صباح الخير حبيباتي
من شوي وبالتحديد الساعه 7 ونص صباحا كنت افطر في امان الله:21_21:شوي الا حاطين اعلان في قناة Alpha Shop اعلان عن منتج :21_235: قلب كياني فوق تحت خلاني افز فزه ع الرموت ابي اطول ع الصوت هذا المنتج الله يسلمكم للـ اولا ابيكم تتصورون الي باقوله وعيشوا معاي التعبير بحذافيره :21_129:
بطن مترهل ترهل ومخطط مثل شوارع وازقة ومطبات حاره قديمه:cry: وسره داخله لداخل مايبان هل هي فتحة قرشة بيبسي ولا مغارة علي بابا من كثر وسعها واختفاء معاليم السره الي كانت سره:dd: ولا ننسى الطامة الكبرى البطن طايح ع الي خبري خبرك ماينشاف ياحرام الا لمن نجيب الونش عشان نرفع الكرشه ونشوف باقي اجزائنه الي تغطت:poster_ban: ههههه
المهم ماابي اطول عليكم بس عشان اوريكم الصوره البلاغيه للمعاناه الي تعاني منها اكثر الامهات الي انجبوا ومأساتهم الي مانفع معاها لا جل ولا كريم ولا رياضه ولا رجيم وعشان ابين لكم كيف نطيت انا يوم شفت الاعلان :poster_dots:طيب اخلصي المنتج اسمه regene ويقولون انه في خلال اسابيع يغير الشكل يشد ويخفي التجاعيد طبعا انا قعدت الاحظ كل حبة خال في بطن العارضات وكل شعره وكل ماركه في بطنهم قبل الاستعمال وبعده عشان اتاكد انها نفسها مو وحده غير :think: امحق المحقق كونان
واليوم انشالله باتصل عليهم باسال كم سعره بس خايفه يكون زي الي شريته من قبل نيو تودي الي للخطوط من حيوان الحلزون ماغير شي ابد وسعره 250 ريال وحجمه تحطينه في كف ايدك مايبان بس شاسوي الاعلان مغر جدا حبيت اخبركم عنه يمكن حد استخدمه وشاف نتيجه او مااستفاد منه ويخبرنه عنه
الله يخلي اجسام كل وحده في هالمنتدى خالي من الخطوط والترهل وموحد اللون قولوا آمين


