من طبعي الفضول، وبحكم عملي الصحفي تبلورت عندي هالصفة بشكل زين >>>> قوية تبلورت.. اقصد تهذبت وتوضحت.. وطبعا ما اقصد بالفضول الحشرية.. لا لا لاني ما احب احشر نفسي بشي ما يعنيني ، بس احب اسال وايد واتعلم وايد، واقرا وايد..
اول ما تزوجت ما كنت اعرف بهالدنيا غير الصحافة، وما اعرف ولا شي لا عن الزواج ولا الاطفال، واول ما جبت بنتي " نجد" انصدمت لاني ما اعرف ولاااااااااااااااااا شي، بس قررت اعرف كل شي.. والحمد لله نجحت بعض الشيء في تحويل بعض اخطاء الامهات الى ايجابيات
وراح اذكر لكم بعض هذي النقاط..
تنام معي بالسرير
اكثر شي اسمعه من الامهات اللي حواليني ان الطفل ينام معاهم بالسرير، واكثر تعليق راسخ في ذهني عن هالموضوع تعليق قاله اخوي عن بنته " سد مأرب" اللي وصل عمرها 5 سنوات وللحين تنام بالنص بين امها وابوها.

عني انا ما اقول اني ما خليت بنتي تنام معاي بالسرير، لا نامت معاي ليما وصل عمرها عدة شهور، لاني كنت والدة بعملية، وهي ترضع صناعي فما كنت اقدر اقوم لها كل شوي حتى اسوي لها الرضعة وارجع انام، صحيح نامت معانا بس مو بالنص ، لاني رفضت هالشي تمااااااااااااااما، ولاني كنت اعرف ان زوجي راح يحس ان فيه شي اخذني منه حتى لو كان بنته، فكنت انا انام بالنص بينها وبين زوجي، وكنت حاطة لها حاجز حتى لا تطيح.. عشان جذي اول ما شريت لها السرير الخاص فيها كان عااااااااااااااااادي انها تنام فيه بدون تعب خصوصا اني كنت لاصقة سريرها بسريرنا
شوفوا هذي الصورة

ما ينام بروحه
والشي الثاني اللي لاحظته من الاهل والصديقات ان عيالهم وصلوا للابتدائية والاعدادية وللحين ما ينامون الا بوجودهم، هذا الشي تلافيته من لما كان عمر بنتي 4 شهور ، في البداية عودتها تنام بسريرها وحدها لا بهز ولا غيره، وبعدها صرت اتحجج اني اكمل اشغالي فما ارجع الا وهي نامت.
علقت علي صديقتي بالفترة الاخيرة: بنتج صغيرة تنام بروحها، وانا بنتي بالاعدادية ما تنام الا ماسكة يدي.

التعود يا صديقتي هو اللي يعلم الطفل الاستقلالية
البيبي يبيني اشيله
وايد امهات يشتكون من عيالهم يبون ينشالون بكل وقت، وما فيه وحدة قدي عودت بنتها على الشيل.. بس صدقوني هذي مو مشكلة، لان الطفل راح يبتعد عنج اول ما يتعلم يقعد، ويبتعد اكثر اذا حبى، وما بتشوفينه يمج اذا مشى.
صرت اشتاق لبنتي تجي تقعد بحضني، واذا جبرتها تتضايق.
المعنى: لا تحرمين طفلج من حضنج وحنانج،

ولا تعتقدين انج راح تخربين طفلج اذا شلتيه، او تعلمينه على الدلال، لان الطفل بسنته الاولى ما يتعلم الدلال لمجرد انج شلتيه.. يعني شيلي هالفكرة من بالج وانت ترتاحين
فوضى بسبب الاكل
الاكل مشكلة ثانية عند الامهات لانه البيبي ما يبي يقعد بمكان واحد وياكل، فعشان جذي يتلطخ كل مكان بالاكل..

انا وحدة ما استخدمت كرسي الاكل للبيبي، بس استخدمت مبدا المكان الواحد، كنت اعطي بنتي اكلها في المطبخ بعد ما افرش لها في الارض واقعدها، وما صرت اشتكي حتى اذا سببت فوضى، لان المطبخ اصغر مكان في البيت ويتنظف بسرعة خصوصا انه عند الماي.
كرسي السيارة

وايد استغرب من بعض الامهات والاباء اللي يسوقون وطفلهم بحضنهم، واذا نصحتهم بكرسي السيارة اعتبروه ترف او تقليد للاجانب، او تعذروا ان الطفل ما يبيه..
أي اكيد الطفل ما يبي الكرسي اذا ما عودته عليه، الموقف كله يحتاج الى اصرار، والطفل مجرد يشوف نظرة الاصرار بعينك راح يسكت ويتقبل الامر الواقع
الإنفعال والعصبية

استغربت من صديقتي لما كبرت بنتي شوي قالت لي: جا دور انج تصرخين عليها حتى تخاف منج.
انا ما اتبع هذا الاسلوب مع بنتي، صحيح اني مو ملاك، وممكن اصرخ في بعض الاحيان، بس هذا الشي مو اساس تربيتي لبنتي، لاني اتبع معاها اسلوب النظرة الحازمة، ومجرد ما تشوفها بعيني تسكت وتنزل راسها.
لا تسالون البيبي من عمر كم ممكن يفهم هاللغة.. لانها اول لغة يفهمها الطفل
في النهاية نصيحتي: لا تسمعين كلام كل من حبت تنصح، خلي عندج مصادر علمية للتربية: الطبيب، الكتب، وخلي عندج تجربة شخصية خاصة فيج بعيد عن كلام الناس
ملاحظة: الموضوع جهد شخصي لذا يرجى ذكر المصدر عند النقل
اول ما تزوجت ما كنت اعرف بهالدنيا غير الصحافة، وما اعرف ولا شي لا عن الزواج ولا الاطفال، واول ما جبت بنتي " نجد" انصدمت لاني ما اعرف ولاااااااااااااااااا شي، بس قررت اعرف كل شي.. والحمد لله نجحت بعض الشيء في تحويل بعض اخطاء الامهات الى ايجابيات
وراح اذكر لكم بعض هذي النقاط..
تنام معي بالسرير
اكثر شي اسمعه من الامهات اللي حواليني ان الطفل ينام معاهم بالسرير، واكثر تعليق راسخ في ذهني عن هالموضوع تعليق قاله اخوي عن بنته " سد مأرب" اللي وصل عمرها 5 سنوات وللحين تنام بالنص بين امها وابوها.

عني انا ما اقول اني ما خليت بنتي تنام معاي بالسرير، لا نامت معاي ليما وصل عمرها عدة شهور، لاني كنت والدة بعملية، وهي ترضع صناعي فما كنت اقدر اقوم لها كل شوي حتى اسوي لها الرضعة وارجع انام، صحيح نامت معانا بس مو بالنص ، لاني رفضت هالشي تمااااااااااااااما، ولاني كنت اعرف ان زوجي راح يحس ان فيه شي اخذني منه حتى لو كان بنته، فكنت انا انام بالنص بينها وبين زوجي، وكنت حاطة لها حاجز حتى لا تطيح.. عشان جذي اول ما شريت لها السرير الخاص فيها كان عااااااااااااااااادي انها تنام فيه بدون تعب خصوصا اني كنت لاصقة سريرها بسريرنا
شوفوا هذي الصورة

ما ينام بروحه
والشي الثاني اللي لاحظته من الاهل والصديقات ان عيالهم وصلوا للابتدائية والاعدادية وللحين ما ينامون الا بوجودهم، هذا الشي تلافيته من لما كان عمر بنتي 4 شهور ، في البداية عودتها تنام بسريرها وحدها لا بهز ولا غيره، وبعدها صرت اتحجج اني اكمل اشغالي فما ارجع الا وهي نامت.
علقت علي صديقتي بالفترة الاخيرة: بنتج صغيرة تنام بروحها، وانا بنتي بالاعدادية ما تنام الا ماسكة يدي.

التعود يا صديقتي هو اللي يعلم الطفل الاستقلالية
البيبي يبيني اشيله
وايد امهات يشتكون من عيالهم يبون ينشالون بكل وقت، وما فيه وحدة قدي عودت بنتها على الشيل.. بس صدقوني هذي مو مشكلة، لان الطفل راح يبتعد عنج اول ما يتعلم يقعد، ويبتعد اكثر اذا حبى، وما بتشوفينه يمج اذا مشى.
صرت اشتاق لبنتي تجي تقعد بحضني، واذا جبرتها تتضايق.
المعنى: لا تحرمين طفلج من حضنج وحنانج،
ولا تعتقدين انج راح تخربين طفلج اذا شلتيه، او تعلمينه على الدلال، لان الطفل بسنته الاولى ما يتعلم الدلال لمجرد انج شلتيه.. يعني شيلي هالفكرة من بالج وانت ترتاحين
فوضى بسبب الاكل
الاكل مشكلة ثانية عند الامهات لانه البيبي ما يبي يقعد بمكان واحد وياكل، فعشان جذي يتلطخ كل مكان بالاكل..

انا وحدة ما استخدمت كرسي الاكل للبيبي، بس استخدمت مبدا المكان الواحد، كنت اعطي بنتي اكلها في المطبخ بعد ما افرش لها في الارض واقعدها، وما صرت اشتكي حتى اذا سببت فوضى، لان المطبخ اصغر مكان في البيت ويتنظف بسرعة خصوصا انه عند الماي.
كرسي السيارة

وايد استغرب من بعض الامهات والاباء اللي يسوقون وطفلهم بحضنهم، واذا نصحتهم بكرسي السيارة اعتبروه ترف او تقليد للاجانب، او تعذروا ان الطفل ما يبيه..
أي اكيد الطفل ما يبي الكرسي اذا ما عودته عليه، الموقف كله يحتاج الى اصرار، والطفل مجرد يشوف نظرة الاصرار بعينك راح يسكت ويتقبل الامر الواقع
الإنفعال والعصبية

استغربت من صديقتي لما كبرت بنتي شوي قالت لي: جا دور انج تصرخين عليها حتى تخاف منج.
انا ما اتبع هذا الاسلوب مع بنتي، صحيح اني مو ملاك، وممكن اصرخ في بعض الاحيان، بس هذا الشي مو اساس تربيتي لبنتي، لاني اتبع معاها اسلوب النظرة الحازمة، ومجرد ما تشوفها بعيني تسكت وتنزل راسها.
لا تسالون البيبي من عمر كم ممكن يفهم هاللغة.. لانها اول لغة يفهمها الطفل
في النهاية نصيحتي: لا تسمعين كلام كل من حبت تنصح، خلي عندج مصادر علمية للتربية: الطبيب، الكتب، وخلي عندج تجربة شخصية خاصة فيج بعيد عن كلام الناس
ملاحظة: الموضوع جهد شخصي لذا يرجى ذكر المصدر عند النقل