شسوي بالخياطه ساعدوني

اولا الف مبرووك البنيه وتتربى في عزك والحمدلله على سلامتك
حبيبتي عليك بالديتول الاخضر حق العنايه الشخصيه حطي في قطن وامسحي فيه كل مادخلتي الحمام وإذا التأم الجرح تذوب الخيوط لوحدها انا قعدت فيني واحد وعشرين يوم وهي تختلف من وحده لوحده والله يشفيك يارب

الحمد لله على سلامتك و ألف مبروك..
أول شي خليك جالسة على جنب دايما وانتبهي لا تجلسين جلسة عادية.. الجلسة العادية تضغط على الخياط ويمكن ينفك أو يلتهب وخصوصا إدا كان جلدك رقيق.. وبعدها ما راح تخلصين من المشاكل
حافظي على جفاف المنطقة .. نشفيها دايما بعد الحمام بالمناديل وبعدين بسشوار دافي
عقمي المنطقة بس باعتدال لأن التعقيم الشديد بيسبب ظهور فطريات وأولها الكانديدا..
في أشياء وخلطات كثيرة لهذي المنطقة سمعت عنها..لكن مااقدر أفتيكي
الشي الوحيد اللي ممكن أنصحك فيه هو "المرة" أو "المر" خذي ملعقة كبيرة مر و حطيه في كاس ماء عادي واتركيه ليلة.. بعدين اشربي منه شوي مع أي مشروب ساخن حوالي ثلاث مرات باليوم وخلي جزء كبير منه علشان تضيفينه لماء الشطف الأخير كل ما رحتي الحمام.. المر يجفف الجرح ويعقمه ويقولون انه مضاد حيوي طبيعي معتدل وإن شاء الله يساعد في التئام الجرح بسرعة.. ومافي وقت محدد علشان تطيح الخيوط يختلف من وحدة للثانية.
كمان سمعت عن بخور نوى التمر.. وجربته واستفدت منه لكن ما أدري إذا بيسبب لي مشاكل مستقبلا.. اسألي الكبار ولا تستحين من الوالدة..الخبرة عندهم بإذن الله
بالتوفيق

[GLINT]ألف مبروك يالغالية.. والحمدلله ع سلامتج..[/GLINT]

بالنسبة للخيوط تختلف بين وحدة والثانية مثلا الأخت اللي ردت تمت 21 يوم

غيرها يتم اسبوعين وفيه وحدة تقول عشر ايام .. يعني تختلف بحسب نوع

البشرة ..وبعدين حبيبتي لا تقعدين على جنب حاولي تقعدين على شي

مشدود مثل المسند لا تقعدين على مخدة أوكنبة لأنها رخوة ومابتشد لج

المنطقة المخيطة.. وبيطلع لج مكان الخياطة آثارها يعني المنطقة بيكون فيها

تضاريييييس.. آسفة على التعبير بس أبي أوصللج الفكرة ..

ألحين أقولج طريقتي .. بعد ماأغسل وأنظف نفسي .. تكون الشطفة الأخيرة

بماي المر المنقع .. أو ماي مع ملح ...بعدين ماأغسله أجففه شوي بالفاين

وبعدين آخذ زيت زيتون في الفاين وأمسح بالعدال المكان اللي فيه الخياطة

وأحط بعد في الـفوطة النسائية زييييييت زيتون علشان تليــّن الخيط ولا يشد

معاج وإلا بيعورن لأن المر والملح ينشفون المكان وبالتالي بينشد

وبيعورج ...وهذي طريقتي المعتمدة والمريحة والله ..وقايلتها وحدة مسادة ..

انشاء الله أكون أفدتج وياليت تسوين طريقتي وتريحج ..وأي شي أنا حاضرة

ممكن تراسليني ع الخاص يالغالية..

وأدعيلي فديتج دعوة النفاس مستجابة .. .

الله يرزقني بالولد الصالح التام الخلقة ..في هذا الشهر ..

[GLINT]
وآآآآآآآآآسفة ع الإطاااااااالة ..
[/GLINT]

حبيبتي مبروك البنوته وحمداً لله على سلامتكم
الأخوات ما قصرن بالنصائح ..
و اكو موضوع للأخت انكساري شموخ
طبعا تجربتها الشخصيه مع خيوط الولادة والحرقه ..
يمكن يفيدج ,,

http://www.3roos.com/forums/t423302.html

شوفي حبيبتي وعن تجربتي الشخصية

فية عشبة عند العطار اسمها خوا جوا
والله مدري اذا لها مسمى ثاني
هي كانها اعواد ولونها احمر مايل على البنفسجي
يعني عناااااااااااااااابي غامق
تجيبين منها والله مدري بالضبط وش كثر
ملي يدينك مرة ونص
تحطينها بقدر وتزيدين عليها زيت زيتون
مو شرط اصلي العادي اللي من البقالة
وخلية لين يغلي 10 دقايق
وبعدين صفي الزيت بعلبة تكون واسعة من فوق
مثل علبة حليب الاطفال
وغطي شاش او مناديل بالزيت وحطي على الجرح مباشرة
او حطي الشاش فوق الفوطة ويكون مبلول بالزيت
والله بتحسين برااااااااااحة وليونة غير طبيعية
بس لاتزيدين عن 10 ايام بالكثير لانة يطري الخيوط
وبس مرة باليوم او مرتين اذا حسيتي انك محتاجة

والله انا يوم ولدت امي نست تسوي لي اول وثاني يوم
ياسلااااااااااااام يوم سوتة انواع الراحة والاسترخاء
بس انتي لاتقعدين مباشرة على الخيوط
خلك على جنيب خخخخخخخخخخخخخخ

وفي ناس تستخدم مرام من الصيدلية مثل ميبو
بس انا ماقد استخدمت مراهم بتاتا
والحمدللة على سلامتك
وعلمينا بالنتايج

انا استخدم المر الصراحة خطير وكمان استخدم المر مع زيت الزيتون للترطيب

up
up
up

الحمدلله على سلامتج

الله يعيييينج تعوور حدهااا :(

اهم المستشفى المفروض يعطونج كريم لها

و اذا ما عطوج .، في بخاخ بالصيدليات يبيعونه زين بعد

انا قريت فى احد المنتديات خلط الكركم بزيت زيتون ودهن الخياطه فيه يعتبر مسكن وتطيح بسرعه

شوفي حبيبتي عن تجربه انه استخدمت من الحواج شي اسمه المقلى هذي اسمه في البحرين في الكويت ما ادري شنو اتسمونه
هذي امسح الخياطه به بقطعه شاش هذي ينشف الخياطه ويطيح الخيط بسرعه مايجي اسبوع الا طاح بعدين اخذ مرهم من الصيدليه الحين اسمه مايحضرني بس هذي المرهم نفسه الي يعطونه حق الولد لما يطهرونه تحطينه على الخياطه هذي اتلين الخياطه وماتالمج هذي الالم



انشاء الله افيدج
مشكوره

مبروك النونو
المويه الدافي مع الملح مره حلو يخلي الخياط يبرا بسرعه

مرحبا..

البنات ماقصروا بالردود بس انا بزيد عليهم شي واحد وهو خلطه (مره منقعه +زيت زيتون + ارطه )امي سوتها لي وعبتها بغرشه وكل ماادخل دورة المياه واجي ابدل الكوتكس كنت آخذ من هالخطه واصب على الكوتكس والبسها ..

ووحده من صاحباتي انصحتني بشغلتين ..
1_ اول الأليام اتنقع في بيتادين هذا زي الديتول تلقينه بالصيدليه ..
2_ وآخر الأيام اتنقع في الأرطه لأنها تساعد على التضييق ..

وأنا الحين بالنفاس يعني مابعد اعرف النتيجه ..

خلج من هاي كله

وتنقعي بمااي فيه مره وشوية ملح

يوم او يومين وبتشوفين النتيجه والخيوط بتطييح انشالله

غرييبة امج ماسوت لج هالاشيااء اكيد ماتعرفونها

المهم سويها وادعيلي .. وبالتوفيــق

الحمد الله على سلامتك ياالغاليه ومثل ماقالوا الاخوات المره مضااااد حيوي وزين تتشطفين فيه واذا جاك شمم يعني شميتي ريحه عطر او شي اشربي شوي وشميها عشان ماتلتهب الخيوط عليك ةالخوا جوا مع زيت الزيتون خيااااال والميبو بعد حلو وامممممممم والمويه والملح والارطاء تجلسين فيه وترا الخيوط مو شرط تطيح من حالها فيه انواع بعظها تذوب وبعضها تطيح وبعضها لازم تزورين الدكتوره عشان تشيلها منك
وبعد 20 يوم تكبي الكبو والقرض حق السودانيات حلو والشسوار خطرلانه هواء وينفخ رحمك حتى لو الهواء حار وانتبهي لاتجلسين دايم على جنب واحد لان الرحم مارجع لوظعه الطبيعي وعشان مايصير معك ميلان او انقلاب لاقدر الله واللله يقومك باالسلامه وماتشوفين شر

المفروض الدكتوره تصرف لك كريم تحطينه على الخياطه انا دكتورتي صرفت لي كريمين اخلطهم مع بعض واحطه على الخياطه عشان ماتلتهب انتبهي

وكنت قبل لا احطهم اتنقع في ماء وملح ماء دافي وبعدهااا تشطف بالمره المنقوعه بالماء وبعدين احط الكريم

الله يكون بعونك يارب

الله يعيينج اختي ..

انا نفسج عانيت مع الخياط وااايد .. و تميت فترة طويلة من النفاس و احس الجرح مب راضي يلتئم مع ان كنت استخدم كريم و مطهر عطوني اياها المستشفى ..

لكن بعد 3 اسابيع من المعاناة قالوا لي عن الملح الفارسي و صج كنت اتنقع فيه كل يوم مرة او مرتين في البانيو .. انثره في الماي و اقعد فيه و الحمدلله خلال اسبوع حسيت بفررق و حسيت ان الجرح بدا يلتئم ..

و بعد في شئ مثل التيوب او سباحة اليهال .. دائري تنفخينه بالهواء و في وسطه فتحة تقعدين عليه .. انا كان وايد يسهل علي القعدة و خاصة في السيارة او على السرير .. تلقينه بالصيدليات ..


الله يعينج اختي و يخفف عليج الالم ..

انس استخدم 3 اشياء وهي

1- اتنقع في ماي وملح

2- استخدم ديتول

3- مرهم ميبو او مرهم عيون

مشكورين يالغالين