يخلي لي اياه حبيبي قلبي ..

يعني الحمد لله ماعندي تجربه..

في هذي الناحيه الا هي التفرقه !

وانا ضدد التفرقه بكل انواعها ..

ووايد مرت علينا وسمعنا مواقف تفرقه ..

مثلا الابو يسوي حق بته اشياء ما يسويها حق ثانيه..!

او يحب ولده اكثر من البنت والعكس ..

وعندي صديقه تقول انو الابوين اعترفو انهم يحبون البجر واخر النقعود ..

والا بلوسط عادي !! احسها مرره صعبه !

واكيد الاشياء تحز بنفس الطفل ..

وراح يحس نفسه منبوذ وغير مرغوب فيه ..
ا
حبيبتي موضوع حلو و مميز

الله لا يحطني بهالموقف مع اولادي و لا حتى بنظرة

لان هذا اصعب شي على الطفل

و انا من رايي انه الاب اللي يعامل عياله بهالطريقة هو نفسه عانى من هذه المشكلة مع اهله

اذا هاي مشكلة ممكن تسبب خراب اشخاص وايد بالمستقبل ممكن يصيرون معقدين او متسلطين

الله يهدي الكل امين
أ
X