ارجو المساعده من مغتربات امريكا ولكن الدعاء بظهر الغيب

السلام عليكم ورحمة الله وبركاته

ازيكم يا بنات بتمني تكونو كويسين في الغربه ان شاء الله

انا اسفه لو هتعبكو معايا بس انا عايزه منكم طلب وياربت تردوا علي سريعا ووالله سوف ادعو لكل واحده من كل قلبي بظهر الغيب يمكن تكونو سببا في حدوث الخير لي ربنا يكرمكم

انا رايحه قريب ان شاء الله اقدم علي فيزة امريكا بس خايفه وحاسه اني ممكن اترفض مش عارفه ليه

يمكن لاني معنديس خبره كفايه وعشان بسمع ان فيزة امريكا صعب الحصول عليها وده عاملي نوع من الاحباط

بس برضو هتوكل علي الله وهروح وكلي امل ان ربنا يسهلي الامور ويجمعني مع زوجي يارب واكيد كل واحده فيكم هتحس بيا اني بعيده عن زوجي بقالي فتره طويله ومش عارفه يمكن ربنا يجعلنا نصيب ويجمع بيننا قريب واقدر احصل علي الفيزا وتكونو انتم سببا في ذلك ولن انسي لكم هذا المعروف ابدا والله

انا كل اللي طلباه منكم انكم تحكولي بالتفصيل كيف تكون المقابله في السفاره وايه هي الاسئله اللي ممكن يسألوها

واقول لهم سبب سفري ايه ؟

وايه هي الاحتياطات اللي ممكن تخليهم يرفضوني وايضا ايه الحاجات اللي ممكن تخليهم يوافقو علي اعطائي الفيزا

وكم المده التي استغرقتها السفاره في الرد علي طلب الفيزا سواء بالقبول او بالرفض

واخر سؤال هو المقابله كانت باللغه العربيه ام باللغه الانجليزيه؟

ولو اي واحده عايزه تساعدني او عايزه تفاصيل عن موضوعي تبعتلي علي الخاص وانا احكيلها المشكله يمكن تقدر تفيدني وتنصحني بما انها خاضت التجربه من قبل

ارجوكم تردو عليا ضروري لاني نفسيتي تعبانه جدا بسبب الموضوع ده لاني بعتلكو قبل كده بس محدش رد عليا ولا اهتم بموضوعي

ولكن والله لو عرفتو قصتي وكيف اني لم اجلس مع زوجي سوا شهر واحد بعد زواجنا وكيف اني لم اشعر يالاستقرار واننا مفترقان من سننين هصعب عليكم ومحدش يقدر يتخيل الاحباط اللي انا فيه