ساعدوني ... ستاند التوزيعات

س

سويره الحلوه

عروس مشاركة

25-01-2009 | 02:05 PM

السلام عليكم

الله يخليكم بغيت أفكار حق ستاند التوزيعات، التوزيعات عباره عن علب بحجم راحة اليد (متوسطين) لونهم بيج ، والتوزيع الثاني عباره عن علب صغيره لونها أزرق فاتح.

أبي فكره حق الستاند غريبه وحلوه وعمليه من فضلكم !!! مع العلم ان الألوان اللي أبيها بيج وذهبي ووبرونزي

b

bent el ba7rain

عروس مبدعة

25-01-2009 | 02:14 PM

حبيبتي روحي محلات هالسوالف وبتجوفين اشكال والوان ويسوون لج حسب الطلب الالوان بس اغلبها مكررة وموجديدة تقدرين انتي تسوين فكرة بروحج مثلا انا توني مسوية لحماتي ماخدة ستاند حديد مطاوع فيه 4 جرات فخار من محل يبيعون فخار في مدينه حمد ووديته ريفيرا وزين لي الفخارات بشرايط وردية لانها جايبة بنت ومصاصات وزين ستاد الحديد المطاوع بورد طبيعي بعد انتي تقدرين توزعين التوزيعات عالاربع الجرات انا لان هدية مو توزيع فخليت في كل جرة شي وحدة سويتها باقة ورد طبيعي والثانية ملابس للبيبي زالثالثة فواكه والرابعة اغراض سبوح للبيبي طقم من جونسون وعلقت فيهم دببة وهالسوالف طلعت حدها راقية وفكرة غريبة

عندج نفس هالمحلات مالت الفخار شغلات وااايد فيه مثل الطاولة الخشب رفيعة وفوقها في الوسط بس جرة وحدة كبييييييييرة تقدرين تخلين فيها التوزيع واذا فضت تردين تملينها وتودينها محل يزينها

هذا اللي حاضر في بالي لان اخر شي جفته

}

}i{ ام عبد الله }i{

عروس رائعة

25-01-2009 | 04:25 PM

افكارج حلوة بنت البحرين..
شكلي انا بستفيد منهم..

سويرة الحلوة..
مثل ما قالت اختنا..
روحي محلات ورد وشوكلاته عادة عندهم ستاندات جاهزة..
يا اما تاخذين الفكرة وتعديلنها بنفس، وتشترين موادها من الانوار مثلا..
او تطلبين منهم يصممون لج وحدة وتتاجرينها بدل ما تشترينها اذا ما تحتاجينها على طول..

b

bent el ba7rain

عروس مبدعة

26-01-2009 | 08:26 AM

مشكورة حبيبتي محتارة شسميه تبين فكرة ستاندي الحين لولادتي بس يعتمد على نوع التوزيع انا توزيعي تحف كبار ثقال وفريمات يبي لي شي ثابت وقوي

في الانوار فوق يبيعون اول ناتركبين اللفت على يمينش يبعون اشياء تصلح لستاندات من الخشب انا خدت قطعة خشي مشخلة مستطيلة كبيرة بتجوفينها اكيد اذا رحتي وخدت 4 تواير خخخ من الخشب بعد عشان يثبت عليهم الخشبة يعني بصير كأنه سرير او طاولة خشبية مثبتة بتواير بس كبيرة يعني قد سرير تقريبا لانو قلت لج توزيعاتي ثقال و 120 حبة وفيه بعد يبعون قطع وايد تركبينهم باي طريقة تبين خدت بعد قطعة طوليه خليتها في طرف السرير فصار بالضبط كانه سرير مال كبار يعني مو مال جهال ووديته ريفيرا زيناه مداره بالتور والشرايط وبجيبه لي المستشفى وبثبت عليه التزيعات خخخ

عاد لا حد يبوق فكرتي قبل لا اولد خخخخخخخخخخخخخخخخخ حلال عليكم

خ

خذيت الروح

عروس مبدعة

26-01-2009 | 08:45 AM

انا بعد مثلج محتارة مو عارفة لا شنو اسوي توزيعات ولا شنو اسوي الستاند وانا احب الافكار الغريبة ، بس بحط لج جم صورة يمكن يفيدونج ان شاء الله
بس على مااورهم واحطهم دقايق ان شاء الله

بنت البحرين === خخخخخخخخخخخ الفكرة حلوة بس الله يساعد الي بيشيل السرير خخخخخخخخخ انزين بسألج المحل بيوصل لج التوزيعات لأن يبي لج بيك اب فديتج والله افكارج روعه

خ

خذيت الروح

عروس مبدعة

26-01-2009 | 09:54 AM

عزيزتي تصدقين دورت لج وايد بس مايطلع من الانترنت كلهم حالتهم حاله يبي لج تدورين في جوجل وبتحصلين وهذول الي حصلتهم ممكن تضيفين عليهم افكار وتكبرين حجم الستاند واسمحي لي ماقدرت اساعدج وايد وطبعا مايعبرون عن ذوقي بس هذول الي لقيتهم

b

bent el ba7rain

عروس مبدعة

26-01-2009 | 10:07 AM

اي حبيبتي خديت روحي الستاند والتوزيعات عند يفيرا وهو اللي بجيبهم اذا ولدت اخد 5 دينار عالتوصيل خخخ

خ

خذيت الروح

عروس مبدعة

26-01-2009 | 10:41 AM

ان شاء الله بالسلامه بنت البحرين وترى كنت امزح معاج عمري لاتزعلين

واعرف ريفيرا خخخخخخخخ مايسووون شي بلاش ماعليه خمس دنانير ولا ان احد منكم يشيله

u

um-fufu

عروس جديدة

27-01-2009 | 02:40 PM

وااااو افكاركم عجيبه .....ان شاءالله تلقون اللي في بالكم....

حبايبي ممكن تخبروني وين محل الانوار....اذا ما عليكم امر....

وربي يقومكم بالسلامه...

A

AU1986

عروس مشرقة

27-01-2009 | 03:18 PM

بنات أخباركم؟؟ دام الكلام عن التوزيعات بغيت أعرف كم صينية شوكولاته المفروض نسوي والتوزيعات شكثر نسوي يعني شنو العدد الطبيعي إن شاء الله ما أكون طولت عليكم

ب

بنت ستره

عروس جديدة

27-01-2009 | 03:56 PM

هلا بنات سالفة التوزيعات محيرتني انا بعد ابي اسوي شي حق ولادة اختي بس مو لاقيه فكره
انا درت كم محل اللي جنب السلمانيه بس اشغالهم ما عجبوني ورحت الحرز اللي في سوق واقف
عندهم اشايء حلوه بس للحين ادور على محلات تسوي ستاندات انا ابي اختار ديزان واوديه محل يسونه
بس ما ادري شنو اختار شفت شجره وفيها خلية نحل بس وايد سعرها غاللي لو بسويها بس حيل حيل عجيبه
حبيبي اللي تساليني عن موقع الانوار فهو في توبلي صاير على الشارع على شارع الخارطه اتمنى افدتج حبوبه
وانا بكون متابعه للموضوع عشان اخذ فكره
والله يقومكم بالسلامه يارب

}

}i{ ام عبد الله }i{

عروس رائعة

27-01-2009 | 04:08 PM

um-fufu;8588867:
وااااو افكاركم عجيبه .....ان شاءالله تلقون اللي في بالكم....

حبايبي ممكن تخبروني وين محل الانوار....اذا ما عليكم امر....

وربي يقومكم بالسلامه...

محل الانوار في البحرين..
هو بالعادة يكون محل فيه كل شي يخطر على بالج من الابرة للجمل..
يعني قرطاسية، ادوات مكياح، ادوات تنظيف، ادوات منزلية،..
بس اتوقع عندكم خيارات في السعودية اكثر مننا

}

}i{ ام عبد الله }i{

عروس رائعة

27-01-2009 | 04:12 PM

AU1986;8589290:
بنات أخباركم؟؟ دام الكلام عن التوزيعات بغيت أعرف كم صينية شوكولاته المفروض نسوي والتوزيعات شكثر نسوي يعني شنو العدد الطبيعي إن شاء الله ما أكون طولت عليكم

اختي
عدد التوزيعات تقدرينها بعدد الضيوف..
يعني عدد اقاربج من جهة الزوج وعدد الاقارب من جهتك..
زاد الاصدقاء والجيران..
يعني يعتمد على انتي راح تخبرين كم شخص بولادتج..
وفي الحساب المتعارف عليه..
ممكن اقل شي 100 حبة.. وبالاكثر 200

وعادة ما يطلعون العدد كامل للتوزيعات جدام الزوار..
تخلين مجموعة في الستاند كل مرة..
وتسوين له refill بس علشان الناس من طبيعتها اللقافة (سوري)... واذا شافت الشي منه وايد تحب تاخذ اكثر من حبة...

}

}i{ ام عبد الله }i{

عروس رائعة

27-01-2009 | 04:18 PM

بنت ستره;8589718:
هلا بنات سالفة التوزيعات محيرتني انا بعد ابي اسوي شي حق ولادة اختي بس مو لاقيه فكره
انا درت كم محل اللي جنب السلمانيه بس اشغالهم ما عجبوني ورحت الحرز اللي في سوق واقف
عندهم اشايء حلوه بس للحين ادور على محلات تسوي ستاندات انا ابي اختار ديزان واوديه محل يسونه
بس ما ادري شنو اختار شفت شجره وفيها خلية نحل بس وايد سعرها غاللي لو بسويها بس حيل حيل عجيبه
حبيبي اللي تساليني عن موقع الانوار فهو في توبلي صاير على الشارع على شارع الخارطه اتمنى افدتج حبوبه
وانا بكون متابعه للموضوع عشان اخذ فكره
والله يقومكم بالسلامه يارب

روحي المحلات اللي في شارع الخدمات.. جدعلي..
اولا الاسعار متفاوتة..
والخيارات اكثر..
وعلى فكرة ممكن التاجير بعد بدل ما تشترينها..

د

دمـعـة

عروس ذهبية

28-01-2009 | 12:30 PM

بنت ستره;8589718:
هلا بنات سالفة التوزيعات محيرتني انا بعد ابي اسوي شي حق ولادة اختي بس مو لاقيه فكره
انا درت كم محل اللي جنب السلمانيه بس اشغالهم ما عجبوني ورحت الحرز اللي في سوق واقف
عندهم اشايء حلوه بس للحين ادور على محلات تسوي ستاندات انا ابي اختار ديزان واوديه محل يسونه
بس ما ادري شنو اختار شفت شجره وفيها خلية نحل بس وايد سعرها غاللي لو بسويها بس حيل حيل عجيبه
حبيبي اللي تساليني عن موقع الانوار فهو في توبلي صاير على الشارع على شارع الخارطه اتمنى افدتج حبوبه
وانا بكون متابعه للموضوع عشان اخذ فكره
والله يقومكم بالسلامه يارب

بالنسبة للستاند اللي على شكل شجرة وفيها خليات نحل,,
شفت ستاند جديه في ولادة وحدة من أهلنا

سوته في جناحي,, بس اكيد غالي مادام في جناحي

س

سويره الحلوه

عروس مشاركة

28-01-2009 | 01:46 PM

مشكورين وماقصرتوا

أمس رحت الأنوار وشريت من عندهم شي حلو !!!

بس انقهرت يوم شفت عندهم أشياء وايد حلوه للتوزيع وأسعارها بلااااااااااااش، لأني شريت أغراض التوزيعات!!!!

ممكن نكمل الحوار عشان الغير يستفيد!

على فكره ... الأنوار يصير على شارع الخدمات المحاذي لشارع عذاري.

ب

بنت ستره

عروس جديدة

28-01-2009 | 02:26 PM

ايه ياريت يا بنات تفيدونا اكثر
محتاجه لافكاركم
انا رحت امس محل الايام في جد علي عندهم ستاندات رومعه بس شوي اسعارهم مرتفعه
لستاند بروحه بيونه من غير الحلاوه بخمسين دينار
ياريت البنات يخبرونا عن محلات تسوي اشايء كشخه

أ

أميرة عند زوجي

عروس فضية

28-01-2009 | 02:34 PM

بنت البحرين

بجم ريفيرا زينوو لج الجرات

وين يصير !!

انه اعرف محل ريغالوو يسون توزيعات بسسسسس اسعاره نار

بس عنده افكار رووحوو وبوقوو الافكار اهووه يصير في السلمانيه

ومحل دان في المحرق بعد عنده افكار حلوه واسعاره مبالغ فيها

انتوو روحوو عشان تاخذون الافكار

اممممم

أ

أحلام صغيرة

عروس ذهبية

28-01-2009 | 02:50 PM

محل ريغالوا اللي عند السلمانية عنده شغلات رووعه انا يوم ولادتي خذت من عنده وياجر بعد
وفي بعد جنبه كم محل بعد عندهم شغلات حلوة بس مب في مستوى ريغالوا

}

}i{ ام عبد الله }i{

عروس رائعة

28-01-2009 | 04:39 PM

كلها هم ومصاريف
وبعد ادراك الناس غاية لا تدرك
الله يساعدنا الصراحة