أخواتي العزيزات
انا بكرية وتعرفن ان البكرية من تدخل التاسع وهي تهوجس ماتدري متى يحين الطلق وتولد
لذالك ربي يخليكن لعيالكن وازواجكن ويسهل ولادتكن
كل وحدة تذكر لنا شو الاشياء اللي صارت معاها او حست بها قبل موعد ولادتها بيوم او يومين او حتى اسبوع
وعاد لاتحجرني اريد خبرتكن
انتظر ردودكن
دمتم بود
وأنا مثلك بكريه ... وأنتظر رد البنات مثلك
:) :) :) :)
يللا بنات شدوا حيلكم احنا ننتظر
وانا مثلكن
دخلت التاسع وماني حاسه شي
والله خايفه
ياريت اهل الخبره يطمنونا
انا جربت الولادة ثلاث مرات
والله يسهل للمرة الرابعة
بالنسبة للولادة عادتن ينزل ماي دافي لزج
او بعض الدم
وتزيد الاام الحمل لقرب وقت المخاض
بعض النساء ما ينزل عندهم الماي او الدم
لمجرد الاحساس ب الم المخاض
معناتها قربت الولادة
والله ييسر للجميع يارب
ياربي حد يعبرنا
مشكوووووووورة اختي زهرة القلب
وانا بعد بكريه وياريت حد يقولنا شنو اهي مؤشرات قرب الولاده !
b
bent el ba7rain
عروس مبدعة
27-01-2009 | 09:38 AM
انا في ولادتي الاولى صحيت من النوم بقوم من السرير نزل شوي ماي علي بدون الم ولاشي وكان قبل موعدي ب 10 ايام
رحت المستشفى قالت لي مافي طلق ولا الم روحي وتعالي اذا جاش الم رجعت البيت بعد 3 ساعات بدأ الااام وماقدرت رحت المستشفى بعد 6 ساعات كنت 3 سم متوسعة وخلاص طلعت ثاني يوم والدة
الحين الحمل الثاني وتجيني الاام بنا تون يداشة التاسع بس صراحة مو عارفة هذي الاام شنو احسها تعب مو ولادة والله عالم
ا
العروس الدماني
عروس نشيطة
27-01-2009 | 12:07 PM
انا عن تجربتي .. ياني الم بعد ماجيكت عليه الدكتوره لأنه المفروض تكون ولادتي بعد كم يوم ورادت اني اولد فوسعت لي المكان وابد ما انصح بهالطريقه لأنها مؤلمه ع الفاضي وخلو الألم اييكم من الله بدون مساعدات دكاتره لأنه فعلا عذاب .. مانزل عليه ماي ولا شي ابد فقط اسبوع كامل انا اعاني من الألم وصلني زوجي الله يحفظه ويطول بعمره للمستشفى قالوا بيعطوني تحاميل لأنه مافتح عندي غير سانتي واحد .. وظليت يومين وهم كل 6 ساعات يحطون لي تحميله الصراحه ما انصح حد يسوي طلق صناعي خلوه طبيعي من الله .. وظليت امشي كثير بالمستشفى وكل مره يفحصوني نص سانتي :( .. ثاني يوم فليل الدكتورهفتحت لي كيس الياهل لأنه مانزل عليه ماي ولا شي .. فهم الي بطلوه لي .. وبعدين دخلوني غرفة الولاده .. انا اخذت ابرة ( ابديورل) سمعت ناس يولدون مايحسون بالألم اما عن تجربتي الابره تألم وحتى وقت الولاده حسيت بكل شي يمكن لأني مليانه ماعرف او ماعطوني الجرعه صح الله يعلم وبدت ازيد عليه ألام الولاده لين الله سهل ولدت الفجر والحمدالله .. الله يسهل عليكن يارب وعلينا وعلى الجميع .. وفي دعاء ابد مابنساه كنت اقوله وقت الولاده واعيده .. تحطين ايدج ع بطنج .. وتقولين ( 3 مرات بسم الله __ اعوذ بعزة الله وقدرته من شر ما اجد واحاذر ) .. وكنت اقرا قرآن وايد .. و سورة الزلزله كثروا منها .. ونصيحه ترى الصريخ يجهدج اكثر بدون فايده .. اجعلي قوتج فالدفع مو فالصريخ لأنه شكثر اتصرخين تجهدين نفسج وماتقدرين تدفعين وتتألمين اكثر .. وبعدين اطلبي اوكسجين وايد يساعد وقت الولاده ويخفف الألم .. وسبحان الله كله ساعات وتشوفين ولدج او بنتج بين ايديج وتنسين كل شي صدقوني تجربه ححلوه جدا .. الله يرزقنا الذريه الصالحه يارب ^_^
انا صار لي شي غريب باليوم الي قبل الولادة الي هو اني حسيت باعراض الدورة الشهرية من نفسية تعبانة و اكتئاب و من بعدها بيوم ولدت
طبعا ياني عوار منتظم كل 10 دقايق بس ما نزل لا ماي و لادم بس من التاسع تنزل علي افرازات مخاطية صفرا على برتقالي تهي لسدادة المخاطية الي تسد عنق الرحم
للعلم انا ولدت بنص التاسع و كنت متوسعة 3 سم من البداية
الله يسهل عليكم يا رب
و يرزقنا الحمل الصحيح المعافى في الوقت المناسب
ر
راجية الفردوس1427
عروس مبدعة
27-01-2009 | 03:56 PM
انا عندي بنتين بالاولى جاني طلق شديد ومنتضم رحت للمستشفى سوو لي تحريض وقالوا لسه 1سانتي رجعت للبيت ونزل علي دم احمر صافي خفت ورجعت لهم قالوا ولادة جلست 13ساعة بعدها ولدت
اما ببنتي الثانية دخلت العاشر وقرروا علي طلق صناعي خفت وما رحت لهم واخذت لي ملعقة خروع على عصير بر تقال العصر ماجا الفجر الا والطلق حامي على الاخر رحت للمستشفى قالوا مفتوح 7جلست اطلق 3 ساعات وولدت
والحين انا حامل في التاسع دعواتكم لي بولادة ميسرة