علامات تمدد الجلد اثناء الحمل و بعد الولادة .. هل جربتي ؟؟

انا استخدم الي قبل الولاده
بس مادومت عليه
انتي استخدميه من بدري
عشان يفيدمعاك

أختي مش عايزة أخيب ظنك بس لازم أقولك تجربتي

أنا في حملي من بداية الشهر الرابع وأنا أدهن بطني مخلتش حاجة إلا وعملتها جربت جميع الكريمات والزيوت الطبيعية ومع ذلك ظهرت التشققات في الشهر التاسع بشكل كبير ولما ولدت بطني صار شكلها مرعب مش قادرة أكشف عليها قدام زوجي لأني متأكده انه حينصدم:confused:

تسلمين اختي فرروحه على ردج .. استخدمتي مثل الي انا حطيت صورته لكريم الي عليه صورة وحده حامل ؟؟ هل نفع معاج عن علامات التمدد ؟؟

اختي عروسه مغربيه .. الحمد لله على سلامتج .. و الله ادري ان ما فيه شي ينفع بس مين يدري نستفيد من تجارب بعض ويمكن نتفائل اذا فيه كريم معين نفع مع وحده منا كلنا هجوم عليه نستخدمه

الى الان بطني ما فيه تشقق ولا شي بالعكس صافي ويلمع كانه صلعه خخخخخ
بس طلع لي خط الحمل من السره الى تحت بس لونه بني فاااااااااااتح و خايفه يتحول الى اللون الاسود في الاشهر الاخير او لما اولد ...

سمعت ان زيت الزيتون زين ياترى استخدمتيه ؟؟؟



و ننتظر باقي البنات .. من جربت لكريم الي حطيت لكم صورته تدخل تعترف لنا

اختي راح اقولك تجربتي انا كنت في الحمل خوافة جدا يعني اخاف اني استخدم كريمات كنت ادهن زيت زيتون لين جيت الشهر السابع طلعتلي تشققات رهيييييييبة يعني ما نفع زيت الزيتون معي و بعد الولادة استخدمت الكريم اللي انتي حاطة صورته و صراحة قلل من شكل التشققات الي حد كبير و لاني كسولة ماداومت و الان انا حامل و راح استخدمة انشا الله عشان اثار التشقق تختفي تماما و الله معك

انا بحملي الاول كلش ماطلعت لي تشققات ببطني نهائيا و هذا الشي الغريب !! لأنه بطني صار كبير واجد و الله يستر من هالمرة .. بصراحة اخذته هذا كريم بالمرز بس ماداومت عليه لأنه بارد و الحين الجو برد ماقدر خخخ !

و انا و حظي !

ومنكم نستفيد

حبيبتي انا جلست فرحانه ببطني ومحتفله فيه:D
الين وصلت نص الثامن تشقق من حوالين السره صارت مثل الدوائر :ss:
مع اني يوميا" ادهن بزبدة الكاكاو وتخيلي احط بعد فازلين من بداية الصدر الى اسفل السره ورغم العنايه والاهتمام والانتباه للوزن <<<<<<تشقق الجلد :confused:
وصار لونه بني غامق ... يعني لو تسوين اللي تسوين لازم ان الجلد يتمدد انا ماصدقت احد وقلت اللي بتحطمني اكيد اهملت بنفسها ومادهنت الجلد << بس بعد ماشفت بنفسي صدقتهم ..

(( ملاحظه الكل نبهوني مااستخدم كريم بالمرز اللي انتي حاطه صورته .. قالولي ماسوى شي .. عشان كذا انا استخدمت زبدة الكاكاو وابحط لك صورتها ))


طبعا" في للحوامل شكلها اسطواني بس انا استخدمت ذي ومن فوقها ادهن بفازلين ويوميا"


مع ان اختي شافت بطني وقالت احمدي ربك ماطلع لك شي لأنك اهتميتي فيه ..
والله لايضيع تعب ...

مرحبا ياالغاليه والله يتمم لك حملك على خير وسلامه ..

أنا عن نفسي استخدمت الكريم الي بالصوره بس كنت كسووله جدا وماداومت عليه وبدت تطلع لي الخطوط في اثناء حملي والحين بعد الولاده انصدمت لمن شفت شكلي بطني مرعب حتى انو مي لمن شافت بطني خانقتني كثير وقالت لي هاذا كله من لبس الضييق هههههه لكن خالتي كانت كل يوم تدهن بطنها بزيت بيبي اويل من جونسون وماشاء الله ماطلع لها الا خط واحد الي هو خط السره شوفي ياحلوه انتي قد ماتقدرين رطبي بطنك لأنوا الجلد يتممد ويتشقق طبعا واذا كان جاف اكيد بيغمق فأنتي كل يوم لمن تخلصي شاور ادهني بـــ بيبي اويل ثم اذا طلعتي تنشفي وادهني بزبده الككاو وباليل لاتنسي زيت الزيتون هو معروف انو يفتح لون البشره انا برضو سمعت عن زيت المراميه انوا يفتح كيير الخطوط والحين انا بالنفاس وباديه استخدمه بس ابيك تسالين اذا ينفع للحامل توكلي على ربك واستخدميه لأنوالي خبرتني عنه كانت تستخدمه بعد الولاده اهتمي ببطنك من الحين علشان حتى لو طلعت لك بلاوي تكون اخف اذا حسيت انك استفدتي من كلامي لاتنسين قيميني ..وبالتوفيق ..

بداية حملي كنت ادهن بزيت الزيتون .. ومن الشهرالثامن صرت ادهن
بالكريم اللي انتي حاطه صورته ... مع كذا طلعت لي تشققات ...