مشروعي الصغير

اذا ما عندش مكان انتي تروحي لبيوتهم
بالتوفيق

كلام نمارق صحيح
أو ممكن تستفيدين من غرفة وحدة في بيتكم وتسوين لها ديكور وشوي لمسات لصالون صغير
أو إذا عندكم كراج في البيت ممكن تسوينه صالون صغير كبداية لمشروعج
والله يوفقج

صدق الغالية مشروع حلو بس انتي سويلج مكان في الحوش برأمب داخل البيت أنتي بترتاحين من الأصوات وكل شوي حد يزقرج والبنات لي بينج بعد بيرتاحن انهن في مكان معزول من أهلج سويلج غرفة وأنتي والأخوات بكرامه حمام ودوريلج وحده تسوي سيشوار وتسريحات أتفقي معاها إذا وحدة تبغي تسوي مكياج وتسشور شعرها تييج البيت فكرة حلوة صح اكثر بيتشجعن إذا وفرتي لهن كوافيرة وشوي شوي بتتعدل الأمور الله يوفقج الغالية(y)

الله يوفقك

الله يوفقك

افكار البنات حلوه

انا مفكره بمثل مشروعك بس حاسه انو لو يكون في بيتي مثل ما ذكروا محد راح يجي مثل اذا رحتي لهم في البيت الناس تبي السهل
اذا بتجي لعندي اجل بتقول اروح لمشغل اضمن

بتوفيق

السلام عليكم

حلو كلام خواتي اللي قالو عنه

اذا عندج ملحق خارجي وغرفه ماتستخدمونه دائما حوليها لغرفه مكياج ورتبيها

او كراج مثل ماقالو الاخوات

حتى لو تبين مكان منعزل في الحوش في ناس يسون غرفه خشب ويضبغونه واضافه ديكورات اسهل لج ورق جدارن يكون مرتب وحلو

ممكن تروحين لهم البيت يعني الافضل الطريقين الاماكن الجريبه تروحين لها اذا ماتقدرين بعيد او اللي تقدر تجي البيت عندج

وان شاءالله لما يكون المشروع يمشي ومربح بعدين فكري تاخذين محل وتكبرينه باذن الله

موفقه

مافهمت قصدك يعني انتي شاطرة في الماكياج والشعر وتفكري في انك تسوي صالون ؟
لو كذا فكرتك وانتي ساكنة في شقة طبعا افكار البنات فوق بتكون صعبة شوية عليكي
ممكن تروحي للبيوت .. واذا تخافي من حكاية البيوت وما الومك بصراحة لو خفتي لان الدنيا هذي الايام تخوف
ممكن تروحي للصالونات تعرضي عليهم شغلك وتتوظفي عندهم مقابل نسبة تتفقي مع صاحبة الصالون عليها ..
او سوي زي كثير بنات شاطرين في هذا الموضوع يروحوا ياخذوا دورة في صالون حتى وهم شاطرين بس عشان يبينوا لهم شطارتهم والتزامهم في الشغل ..
هذي فكرة افضل وانا ممكن اقنعك فيها
لو رحتي من اول مرة وحبيتي تشتغلي في محل يمكن صاحبة المحل في وقتها ماتكون محتاجة لك ..او تقولك اوكي تعالي كل يوم
ويمكن اصلا ماعندها شغل يعني بتلتزمي مع مكان كل يوم رايحة وجاية عليه ومافي شغل ..
كذا بتخسري وقت وتكلفة مواصلات كل يوم على الفاضي ..
بس لو رحتي الصالونات اللي دايما عندهم دورات هم هدفهم من الدورات هذي اصلا انهم يلاقوا بنات شاطرين يشغلوهم عندهم مقابل نسبة ..
كل يوم بتروحي تخليهم يشوفوكي كيف نشيطة و شغلك حلو بالتالي راح تكسبي الثقة
و بمجرد ماتعرضي على صاحبة الصالون فكرة شغلك بتوافق على طول ..
وبكذا تضمني كرسي في المحل وأمان لك بدل ماتروحي البيوت
جمعي لك زبونات ويدك مع الوقت تاخذ على الشغل وتكتسبي مهارة اكثر
بعدين اذا فكرتي تشتغلي لحسابك عندك زبوناتك اللي تعرفيهم وتثقي فيهم
تقدري تروحي لهم وتروحي لمعارفهم خصوصا لو اسعارك حلوة بتلاقي زباين كثير ان شاء الله ..

بالتوفيق ان شاء الله :083:

بالتوووووفيق

السوين صندقة الكبيرة في الحوش وسوين داخل الصندقة مقاسل على صوب وحمام الصغير وسوين بعض الديكور للغرفة و مستلزمات الي انتي بتستخدمينهم وصور التعلقينهم على الجدران والبومات صور للثيوف الجوفونهم ويختارون منهم انشاء الله باتوفيق انشاءالله يتحقق الي فيبالج يابعد قلبي