من الامارات تجربتي العجيبة وتضييق وتجميل المهبل ..!!!

r

ruba_s

عروس جديدة

25-01-2009 | 08:18 PM

السلام عليكم ورحمة الله وبركاته ..:)

خواتي العزيزات أنا حبيت أكتب لكم اليوم عن تجربة عجيبة لي بهذا المجال ترددت وايد أني أخوض هاي التجربة وخصوصا أنها للوهلة الأولى مخيفة ولها ارتباط بالأوجاع والدم والبنج والخياطة والدكاترة والمستشفيات وألخ ... طبعا وكل هذا الأمور يوم نسمعها نقول دوم الله يبعدها عنا ويبعد الشر وما نحتاج لها انشاء الله في مسيرة حياتنا ,, لكن في بعض الأوقات في ضرورات ملحة تخلينا نخوض هالتجارب ,, ممكن البعض يقول سالفتي هب ملحة ولا ضرورية عشان تغلبين عمرج وتسوينها ,, لكن تجربتي غيرت وايد أمور بحياتي بخبركم عنها بعد ما أخبركم شو هي التجربة ..
تجربتي هي أني سويت عملية تضييق وتجميل المهبل ,, هههههههه ,, يمكن البعض يقول هذي هي التجربة شي عادي البعض سواها والبعض الأخر يقول سمعنا عن ناس سووها .. لكن عملية عن عملية تختلف .. الي أنا قصدته هب العملية اللي يسوونها الدكاترة للحريم بعد الولادة ويقولون انها تضييق للمهبل ,, لاااااااااااااااا هذا الي تقصدونه عادي أغلب الي يولدن يسونلهن هالعملية .. لكن أنا عانييت وايد بصراحة في السابق من وساع المهبل وسويت هالعمليات في المستشفى بعد الولادة لكن بعد مرور فترة يرجع التوسع مرة ثانية والتوسع طبعا يرافقه ترهل المهبل داخليا وخارجيا وبعض التشققات ,, وجربت التحاميل المهبيلة والبودرة حق التضييق لكن ما فاد شي .. أنا أدري أنه وايد حريم يعانون لكن نحن بحكم مجتمعنا وعاداتنا نخجل ونستحي نرمس عن هالأمور ونحاول أنه نقنع عمرنا أنه في أمور أهم من هالشيء عشان نفكر فيها وأنه التفكير والتركيز فيه تفاهة والخ....... لكن الموضوع مهم مثله مثل غيره من الأمور الصحية الي تهم الناس وبالذات الطبقة المثقفة ..

وطبعا الكل يعرف أنه طبيعة المهبل عند الأنثى يعتبر جزء من أعضاء الجسم عند الأنسان , وأعضاء الأنسان مع مرور الوقت وكثرة الاستهلاك يصيبها الترهل وتفقد الحيوية وتضعف وما تعود بنفس الشكل والمظهر والخصايص وما تقوم بدروها الطبيعي كاملا مثل ما كانت عليه في السابق وتختل وظايفها ,, مثل بعض الناس اللي يعانون من قصر النظر مع تقدم العمر أو كثرة الدراسة والقراءة , والبعض يصيبه وجع في ريوله ويصيبه روماتزم هم بعد مع تقدم العمر وكثرة المشي واستهلاك الأرجل كعضو من أعضاء الأنسان , والبعض الأخر من الناس يصيبهم ترهل وتجاعيد في الوجه مع تقدم العمر , والبعض تتأكل أسنهانهم مع تقدم العمر وكثرة استهلاكها من أكل يومي ومضغ والبعض السمع يضعف عندهم مع تقدم العمر و و و و .. ألخ .. يعني في النهاية هاذي كلها أعضاء من جسم الانساء يصيبها الضرر مع تقدم السن وكثرة استخدامها واستهلاكها , والأن تقدم الطب وصارو يسوون عمليات الليزر حق النظر لتحسينه , وجراحات حق الأرجل والمفاصل لتقويتها , وجراحات شد الوجه وتجميل البشرة ووووو .. حق اعادة جمال البشرة والوجه ,, وهناك بعد تجميل الأسنان وتركيب اليديد منهم والجسوروالتبييض ووووووووو الخ ...

أنزيييييييييييييين أحينه بالنسبة للمهبل .. شو الحل ........؟؟؟؟؟؟؟؟ يعني نهمل موضوعه ونعتبره شي تاااافه ... لااااااااااااااااا هاذا الشي الغلط ,, أنا هنيه حبيت أوصلكم أنه المهبل عضو من أعضاء الأنثى لازم اعطائه أهميته والمحافظة عليه مع مرور الزمن وحتى مع تقدم السن وكثرة الولادة مثله مثل باقي أعضاء الجسم ... طبعا أحينه بتقولون عني وايد طولت عليكم وما تكلمت عن تجربت العملية ..

بالنسبة لعملية تضييق المهبل وتجميله يلست أنا فترة طويييييييييييييييييلة أقرأ عن هالموضوع وأتثقف فيه وأسأل عن معلومات , حتى أني في الصيف الي طاف كنت بأجازة مع ريلي [FONT=Simplified Arabic]والأهل في أمريكا وسألت هناك عن هالعمليات بأكثر من عيادة نسائية ومراكز تجميل خاصة وعدة أماكن واكتشفت أنهم وايد يسوونها ومنتشرة بكثرة هالعمليات عندهم وحتى حريم أعمارهن بالستينات يسوونها ..[FONT=Calibri]!! وبكل عيادة عندهم كتالوج يعطوه للحريم يناظرونه وتختار أي شكل من أشكال المهبل تريد ههههههههه الله يهديهم .. بصراحة كن أرفض أطالع الكتالجوت اويهي يحمر قدامهم وريلي يرفض على استحياء بعد وهم يستغربون منا :o .. طبعا عندهم دكاترة رياييل وحريم ..[/FONT][/FONT]

[FONT=Simplified Arabic]ما بطول عليكم السالفة .. ومن يوم رديت البلاد من الصيف الماضي وأنا أفكر بهالعملية وخاصة أنه زوجي ما يمانع وهو صارحني بأنه منطقة المهبل من أكثر المناطق الي تأثر وايد بالريال وتزيد شهوته مع حرمته يوم يطالع هالمكان قبل بداية العملية الجنسية بينهم , وأدا كان المنظر الخارجي قبيح او غير لائق يخلي الرجل يقززز وشهوته تقل .. وكان زوجي يعاني وياي بسبب التوسع الي عندي وخاصة بعد ولادة أربع عيال والحمد لله وصار متملل وأخاف وأغار عليه واااااااايد وكان الملمس الخشن والترهلات الى عندي بهالمنطقة معذبتني ودوم مسويتلي قلق وعوار راس ...[/FONT]

[FONT=Simplified Arabic]ومن شهر ونص سويت عملية التضييق والتجميل هنى في الامارات وعقب تشجيع من ربيعتي الي سوت نفس العملية من ست شهور عن دكتورة اتعرفها , وطبعا بالطريقة اليدوية بدون أي أجهزة خارجية أبدا ,, وبالفعل أنه الفرق بين السما والأرض والتضيق وايد زين وعضلات المهبل مشدودة وقوية وخاصة أن العملية من الداخل ومن الخارج ومدتها ساعتين طبعا تشتمل )) تضييق + تجميلي (( ..وبالبنج الموضعي طبعا وبعد عملية تجميل الشكل الخارجي للمهبل وترميمه تزول التشققات والخشونة نهائيا ويرد شكل المهبل لشكله الأصلي بدون أي ترهلات أو ندب أو لحميات زايدة من أثار الولادة وخياطة المستشفيات والمنظر المتعفس فوق تحت ,, أسفه على هالألفاظ ,, :o
وشكل المهبل الخارجي للحرمة يرد مثل ما كان يوم كانت بنت قبل الزواج وتزيد جاذبيتها عند زوجها .. ومتعة الزوج ترد مرة ثانية كأنهم متزوجين من يديد بنفس الرومانسية والدلع .. والله العظيم حتى النفسية تتغير ,, أنا نفسيتي وايد اتغيرت وزادت ثقتي بنفسي صوب ريلي وايد ويكفي أني مرتاحة لأني بأذن الله أقدر أحافظ على ريلي وبيتي ,, ,,:)(f):D

خواتي الي يعانون ترى الموضوع مهم جدا وأظن يشغل بال وايد من الحريم الي يعانون منه ,,, ولا يجب اهماله حتى للي اعمارهن بأواخر الأربعينات أو الخمسينات النتايج مثل ما قريت وسمعت وايد زينة والعلم كل يوم عن يوم يتطور فكل المجالات والمفروض كل وحدة تهتم بعمرها وبكل جزء من أجزاء جسمها وما تهمل أي شي , لأن المغريات حق الزوج صارت واااااايد برع البيت , اوايد رياييل عينهم زاغت بسبة الموضوع الي أنا كتبت عنه اليوم , وغير الي تزوجو على حريمهم وحدة وثنتين .. ووووووووو والله يكون المستعان ..

وانشاء الله تكون تجربتي فايدة للجميع ,, طولت عليكم ..
والسمووووحة ..:)

[/FONT]

د

دوحة الجميع

عروس نشيطة

25-01-2009 | 08:25 PM

الله يحفظ زوجج من المغريات ويجعلج قرة عين ولا يشوف غيرج ابد

الشيخة اشكرج على الموضوع

بس ممكن تطرشين لي اسم الدكتورة اللي سويتي عندها ورقمها وفي اي اماراة

ماقصرتي

اللهم صلي على رسول الله

ف

فديت حبيبي

عروس مبدعة

25-01-2009 | 08:40 PM

الله يهنيج ان شاء الله وترا الموضوع واااااااااااااااااااااايد مهم مشكوره على نقل تجربتج

بس ممكن تطرشين لي اسم الدكتورة اللي سويتي عندها ورقمها وفي اي اماراة وكم كلفتج العمليه

ومشكوره

ن

ناويه اعقل

عروس مبدعة

26-01-2009 | 04:33 AM

بصراحه انا اشوف هالشي جدا" مهم في العلاقه الزوجيه واستغرب من اللي زوجها مستعد انه يدفع دم قلبه عشان تسوي هالعمليه .. وهي ماترضى عشان تخاف من الوجع المبالغ فيه ..
انا عني لو احتجتها مابتردد لحظه اني اسويها .. واي شي يجيب السعاده لي او لزوجي الله يحييه ..

مشكوره حبيبتي على طرح التجربه .. وتتهنين ان شاء الله

ف

فرروحه عروس

عروس فضية

26-01-2009 | 05:37 AM

مشكووووووووورة
الله يبعد عنا هالتوسعاااااااااات
امين

F

FLoOoOoOoNA

عروس مبدعة

26-01-2009 | 01:51 PM

هلا اختي...الله يسعدج يارب، الغالية ممكن اتخبريني وين سويتيها...؟؟؟ وهل ممكن اسويها بعد الولادة على طول؟؟

s

sha3oola

عروس برونزية

26-01-2009 | 02:10 PM

مشالله حلو الله يهنيكم

بس ابغا اعرف كيف الوحده تعرف انها متوسعه من تحت ؟؟

ا

اماراتيه كيوت

عروس فضية

26-01-2009 | 02:11 PM

مشكوره على طرح تجربتج...~
والله يوفقج

f

fatimaa

عروس جديدة

26-01-2009 | 06:46 PM

ماشاء الله عليج أختي :) ,, مبروك نجاح العملية .. وطبعا الموضوع وايد مهم أكيد
والي يعانن منه وايد .. مشكورة على طرح التجربة والله يديم لج ريلج ويحفظلج عايلتج ..

ا

امل حر جدا

عروس جديدة

26-01-2009 | 07:33 PM

الله يسعدك مع زوجك يااااااااااااااااااارب

ب

بنوتهـ حلوهـ

عروس جديدة

26-01-2009 | 09:06 PM

الحمدالله على السلامه بس ما قالتى وين مكان الدكتوره والعياده مالها

o

om asmaa

عروس ماسية

26-01-2009 | 11:48 PM

الله يهنيج ان شاء الله

&

【 فجـــر 】

عروس مبدعة

27-01-2009 | 12:06 AM

الله يهنيك ان شاء الله

عندي كم سؤال عن العمليه اذا ممكن :

الي تسوي العمليه تطلع في نفس اليوم ؟

وما مدى الالم اللي تحس فيه ؟

وكم يوم يضل الالم ؟

وشكرا مقدماً

r

ruba_s

عروس جديدة

27-01-2009 | 04:20 AM

هلا بالخوات .. دوحة الجميع .. فديت حبيبي .. ناوية أعقل .. فروحة عروس ..
floooooooona ... sha3oola .. اماراتية كيوت .. fatimaa .. أمل حر جدا .. بنوته حلوة ..
ريم الصحراء .. فجر ..
مشكوووووووووورات الغاليات كلكن على مشاركاتكم الطيبة ..:) وكل الي طلب عنوان
الدكتورة ورقمها طرشتلهم عالخاص ..

r

ruba_s

عروس جديدة

27-01-2009 | 04:27 AM

【 فجـــر 】;8581981:
الله يهنيك ان شاء الله

عندي كم سؤال عن العمليه اذا ممكن :

الي تسوي العمليه تطلع في نفس اليوم ؟

وما مدى الالم اللي تحس فيه ؟

وكم يوم يضل الالم ؟

وشكرا مقدماً

هي نعم أختي الي تسوي العملية تطلع بنفس اليوم أكيد , وبالنسبة للألم
ماشي بيكون لأنه في تخدير موضعي يغطي المنطقة الي أتم فيها الجراحة ,
وبعد العملية يكون فيه ألم بسيط يروح بعد يومين بالكثير ..

والسموحة ..(f)

ع

عيون وليد

عروس ماسية

27-01-2009 | 04:28 AM

يسلمووووووووووووو على نقل تجربتك

كلامك سليم المهبل من اهم المناطق الي بجسم المرأه الي المفروض تهتم وتعتني فيهم

بس بسالك مؤلمه العمليه وكم تقعدين بعد الولاده لين يروح الالم لان اختي سوتهااااا وجلست تقريبا 3 شهور وهي تحس مثل الشوك بالمنطقه وحتى وقت العمليه الجنسيه تحس بالم
ياليت تجاوبي على سؤالي ؟

دمتي بحفظ الله

9

90909

عروس مشاركة

27-01-2009 | 04:37 PM

ممكن التفاصيل على الخاص

وين سويتيها ؟؟

و بعد الولاده تصير او لا ؟؟

و كم تكلفتها ؟؟

r

ruba_s

عروس جديدة

28-01-2009 | 01:43 AM

عيون وليد;8584578:
يسلمووووووووووووو على نقل تجربتك

كلامك سليم المهبل من اهم المناطق الي بجسم المرأه الي المفروض تهتم وتعتني فيهم

بس بسالك مؤلمه العمليه وكم تقعدين بعد الولاده لين يروح الالم لان اختي سوتهااااا وجلست تقريبا 3 شهور وهي تحس مثل الشوك بالمنطقه وحتى وقت العمليه الجنسيه تحس بالم
ياليت تجاوبي على سؤالي ؟

دمتي بحفظ الله

الوحدة ما تحس بألم لأنه فيه تخدير موضعي يغطي منطقة العملية , وأنا كنت أسولف ويا الدكتورة أثناء العملية وهب حاسة بشي ,, وبعد العملية يكون في ألم خفيف يزول خلال
يومين وبعد جي الأمور طيبة وما في أي مشاكل والحمد لله ,,
وبالنسبة لأختج ما أدري وين سوتها وعند منو ترى يعتمد على الدكتورة وكفائتها
ونظافة وتعقيم أدوات العملية والخياطة ..

والسموحة ..

4

4lay

عروس نشيطة

28-01-2009 | 02:19 AM

هلا إختي ربا ممكن تطرشيلي إسم الدكتورة وكم كلفتج ؟؟؟

&

【 فجـــر 】

عروس مبدعة

28-01-2009 | 03:37 AM

هل العمليه هاذي محتاجه طريقه معينه للعنايه بعد العمليه

مثل العنايه بعد الولاده الطبيعيه يعني ولا غير ؟

ومتى تقدر الوحده تمارس الجماع .. بعد كم يوم من العمليه ؟

وشاكره لك تجاوبك معانا ويعطيكي ربي كل عافيه