بنات مصر اختكم وعاوزة مساعدتكم بكلماتكم وافكاركم

ازيك يا قمرايا
انا اسفه انا بجد مش فاهمه انتي عاوزه تعرفي التفاقات مين بيجيب ايه و لا عاوزه تعرفي ايه و انا لو عارفه هقولك

عاشقة الرحمن

متشكرة اولا انك رديتي عليا وحاولتي تشاركي معايا

ربنا يسعدك ياااارب وينويلك كل اللي تتمنيه انتي وكل البنوتات يارب


اللي عاوزة ياقمر اعرف كل شي بالتفصيل الممل

من اول مايجي الشخص ويتقدم وايه بتكون الاتفاقات السائدة في مصر على المهر والبيت وكل حاجة

وبعدها هندخل على موضوع الجهاز وووو لاخر مانوصل للفرح


معلش انا عارفة اني طالبة طلب صعب اوي بس معلش سامحوني

طيب هو انتي لما هتيجي مصر هتيجي تعيشي هنا وتستقري في شقه ولا ايه بالضبط ؟؟ ومحدده فرحك امتى ولا الخطوبه بس هي اللي متحدده ///

باذن الله هعيش في مصر

والشقة موجودة بس لسه مش جاهزة باقي يزبط ديكوراتها ونبدأ نفرشها

وخصوصا انه بيفكر يعمل رسومات وشغل ديكور البيت كله من رسوماته وشغله هو وبعمايل ايديه

فبحاول اعرف ايه نظام مصر لاني مش عاوزة اكلف عليه بصراحة خالص واكون عارفة النظام

وخصوصا احتمال تكون الخطوبة والفرح في الصيف ده قبل مايرجعوا اهلي تاني السعودية

sosooo

يارب يسعدك ويخليكي ياقمر ويتمملك كل خير يارب وينويلك كل اللي تتمنيه يااااااااااااااااااارب

حاولت اني ابعتلك واشكرك بس لسه مشاركاتي قليلة اوي

بس ماتتصوريش رسالتك ساعدتني قد ايه

اسمحيلي اقولك بجد انتي صحبة روووعة

ربنا يخليكي ياقمر

بصى ياحببتى كل واحد ربنا بيقدره على جوازة لان هو بيبقى ماشى فى طريق خير فعشان كده ربنا بيسهلها عليه اما بالنسبة للافراح فافى زى مانتى عايزة وبلاسعار اللى انتى عاوزة فى فرح يتكلف كتير وفى فرح يتكلف تكلفه معقوله ويكون حلو قوى وفى فرح على القد وبرضه تفرحى بيه كل حاجه موجود وكل الاسعار بصى بالنسبة للخطوبه فهى عندنا فى مصر معظم البنات بيجيبوا فى الخطوبة دبله ومحبس وخاتم او حسب مانتى بتحبى يعنى ممكن تجيبى دبله ومحبس وبدل الخاتم انسيال والخطوبة ممكن تعمليه على قدك انتى والعايله بتاعتك والعايله بتاعت خطيبك وممكن تعمليها فى قاعه بس انا بفضل ان الخطوبة تكون فى بيت وبعد فترة من خطوبتك بتنزلوا تشتروا الشبكه اللى هتتفقوا عليها وهنا نظام التجهيز بيقى بلاتفاق يعنى انتى بتتفقى مثلا تجيبى المطبخ والستاير وغيرة وهو بيجيب العفش وفى مثلا بتتفقوا ان كل حاجه بالنص ماعدا العفش وفى ممكن هو يجب اوضه نوم وسفرة وصالون وانتى ممكن تجيبى الانترية يعنى من الاخر حسب ماببتفقوا انتوا وحسب امكانياتك وامكانيات خطيبك وفستان الفرح انا بفضل انك تاجريه لان بعد كده مش بيبقى ليه لازمة وقبل الفرح بتعملى حنه الحنه دى بتعزمى فيها كل اللى انتى عاوزهم بتلبسى فيها فستان سوارية اللى يعجبك
بص هو ده اللى حاضر فى دماغى حاليا بس لو عندك اى سؤال انا معاكى اسالينى وان ربنا يقدرنى واجاوبك واتمنى اكون افيدتك ولو شوية صغيرين حتى وربنا يوفقك ويكتبلك الخير يارب ويسعدك

طيب هو من فين في مصر ؟
خلي بالك كل عائلة لها نظامها وكل حاجة بالاتفاق بتمشي
الحاجة الاساسية -مش كل مصر- غرفة النوم والصالون والسفرة والسجاد والستاير ع العروسة
وكتب الكتاب ع العروسة
والفرح في ناس بالنص وفي كله ع العريس

ربنا يخليكوا يابنات

بجد ماتتصورش قد ايه فرحتوني باجاباتكم دي كلها


بالنسبة من فين العريس فهو من قرايب مامتي لانه مامتي مصرية

واساسا من الحسين


لو ممكن سؤال ومعلش اسئلتي كتيرة اوي وبايخة جدا فاستحملوني

هو بيكون في مهر وتقريبا في حدود كم ؟؟؟

اية دة المهر دة يابنتى بيبقى بقيمة كل حاجة فى الشقة اشتريتيها والعريس كمان اشتراهما واحنا مش بناخد مهر دة كلة بيتكتب فى القايمة لان العريس هو الى بيشترى كلللللللل حاجة حسب الاتفاق
وطبعا المهر دة الى هو تمن العفش بيختلف من ناس لناس

بصي حبيبتي
المهر ده حق من حقوق اللي كفلها لك الشرع
لكن الواقع في مصر خلاف ذلك
و الناس ع قسمين: اما بدون مهر والعريس يشيل الشقة، او يدو مهر والعروس تشيل العفش
يعني في الاخر المهر للعفش وبس
وده طبعا خلاف شرع ربنا
لان من قوامة الرجل تجهيزه لمسكن الزوجية
لكن اللي تعارف عليه ان المرأة بتساعد
واللي لازم يعرفوه الرجال انه ده تفضل من المراة واهلها وليس واجبا

من الاخر المهر ده حقك فلا تتنازلي عنه ابدا لكن تذكري اكثر النساء بركة ايسرهن مؤنة

لا ياقمر مفيش عندنا فى مصر مهر بس فى قايمة بتتكتب فيها كل حاجه انتى وعريسك اشتريتوها وبتكتب تمن كل حاجه اشتريتها وبتجمعى المبلغ فى الاخر وبيتكتب فى القايمة وبيمضى عليها العريس واتنين شهود وباباكى بياخد القايمة دى يشلها عنده
واى اسئله تانى احنا معاكى

بالعكس انا سالت عشان اختلاف العادات

يعني عندنا في السعودية بيندفع مهر وده لااازم اوي

عشان كده سالت نظام مصر ايه والمتعارف عليه

وبالعكس انا شايفة في حاجة اهم منالمهر واللبس والبيت والفرش

كفاية انه الوحدة تلاقي قلب يحبها ويحافظ عليها

دي تسوى كنوز الدنيا كلها واكتر والله



وبالنسبة ليا خطيبي حدد من نفسه مهر 30 الف وهو هيعمل الشقة ديكوراتها والرسم اللي فيها لانه مهندس ديكور
وهو اللي هيفرشها كلها
وانا حاسة بكده ظلم كبيييييييييييير اوي وحرام عليه نفسه


عشان كده عاوزة اكون عارفة كل شي عشان مااخليهوش يحس انه اقل من غيره

وفي نفس الوقت مااكلفش عليه خاااالص



ومتشكرة اوي اوي ليكوا

يارب يفرحنا بيكم جميعا يارب

قلـــب طفلة;8595324:
بالعكس انا سالت عشان اختلاف العادات

يعني عندنا في السعودية بيندفع مهر وده لااازم اوي

عشان كده سالت نظام مصر ايه والمتعارف عليه

وبالعكس انا شايفة في حاجة اهم منالمهر واللبس والبيت والفرش

كفاية انه الوحدة تلاقي قلب يحبها ويحافظ عليها

دي تسوى كنوز الدنيا كلها واكتر والله



وبالنسبة ليا خطيبي حدد من نفسه مهر 30 الف وهو هيعمل الشقة ديكوراتها والرسم اللي فيها لانه مهندس ديكور
وهو اللي هيفرشها كلها
وانا حاسة بكده ظلم كبيييييييييييير اوي وحرام عليه نفسه


عشان كده عاوزة اكون عارفة كل شي عشان مااخليهوش يحس انه اقل من غيره

وفي نفس الوقت مااكلفش عليه خاااالص



ومتشكرة اوي اوي ليكوا

يارب يفرحنا بيكم جميعا يارب

يا اختي خلي بالك ما تقوليش ظلم على شرع الله تعالى

الله عزوجل امر المرأة بطاعة زوجها وفضل الرجل عليها بالقوامة التي من اهم اسسها الانفاق
يقول تعالى : ( الرجال قوامون على النساء بما فضل الله بعضهم على بعض وبما انفقوا من اموالهم )
فاحمدي الله تعالى اللي يسرلك من يطبق شريعته ويحفظ لك حقوقه

لكن لو انت عايزة تخففي عنه اطلبي منه انك تعملي مثلا اوضة نوم وصالون او تجيبي الاجهزة الكهربائية

خلي بالك مش كل مصر زي بعض في ناس اعرفهم بيدفع العريس مهر ويجيب الخشب

بس مش كل الناس بتتنازل عن المهر ومش كل الناس بتكتب قايمة

ويا اختي الفاضلة
المهر حق مفروض للمرأة ، فرضته الشريعة الإسلامية ، ليكون تعبيرا عن رغبة الرجل فيها ، قال الله تعالى : (وَآتُوا النِّسَاءَ صَدُقَاتِهِنَّ نِحْلَةً ) النساء /4.
ولا يعني هذا اعتبار المرأة سلعة تباع ، بل هو رمز للتكريم والإعزاز ، ودليل على عزم الزوج على تحمل الأعباء وأداء الحقوق.
ولم يحدد الشرع المهر بمقدار معين لا يزاد عليه.
ومع ذلك فقد رَغَّب الشرع في تخفيف المهر وتيسيره.
قال النبي صَلَّى اللَّهُ عَلَيْهِ وَسَلَّمَ : (خير النكاح أيسره) رواه ابن حبان . وصححه الألباني في صحيح الجامع (3300).
وقال صَلَّى اللَّهُ عَلَيْهِ وَسَلَّمَ : (خير الصداق أيسره) رواه الحاكم والبيهقي . وصححه الألباني في صحيح الجامع (3279).
وقال النبي صلى الله عليه وسلم لرجل أراد الزواج: (التمس ولو خاتماً من حديد) . متفق عليه.

ولو انت عايزة تخففي عنه وتكوني من اكثر النساء بركة
اطلبي صداق بنات النبي صلى الله عليه وسلم ونسائهوهو
عشرة أوقية تساوي أربعمائة وثمانين درهما أي مائة وخمسة وثلاثون ريال فضة تقريباً (134.4)
شوفي الريال الفضة دلوقتي كام ؟

ربنا يسعدك يارب على كلامك اللي زي الشهد والله

وينويلك كل اللي تتمنيه يالعالية


لكني ماقصدت من ظلم الا ظلم الشخص على نفسه وبس

بالعكس الشرع ماحط شي الا وله اهدافه اللي نعرفها الان واللي هتوضح بكرة

وجزاااكي الله كل خير على كلماتك ياربوربنا يجعلها في ميزان حسناتك ياااارب



انا هحاول اعمل بجد اللي قولتوا عليه يابنات انه المهر يكون شي بسيط جدا

وومع بعضنا نجهز احنا الاتنين البيت وبلاش القايمة ولا اي شي تاني

ربنا يفرحنا بيكم كلم وينويلكم كل اللي تتمنوه يارب


بنات ماتنسوش تدعوا لكل العرايس ولكل اخواتنا المسلمات ربنا يسعدهم ويوفقهم في حياتهم دنيا واخره

بصي يا عسل انتي ليكي عنده الشبكه اولا ودي اهلك بيحددوها وفي ناس بتقول لا منحددش وخليها هديه من العريس بس لازم يجيب شبكه خاصة لو مقتدر لان ده حقك لو مش قادر خالص وانتو هتساهلوها عليه يبقى دبله ومحبس وخاتم اما لو في فلوس فأقل حاجه طقم دهب (كوليه واسوره وخاتم وحلق) كده دي الشبكه


الحفله بتاعة الشبكه في مصر المفروض على العروسه انتي بتعملي حفله على حسب امكانياتك وتستقبلي الناس في بيتك في قاعه زي ما انتي عايزة ’ بالنسبه ليكي ممكن تبقى في بيت اهل ممتك طالما هي مصريه او في قاعه وفي قاعات بمستويات مختلفه بدايه من 5 الاف ممكن تعملي حفلة خطوبه لغايه 100 الف ده يرجع لامكانياتك

بالنسبه للعفش ده تتفقوا والدارج اوي هو بالنص لو الطرفين مستواهم واحد لو واحد مقتدر يشيل اكتر المهم هنفرض انو بالنص يبقى كالاتي

انتي الانتريه والسفرة
هو النوم والصالون

في بعد كده ستاير وسجاد انتي حاجه وهو حاجه

الاجهزة الكهربائيه المفروض عليه بس لو تقدري تساعدي تجيبي حاجه ولا اتنين منهم

كل حاجات المطبخ عليكي من البوتجاز للحله

تكاليف الفرح على العريس ولو افتكرت حاجه تاني هقولك ولو عايزة حاجه اسألي عموما اللي قولتهولك هو اللي بيحصل في معظم العائلات في القاهرة

اه يا جميله نسيت اقولك لاززم قايمه لازم تكتبي كلللللل الحاجات دي وهو يمضي عليها ده المهر وحقك وما نصحش تسيبيه بصراحه اه الدين يسر لكن للأسف مفيش امان للرجاله خالص احسن تحسسيه بقيمتك وبعدين هو مش هيدفع حاجه هو بس هيكتبهم ليكي تقدير ومحبه ليكي المفروض

وفي مؤخر كمان لازم يكتبه دلوقتي الدارج 25 الف :)

يارب يخليكي ياقمر

بجد معلوماتك كلها فادتني اوي اوي اوي

وباذن الله همشي على كلامكم اللي زي الجواهر نصايح ولاممكن الاقي احسن منها


ربنا يخليكم كلكم ويوفقكم يااارب ويسعدكم مع اللي بتحبوهم يااااااااااااااااااااااااااااااارب

اولا ربنا يتمملك بخير ثانيا انا رديت عليكى امبارح والنت فصل فردى موصلش
هارد تانى
بصى يا سيتى
اولا قرايه الفتحه والخطوبه ع العروسه وقبلها بتنزلوا تجيبوا الدبل ممكن تجيبى دبله ومحبس وخاتم
او دبله وتوينز وخاتم هدديه من العريس او دبله وتوينز واسوره
او حسب الامكانيات بقى والمسموح
والقعده بتاعت قرايه الفاتحه دى الرجاله بيحددوا فيها كل حاجه من لاابره للصاروخ الابره على مين والصاروخ على مين
الشقه بتوضيبها اساسى على الولد البنت مابتتدفعش فيها تعريفه
نيجى بقى للى جوا الشقه بالنسبه للعفش والتجهيزات ككل فى عائلات بتعمل نظام النص بالنص يعنى كل حاجه جوا الشقه تتقسم قيمتها بالنص ويدفعوها هما الاتنين
فى نظام تانى
لو الشقه 4 اوض البنت تشيل 2 +المطبخ كخشب او الوميتال حاجات المطبخ اسااااااااااااسى عليكى تدخلى بحللك وطاساتط واللذى منه والولد 2 +الاجهزه
البنت برضه بيبقى عليها الستاير والنجف والسجاد والاكسسوريز بتاعت البيت
فى ناس بتشيل الولد النجف او السجاد وفى لا
وفى ناس بتشيل الولد الخشب كله بالمطبخ وتشيل هما جهاز بوتجاز او غشاله مثلا
فى ناس بيدوا مهر ودا انا مش مقتنعه بيه اوى لان لو ادى مهر بيدى مبلغ تقديرى ممكن تعجبك حاجه كويسه وتحكمك المبلغ فبلاش منه
الشبكه على العريس تحديد مبلغها مع اهلك طبعا وحشب بنات عيلتكوا جابوا فى حدود كام وهى هديه من العريس اولا واخيرااا فحسب ماتتفقوا ممكن 10 فيما فوق بما ان الدهب غلىىى
المؤخر من 10 فيما فوق والمؤذون بياخد نسبه عند كتب الكتاب
كتب الكتاب والفرح ع العريس
وفى ناس بتعمل الخطوبه النص بالنص فبالتالى الفرح برضه بيقسموه
فستانك والميك بتاعك عليه فى الفرح
الخطوبه وكتب الكتاب فستانك والميك اب عليكى
عايزه اقولك حاجه ان الحاجات دى اتفاقات بتختلف من عائله لاخرى ومن منطقه للتانيه فشوفى برضه نظام عليتكوا ايه وةامشوا عليه
بس تقريبا انا جمعتلك معظم اللى بيحصل فى مصر
وربنا يوفقك ويوسع ارزاقكوا ويتمملك جوازكم على خير ان شاء الله
اى استفسار بنات مصر فى الخدمه

يارب يخليكم يابنات مصر

بجد انتوا عيلتي

وليا حق ابقى بجد عاشقة لمصر من زمااان اوي

لانه مصر دي بلدي اولا

وتانيا فيها اخواتي اللي هما انتوا وقفتوا معايا بجد

فربنا يسعدكم كلكم يااااااااارب

وباذن الله اي حاجة تحصل هقولكم عليها عشان تقولولي ايه رايكم

لاني حساكم اخواتي بجد ورايكم بيهمني اوي