حمام محشى وملوخيه خضره بالمصررررررررررررررررى

ازيكوااا:X_hell1: يا احلى عرايس :21_209: النهارده ان شاء الله حنعمل الحمام المحشى والملوخخيه بالطريقه المصريه نبدا
بسم الله الرحمن الرحيم

الاول نغسل الحمام كويس ونضفه ونسيبه يصفى الميه بتاعته

ونجهز الحشوه الى هى رز بالخلطه بس مش نسويه على الاخر نخليه شويه بعد ما يشرب ميته وببعدين نطفى عليها
حنبشر بصله ونقطع الاوانص ونسويها وبعدين نضيف الكبده اللى مقطعنها والملح والفلفل والرز المغسول ونزود ميه ونسيبه على النار والطريقه بالصور على الللينك ده
ارز بالخلطه + فراخ مشويه +.............. - منتديات عروس

نحط على النار حله فيها ميه وبصله مقطعه وملح وفلفل وحبهان ونسيبها تغلى على ما نحشى الحمام

نبدا بحشو الحمام من جوه الاول

وبعدين نحشى تحت الجلد واحنا بنغسل الحمام نفتح الجلد بصوابعنا بس براحه هشان ما يتقطعش

وندخل رجلين الحمامه فى الفتحه اللى تحت بالشكل ده

لحد مانخلص الكميه نحطهم فى الميه اللى بتغلى ونسييبهم لحد ما يتسلقو ومش بياخد وقت كتير عشان كده مسوين الرز نص سوى

وده بعد ما ستوى

وبعدين ندهن الحمام بمعلقه صغيره صلصه طماطم

ونحمره فى زيت وسمنه مع بعض خلى بقى الشكل النهائى فى الاخر:21_154: نعمل دلوقتى
الملوخيه

نقطف الملوخيه ونغسلها كويس

نفردها على فوطه نضيفه عشان تنشف شويه

نخرط الملوخيه لحد ما تبقى ناعمه بالشكل ده

نحط فى حله شويه من شوربه الحمام اد كوبايه ونص كده منكترش فى الاول عشان الملوخيه ما تسقطش مننا ونحط الملوخيه انا استخدمت نص المقدار الللى انا عمله ده وشلت الباقى فى الفريزر

ونقلب لحد ما الملوخيه تتدوب ومش يبقى فى اى تكتلات على نار هاديه

ونحمر فصين توم كبار مدقوقين مع معلتين سمنه

لما تتحمر نحط عليها معلقه كسبره مطحونه

ونحط التومه على الملوخيه

ونقلب ونظبط ملحها ولو حسيتى انها تقيله ذودى كبشه شوربه

ودى بعد ماخلصت ومنغطيهاش لو عايزه تغطيها يبقى بمصفى عشان ماتسقطش

وبس ونعمل رز ابيض للملوخيه وكده خلصنا

الشكل النهائى بقى اهوووووووووو

دى الملوخيه

الحمام

صوره جماعيه
معلش مصورتش الارز الابيض بقى

مستنيه ارائكوا يا حلوين ولو عجبكوا الطبق ادعولى وقيمونى

:groupwave:

:BOUNCE8:

:Zd_bye_3:

ادعو لى بالذريه الصالحه والمسلمين اجمعين