..أسهل وأحــلـــى جيز كيك ...؟ صدقوني :):)

السلام عليكم ورحمه الله وبركاته


شخباركم يا حلوووات ...؟

هذا اول موضوع لي بهالقسم وان شاءالله افيدكم بطريقتي للجيز كيك
والله والله انها مو لذيذه اروع من اللذيذه


واتمنى ان عجبتكم تدعولي فديتكم


المقادير
بسكوت دايجتسف (علبه صغيره)
زبده 100 غرام
4 بيضات
نص ليمونه
وملعقه صغيره فانيليا
وجبن فلاديفيا 600 غرام
وكوب سكر


الطريقه
الطبقه الاولى اتفتتين الباسكوت وتذوبين الزبده وتخلطينها مع البسكوت وتحطينه في قاع البايركس او الصحن المتحرك الخاص بالجيز كيك وتكون طبقه سطحيه متساويه

الطبقه الثانيه تحطين بالخلاط البيض ووالسكر والفانيليا وجبنه الفلاديفيا ونص ليمونه عشان زفره البيض تروح وتخلطينهم بالخلاط عدل مدل يا حلوات

وبعدين حطي الطبقه الثانيه فوق البسكوت ودخلي الخلطه بالفرن حوالي 45 دقيقه
وبعدين طلعيها من الفرن ولي طلعت انتظري عليها لين تبرد وحطي الدرسينق اللي انتي تبينه
انا احط بالعاده توت البري او اسوي حمام مائي للسنيكرز واضيف عليه اشويه قيمر وتقدرين اتحطين التوفي عليه وبعد جذي حطيها بالثلاجه لين يكون موعد التقديم :)


وبالعافيه حبايبي

الطريقه سهله وطعمها جد روعه صدقوني ماراح تندمووون ان جربتوها


والسموحه على الاطاله :)